مرثية في والد مشرفنا محمد غازي الشيخ/غازي راجح النفيعي للشاعر غازي ضيف الله النفيعي

[فيصل المسعودي]

هذه مرثية قالها الشاعر/ غازي بن ضيف الله النفيعي في خاله المرحوم بإذن الله الشيخ/ غازي بن راجح النفيعي الذي توفى منذ حوالي الشهر رحمه الله رحمة واسعة ، وهو بالمناسبة والد زميلنا المشرف/ محمد بن غازي :

تغنى ياهجوسي والمعاني جالها منقود=كما نقد الذهب في صيرفة كعكي وحمراني
بعد جاني خبر موته تذكرت النقص والزود = وقلت النقص حل بحلة الأقصين والداني
هناك اللي يموت ولابكاه إلا دقيق العود = معه ورعه وأبوه وواحدن من بين الأخواني
وهناك اللي يموت وموتته حسبانها مفقود = على من رافقه وأبكا مع أهله جمع خلاني
فقيده ثم فقيده ياعرب موتت هذاك العود= عسى ربي يبدل سيته عفواً وغفراني
معه راحت مزايا كامله بالجود ياهل الجود= ولاظني نحصل مثلها مع مر الأزماني
لياجوه الضيوف وشافو باب القصر مردود = علامه بالدخول بدون صوت وقرع بيباني
كريم(ن) مسفهل أحجاج في عسر الليال السود= سريع(ن) في نباه إليا دعاه من العرب عاني
يشوش الرأس فخر(ن) وأعتزاز بذكره المعدود = مع أجناب الشلاوى وأفتخر به عند عتباني
مسند من بني حطاب ليا قيل الخوال أسنود =رجال(ن) فالمواقف تفرحك ليا جيت زعلاني
فرج من ضاق به وقته وصار مع العرب مضهود = هل الحيل السمان وكيفهم في جوف رسلاني
وأنا (غازي) وقلت االقاف في (غازي) بدون قيود = ولافيها مجامل يوم قلت القاف ملياني
عسى الله يرحمك ياخال وتارد حوضه المورود= مع اللي دينه أشرف دين وأعلا قدر الأنساني