تغنى ياهجوسي والمعاني جالها منقود=كما نقد الذهب في صيرفة كعكي وحمراني
بعد جاني خبر موته تذكرت النقص والزود = وقلت النقص حل بحلة الأقصين والداني
هناك اللي يموت ولابكاه إلا دقيق العود = معه ورعه وأبوه وواحدن من بين الأخواني
وهناك اللي يموت وموتته حسبانها مفقود = على من رافقه وأبكا مع أهله جمع خلاني
فقيده ثم فقيده ياعرب موتت هذاك العود= عسى ربي يبدل سيته عفواً وغفراني
معه راحت مزايا كامله بالجود ياهل الجود= ولاظني نحصل مثلها مع مر الأزماني
لياجوه الضيوف وشافو باب القصر مردود = علامه بالدخول بدون صوت وقرع بيباني
كريم(ن) مسفهل أحجاج في عسر الليال السود= سريع(ن) في نباه إليا دعاه من العرب عاني
يشوش الرأس فخر(ن) وأعتزاز بذكره المعدود = مع أجناب الشلاوى وأفتخر به عند عتباني
مسند من بني حطاب ليا قيل الخوال أسنود =رجال(ن) فالمواقف تفرحك ليا جيت زعلاني
فرج من ضاق به وقته وصار مع العرب مضهود = هل الحيل السمان وكيفهم في جوف رسلاني
وأنا (غازي) وقلت االقاف في (غازي) بدون قيود = ولافيها مجامل يوم قلت القاف ملياني
عسى الله يرحمك ياخال وتارد حوضه المورود= مع اللي دينه أشرف دين وأعلا قدر الأنساني

المشاركة الأصلية كتبت بواسطة هايل العتيبـــي (المشاركة 838222) فقيده ثم فقيـده ياعـرب موتـت هـذاك العـود***عسـى ربـي يبـدل سيتـه بعفـواً وغفرانـي اسال الله ان يبدل سيئاته حسنات ...وان يرحمه برحمته ... وصح لسان الشاعر/ غازي ابن ضيف الله ... ولاهنت يافيصل على النقل... ............

المشاركة الأصلية كتبت بواسطة عبدالله الاصعر (المشاركة 838244) الله يرحم الشيخ غازي النفيعي ويسكنه فسيح جناته وصح لسان شاعرنا للجميع تحياتي

المشاركة الأصلية كتبت بواسطة عبدالله هادي ناشي الفليت. (المشاركة 838286) فقيده ثم فقيـده ياعـرب موتـت هـذاك العـود***عسـى ربـي يبـدل سيتـه بعفـواً وغفرانـي اللهم امين يبدل السيئات بالحسنات.. وصح لساااان غاززي النفيعي ومشكور يافييصل على سرد القصيده