عرقى علي كبدى وسيمة مزينـــه = واركى على قلبى ثلاث المغيبى الشاعر : عبد الله بن سبيل

[بدرالهبيري]

هذه الابيات مقتطفات من قصيده للشاعر الوجداني المعروف:
الشاعر عبدالله بن سبيل ( رحمه الله ) واللي يعرف البقيه
ياتي بها الله لايهينه :

لا تمحنون القلب يا عاذلينه=الأمر لله؛ والحكي مايثيبي
لاخِبِر عن باسه ولا عالمينه=يعلم به اللي للدعا يستجيبي
عامين أكنه؛يوم أنا مستهينه=ولاودي أبدي للعرب ويش غيبي
واليوم ؛ يوم إنه تبيح كنينه=فأنا محب ووجعتي من حبيبي
قالوا مرض هاتوا طبيب المدينه=قلت الشفا بشفا طبيبي قريبي
لعقة عسل بين الزرار وجبينه=وحرف القران إلى تلاه الخطيبي
إن كان هو يرحم؛ والإسلام دينه=وله في نهار البعث حظ ونصيبي
يرش قلبي قبل ذوبه بحينه=عن ميتتي من سبته؛ وش يبي بي
ماهوب يرحم لارحم مبغضينه=كيه صبر ياربي إنك حسيبي
ماهو نصف كي الضنين لضنينه=بالماقع اللي ماكواه الطبيبي
عرقى على كبدي وسيمة مزينه=وأركى على قلبي ثلاث المغيبي
كان الجروح قصاص: واشيب عينه=كويت قلبه كية ٍ ماتطيبي
لاعاد عرف ٍ صار بيني وبينه=أبي المروفة منه وأذهب ذهيبي
أنا له ألجا من حدا والدينه=وأطوع من العبد المليك الأديبي

معاني بعض الكلمات الوارده بالقصيده :

1-حينه : موته وتقال الحين اي من الوقت ويقال وقته ..
2-سبته : سببه وتضاف التاء لها للتأكيد ..
3-عرقى : فعل ماضي بمعنى عمل عرقاه 0والعرقاه مصلابين
بشكل صليب هكذا + تسم بها قبيلة مزينه من حرب ابلها بالكي ..
4-واركي على قلبى ثلاث المغيبى ---- اركى ضغط بالمكواه علي الجلد
وثلاث المغيبى ثلاث حلقات بعضها فوق بعض وهي وسم قبيلة المغايبه
من الروقه من قبيلة : عتيبه ..
5-واشيب عينه : اى مااكبر مصيبته لان هدب العين لايشيب الا من
روعه مهوله
6-تطيب : تبرأ من الوجع ...

آخر تعديل بدرالهبيري يوم 18-Oct-2007 في 07:05 AM.