لا تمحنون القلب يا عاذلينه=الأمر لله؛ والحكي مايثيبي
لاخِبِر عن باسه ولا عالمينه=يعلم به اللي للدعا يستجيبي
عامين أكنه؛يوم أنا مستهينه=ولاودي أبدي للعرب ويش غيبي
واليوم ؛ يوم إنه تبيح كنينه=فأنا محب ووجعتي من حبيبي
قالوا مرض هاتوا طبيب المدينه=قلت الشفا بشفا طبيبي قريبي
لعقة عسل بين الزرار وجبينه=وحرف القران إلى تلاه الخطيبي
إن كان هو يرحم؛ والإسلام دينه=وله في نهار البعث حظ ونصيبي
يرش قلبي قبل ذوبه بحينه=عن ميتتي من سبته؛ وش يبي بي
ماهوب يرحم لارحم مبغضينه=كيه صبر ياربي إنك حسيبي
ماهو نصف كي الضنين لضنينه=بالماقع اللي ماكواه الطبيبي
عرقى على كبدي وسيمة مزينه=وأركى على قلبي ثلاث المغيبي
كان الجروح قصاص: واشيب عينه=كويت قلبه كية ٍ ماتطيبي
لاعاد عرف ٍ صار بيني وبينه=أبي المروفة منه وأذهب ذهيبي
أنا له ألجا من حدا والدينه=وأطوع من العبد المليك الأديبي

المشاركة الأصلية كتبت بواسطة قف امامك عتيبي (المشاركة 466191) بارك الله بك , شكراً أخي الكريم تقبلوا خالص تحياتي أخوكم: سعود بن سالم بن ملهي الدغيلبي