أزرق اللون!!

[كبتن عتيبه]

مساء الخير يالهيلاويه

سلام يالعتبان وانتم تمونون=ياتاج راس اللي يرد السلامي!!
والشاعر اللي ينشهر بازرق اللون=اسمه مميّز بين كل الأسامي!!

آخر تعديل كبتن عتيبه يوم 28-Nov-2007 في 01:23 PM.

[:: الغــربــي ::]

صح لساتك يالغالي كفييت

ووفيت

[السميــــــري]

مساء النوور ................. هههه

يامرحبا من يوم شفناك ممنون = أٌقرب وانا خابرك حام الجهامي
جيناك وانته من ورى العام مديون = يالشاعر اللي تشتهر بالوسامي !!

التوقيع

ربيت في حضن الزمانُ وتربيتْ = وأخذت لي من مرّ الأيام قرطوع ومن دون حدي ماغلطت وتعديتْ = ولا آطى الخطاء لو كان للناس مشروع وأمشي على نهج الرجال النعاتيتْ = واتعب لها لو هي كما حبةَ الكوع ولا أحب كلمة ( ليــت ) لأنها ( ليــتْ ) = ماتدرك المقصود لا صار ممنوع

[كبتن عتيبه]

الله الله

طاحت عصا موسى على سحر فرعون=ماعاد فيها يالعتيبي كلامي!!
والدين مامن دين لكن بالهون=وأنا وسامي ماخذه بالنظامي!!

[كبتن عتيبه]

صح بدنك يالغربي

تسلم

[نواف العصيمي]

الله الله

صح لسانك .. ياكبتن عتيبه

وصح لسانك ..يالسميري وأزهل الصف

ولكم التقدير والإحترام

التوقيع

[السميــــــري]

الله الله .. يالكبتن ..

تعوذ الشيطان وابليس ملعون = هامان من فرعون ولد العمامي
الرجل ياخذ حق لا صار ملسون = وانته اخذت الحق من غير رامي !!

[كبتن عتيبه]

هلا يانواف


وش لونك؟؟؟


لاهنت على تواجدك



تحياااتي

[السميــــــري]

نووواف يسلم قلبك يالغالي ..
وصح بدنك وتواجدك في الصف ..
هو غاية ماردي ..

لاهنت لاهنت ..

[كبتن عتيبه]

الله الله

لن كان علمك من وكالة يقولون=راجع(وكالة واس) والامر سامي!!
المدح مايرفع هل المنزل الدون=والذِّم مايرخي رفيع المقامي!!