سلام يالعتبان وانتم تمونون=ياتاج راس اللي يرد السلامي!!
والشاعر اللي ينشهر بازرق اللون=اسمه مميّز بين كل الأسامي!!

يامرحبا من يوم شفناك ممنون = أٌقرب وانا خابرك حام الجهامي
جيناك وانته من ورى العام مديون = يالشاعر اللي تشتهر بالوسامي !!

طاحت عصا موسى على سحر فرعون=ماعاد فيها يالعتيبي كلامي!!
والدين مامن دين لكن بالهون=وأنا وسامي ماخذه بالنظامي!!

تعوذ الشيطان وابليس ملعون = هامان من فرعون ولد العمامي
الرجل ياخذ حق لا صار ملسون = وانته اخذت الحق من غير رامي !!

لن كان علمك من وكالة يقولون=راجع(وكالة واس) والامر سامي!!
المدح مايرفع هل المنزل الدون=والذِّم مايرخي رفيع المقامي!!