قصيدتي التي اهلتني للمرحلة الثانيه في شاعر التحدي

[سعود النداح العتيبي]

السلام عليكم ورحمة الله وبركاته

اخواني اعضاء منتدى الهيلا الكرام

يشرفني وجودي بينكم واتمنى ان يكون لقصائدي قبول منكم

لان قبولكم لها يعني بانها الافضل لانكم عصابة راسي

سبق لي وان شاركت ي مسابقه السامر وكانت قصيدتي من ضمن

القصائد الفائزه وعرضتها في الموضوع المثبت في بداية الصفحه

وهذه قصيده اخرى شاركت بها في برنامج شاعر التحدي الذي سوف

يعرض على قناة فواصل ولله الحمد تمت اجازتها من قبل اللجنه

وتأهلت للمرحله الثانيه من البرنامج

وما شدني في الاشتراك هو وجود شاعرنا الكبير والمتألق نايف صقر

الدلبحي العتيبي ضمن اعضاء اللجنه

وسوف تعرض القصائد المتأهله خلال هاليومين ان كتب الله لي فيها نصيب

سوف يوضع للشعار ارقام للتصويت للتأهل للمرحله النهائيه التي ستقام

في دبي بدولة الامارات العربيه

واليكم القصيده

يا ابوي انا من جور الايام بي عـوق=ماني مـن اللـي صفقـت لـه لياليـه
ان جيت ابشكي حال قلبي من البـوق=يتعـب خفوقـي والليـالـي تعـاديـه
وان جيت ابشكي حال قلبي بطـارووق=هذي النصايـب دوننـا والثـرى فيـه
الحال عقبك مـا رقـى مرتـن فـوق=والناس بعـدك لـي عليهـا مشاريـه
يا ونتـي ونـت صويبـاً ومسـروق=فاقد شعوره مـا لقـى مـن يواسيـه
ان جيت قبرك هل دمعي مـن الشـوق=وان جيت ابرحل ضاق صدري بخوافيه
قالوا لي انسى واطلب اللي له السـوق=واسلى بوقتـك عـل جرحـك تداويـه
وش لون ابنسى وانت في داخل الموق=جفني كفن ورمـوش عينـي تداريـه
ويلاه يـا همـاً لـه سنيـن موثـوق=مـرات يلفينـي ومـرات انـا الفيـه
من واهجن فالروح مـا راح مخلـوق=يتـل روحـي لا تفـشـت بـلاويـه
ما كني الا بشـت عـوداً بـه افتـوق=والعود حضـي والبخـت مـا يدانيـه
اسامـر الونـات والقلـب مـحـروق=واهـات صـدري بالوقايـد تبـاريـه
الروح لـه تشتـاق والخاطـر يتـوق=يا كيف حالي صار مـن دون غاليـه

تابعوا عرضها على قناةل هاليومين وان شاء الله اني اتأهل

بتوفيق الله ثم بتصويتكم وامثل قبيلتي خير تمثيل يليق بشموخها

وطيبها وعرقتها

تحياتي القلبيه

[*النجـــــم*]

صح لسانك وعلا شأنك

بالتوفيق إن شاء الله

قصيدة جزلة بيض الله وجهك

لك

تحيــــــــــــــــــــــــــــــــــــاتي,,,,,,,

[مخلف الهقاوي]

ســـعود النداح

اجازتها اللجنه لقوتها وروعتهاا ولاشك في ذلك


نتمنى لك التوفيق في كل احوالك..

اما بالنسبه لوقفة ربعك معك هذي مايبيلها طلبه

ووقفات ربعك مشهود لها من الكل ..صح لسانك

وان شاء الله نشوفك في الادوار النهائيه

صح لسانك ياسفيرنا في فواصل

احتراماتي

[عبدالعزيز بن جودان الرويس]

صح لسانك اخوي
قصيده جميله والاجمل انها في الاب
نسأل الله ان يغفر لوالدك ويوفقك بالتاهل
وابشر بوقفت ربعك
حنا وقفنا والليال شحاح كيف ماناقف هاللحين
تحياتي لك اخوي

التوقيع

godan3@hotmail.com

[متعب العصيمي]

الله يغفرلله ويرحمه ..

وصح لسانك مدد بلا عدد .. قصيده جزله

وبتوفيق إن شاءلله..

ولك كل التقدير..

[ابوبجاد الرويس]

صح لسانكـ

وقصيدة جزلـه

[سعود النداح العتيبي]

المشاركة الأصلية كتبت بواسطة *النجـــــم*

صح لسانك وعلا شأنك

بالتوفيق إن شاء الله

قصيدة جزلة بيض الله وجهك

لك

تحيــــــــــــــــــــــــــــــــــــاتي,,,,,,,

مرحبا يا النجم

صح بدنك ووجهك يا الغالي والله لا يهينك

ويجزاك كل خير

تحياتي القلبيه

[سعود النداح العتيبي]

المشاركة الأصلية كتبت بواسطة مخلف الهقاوي

ســـعود النداح

اجازتها اللجنه لقوتها وروعتهاا ولاشك في ذلك


نتمنى لك التوفيق في كل احوالك..

اما بالنسبه لوقفة ربعك معك هذي مايبيلها طلبه

ووقفات ربعك مشهود لها من الكل ..صح لسانك

وان شاء الله نشوفك في الادوار النهائيه

صح لسانك ياسفيرنا في فواصل

احتراماتي

صح بدنك وبيض الله وجهك

وانا ما لاحقني شك فيكم يا ربعي

وعساكم دايم على القوه

اسعدني وجودك يا مخلف الهقاوي والجميع

تحياتي القلبيه

[سعود النداح العتيبي]

المشاركة الأصلية كتبت بواسطة عبدالعزيز بن جودان الرويس

صح لسانك اخوي
قصيده جميله والاجمل انها في الاب
نسأل الله ان يغفر لوالدك ويوفقك بالتاهل
وابشر بوقفت ربعك
حنا وقفنا والليال شحاح كيف ماناقف هاللحين
تحياتي لك اخوي

كفوا يا عصابة راسي الشك زايل

مير دايم بداية الحرب ينتخون الرجال

وهم خابرين خفا ربعهم

مرورك اضاء الصفحه يا الغالي

تحياتي القلبيه

[سعود النداح العتيبي]

المشاركة الأصلية كتبت بواسطة متعب العصيمي

الله يغفرلله ويرحمه ..

وصح لسانك مدد بلا عدد .. قصيده جزله

وبتوفيق إن شاءلله..

ولك كل التقدير..

مرحبا يا ابن عاصم

صح بدنك وبنانك

والله يجزاك بالخير ويغفر لاموات المسلمين

مرورك كهيبة الملوك

تحياتي القلبيه