يا ابوي انا من جور الايام بي عـوق=ماني مـن اللـي صفقـت لـه لياليـه
ان جيت ابشكي حال قلبي من البـوق=يتعـب خفوقـي والليـالـي تعـاديـه
وان جيت ابشكي حال قلبي بطـارووق=هذي النصايـب دوننـا والثـرى فيـه
الحال عقبك مـا رقـى مرتـن فـوق=والناس بعـدك لـي عليهـا مشاريـه
يا ونتـي ونـت صويبـاً ومسـروق=فاقد شعوره مـا لقـى مـن يواسيـه
ان جيت قبرك هل دمعي مـن الشـوق=وان جيت ابرحل ضاق صدري بخوافيه
قالوا لي انسى واطلب اللي له السـوق=واسلى بوقتـك عـل جرحـك تداويـه
وش لون ابنسى وانت في داخل الموق=جفني كفن ورمـوش عينـي تداريـه
ويلاه يـا همـاً لـه سنيـن موثـوق=مـرات يلفينـي ومـرات انـا الفيـه
من واهجن فالروح مـا راح مخلـوق=يتـل روحـي لا تفـشـت بـلاويـه
ما كني الا بشـت عـوداً بـه افتـوق=والعود حضـي والبخـت مـا يدانيـه
اسامـر الونـات والقلـب مـحـروق=واهـات صـدري بالوقايـد تبـاريـه
الروح لـه تشتـاق والخاطـر يتـوق=يا كيف حالي صار مـن دون غاليـه

المشاركة الأصلية كتبت بواسطة *النجـــــم* (المشاركة 393295) صح لسانك وعلا شأنك بالتوفيق إن شاء الله قصيدة جزلة بيض الله وجهك لك تحيــــــــــــــــــــــــــــــــــــاتي,,,,,,,

المشاركة الأصلية كتبت بواسطة مخلف الهقاوي (المشاركة 393311) ســـعود النداح اجازتها اللجنه لقوتها وروعتهاا ولاشك في ذلك نتمنى لك التوفيق في كل احوالك.. اما بالنسبه لوقفة ربعك معك هذي مايبيلها طلبه ووقفات ربعك مشهود لها من الكل ..صح لسانك وان شاء الله نشوفك في الادوار النهائيه صح لسانك ياسفيرنا في فواصل احتراماتي:)

المشاركة الأصلية كتبت بواسطة عبدالعزيز بن جودان الرويس (المشاركة 393363) صح لسانك اخوي قصيده جميله والاجمل انها في الاب نسأل الله ان يغفر لوالدك ويوفقك بالتاهل وابشر بوقفت ربعك حنا وقفنا والليال شحاح كيف ماناقف هاللحين تحياتي لك اخوي

المشاركة الأصلية كتبت بواسطة متعب العصيمي (المشاركة 393366) الله يغفرلله ويرحمه .. وصح لسانك مدد بلا عدد .. قصيده جزله وبتوفيق إن شاءلله.. ولك كل التقدير..