اطباعنا المتنكّسه!!

[مخلف الهقاوي]

السلام عليكم ورحمة الله وبركاته

اشارككم بهذه المتواضعه عسى ان تلقى قبولكم

بعض الطبايع لو تبي تعديلها=مهما تعدلها تجي متنكّسه
وبعض الطبايع لو تعدَّل ميلها=مالت عليك وجاك منها وسوسه
رح خلّها تمشي كذا مع خيلها=تبكي عليها عيونك المتجسّسه
وارفع يدينك للسما وادعي لها=دعوة عجوزٍ صامله متحمسه
شيل الحموله ياضميري شيلها=من قبل لاتطغى علينا هلوسه
نرحل عن الديره نودّع جيلها=والصاحب الخاين نودّع مجلسه
كم لي وانا صابر على تمثيلها=بعض البشر واخلاقها المتغطرسه
اقرا عليها(الكرسي) وترتيلها=وابات نفسي خايفه متوجّسه
اخاف من نفسي ومن تبديلها=واخاف اموري لاتجي متعكّسه

[ماجد المحياني]

الله يعطيك العافيه يامخلف الهقاوي



قصيده جميله وقافيه مميزه تصعب على كثير من الشعراء




وبيض الله وجهك وأنا أخوك

ومشكككككككككككككككككككككككككككور

[مخلف الهقاوي]

الله يعافيك اخوي ماجد

لاهنت على المرور الجميل

[النايع]

يرفع

صح لسانك وعلا شانك

[مخلف الهقاوي]

يرفع؟؟هههه والله مافهمتها ذي

لكن صح بدنك يالنايع ولاهنت على المرور

[النايع]

المشاركة الأصلية كتبت بواسطة مخلف الهقاوي

يرفع؟؟هههه والله مافهمتها ذي

لكن صح بدنك يالنايع ولاهنت على المرور

هلا ومرحبا

طال عمرك لأني نزلت قصيدتي بعد قصيدتك مباشرة

والأولى أن تكون قصيدتك هي اللي فوق لأنها قبلي.

تحياتي

[مخلف الهقاوي]

المشاركة الأصلية كتبت بواسطة النايع

هلا ومرحبا

طال عمرك لأني نزلت قصيدتي بعد قصيدتك مباشرة

والأولى أن تكون قصيدتك هي اللي فوق لأنها قبلي.

تحياتي

اجل (يرفع) والاولى قصيدتك طال عمرك