بعض الطبايع لو تبي تعديلها=مهما تعدلها تجي متنكّسه
وبعض الطبايع لو تعدَّل ميلها=مالت عليك وجاك منها وسوسه
رح خلّها تمشي كذا مع خيلها=تبكي عليها عيونك المتجسّسه
وارفع يدينك للسما وادعي لها=دعوة عجوزٍ صامله متحمسه
شيل الحموله ياضميري شيلها=من قبل لاتطغى علينا هلوسه
نرحل عن الديره نودّع جيلها=والصاحب الخاين نودّع مجلسه
كم لي وانا صابر على تمثيلها=بعض البشر واخلاقها المتغطرسه
اقرا عليها(الكرسي) وترتيلها=وابات نفسي خايفه متوجّسه
اخاف من نفسي ومن تبديلها=واخاف اموري لاتجي متعكّسه

المشاركة الأصلية كتبت بواسطة مخلف الهقاوي (المشاركة 381801) يرفع؟؟هههه والله مافهمتها ذي لكن صح بدنك يالنايع ولاهنت على المرور:)

هلا ومرحبا

طال عمرك لأني نزلت قصيدتي بعد قصيدتك مباشرة

والأولى أن تكون قصيدتك هي اللي فوق لأنها قبلي.

تحياتي

المشاركة الأصلية كتبت بواسطة النايع (المشاركة 381809) هلا ومرحبا طال عمرك لأني نزلت قصيدتي بعد قصيدتك مباشرة والأولى أن تكون قصيدتك هي اللي فوق لأنها قبلي. تحياتي