امس الضحى في عالي الرجم عديت ... مشلح الغنامي,,

[نوآف الغنامي]

بسم الله الرحمن الرحيم



هذه قصيده للشاعر القدير / مشلح براك الغنامي ..

أمس الضحى في عالي الرجم عدّيـت=في مرقـب ٍ يبحـث كنيـن المـودّي
رجـم ٍ ليـا منّـك براسـه تعلّيـت=يبحـث خفايـا المتقّـي للمـعـدّي
وقضيت في راسه من الوقت ماأقضيت=أوّل نهـاري بيـن جـزر ٍ ومــدّي
ونادى علي وقال جـا مـن تحرّيـت=ازهم عسـى اللـي تحتريلـه يـردّي
وألاّ إنزل الله لايعوقـك ليـا أقفيـت=مـن كثـر ماونّيـت بيّحـت سـدّي
ناديت في راسي على الحي والميـت=عدّيـت فـي وجـاك همّـك معـدّي
قلت انت نقّضت الجـروح وتخلّيـت=أباك عـون ٍ لـي وعـوّدت ضـدي
يارجم أنا من يـوم فيـك اشرهبيـت=شفت الخلي من حيث عينـي تلـدي
ذكرت جيـل ٍ فـي كنفهـم تربيـت=وحـب ّ ٍ بقلبـي عامـر ٍ مايهـدي
قال انزل انت اللي على نفسك أخطيت=الرجـم خـط الذكريـات الـمـودّي
وحوّلت من راسه جـداي التناهيـت=مثل الخلوج وعبرتـي فـوق خـدّي
مبدا ً يجـرّع راعـي الـود حلتيـت=أسقانـي السـم الذحـاح المصـدّي

[ابودله]

رجـم ٍ ليـا منّـك براسـه تعلّيـتيبحـث خفايـا المتـقّـي للمـعـدّي


ابداع ولك مني اجمل تحيه


اخوك ابودله العطاوي

[نوآف الغنامي]

شكرا لمرورك اخي ابو دله ..


مرورك شرف لي ..

..

[حاكم الغنامي]

خيال الصفراء


لاهنت على طرح هذه القصيده

والشاعر ابو عبدالله

شاعر غني عن التعريف وضع لنفسه مكان بين شعار القبيله حتى اصبح من كبارهم

واذكر له هذه الرائعه

من مرقب ٍ يفتش تقى الارض تفتيش=تبيـن مـن عالـي حجـاه المتاقـي
مبدا ً لخال القلـب بـردا ً نشانيـش=وأنـا رقيـت وجانـي الهـم راقـي
أمّـا تولّـم يانديـبـي مغابـيـش=والاّ أسر مع مسرى مخيف الطراقـي
ليا طار شبل الناس مع لقمة العيـش=وجا بينهم حبـل التواصـل دقاقـي
يلزمك منّـي بالوصـاه المطاريـش=لرفيقي اللـي مـن خيـار الرفاقـي
رشيـد زيـزوم العيـال المداغيـش=ليـا لاذ بالجنـب المتيـن الرقاقـي
وسلّم وقل يالقرم صاحبك في ويـش=رفيقك اللي في حجا الرجـم أواقـي

غاد ٍ كما الفـرّاع بيـن الهواويـش=يغيـر بيـن الملتـقـي والمـلاقـي
مما تشوف العين فالفكـر تشويـش=ضايق وجـات الذكريـات الغلاقـي
حنّيت للماضـي حنيـن المعاطيـش=وسقت النظر مع مجرهـد الرقاقـي
جرد ٍ تزيد موحّش القلـب توحيـش=عقب النزول اللـي عليهـا اشتياقـي
مجالـس ٍ للنجـر فيهـا غطاريـش=ولاهي لمن يشتـم و يمـدح نفاقـي
أسلافنا يـوم المعـاوش عراميـش=جيـل ٍ رحـل قـدم الامانـه تباقـي
قوم ٍ لفزعة مـن نخاهـم مداهيـش=وملجا ً لمن ضيّـق عليـه الخناقـي
يا ذخر ملحقة المتلّي مـن الجيـش=ليا جالهن عند الطريـح اصطفاقـي
شفت الرسوم وهل دمعي جواهيـش=ومفتـاح غربـال المـود الفـراقـي
للنفـس شـف وللمنايـا مهاتيـش=نبـا وتطوينـا الليـالـي سبـاقـي
والعبد يجريله من الدهـر تمحيـش=وإن مر به عسر ٍ بعد يسـر ضاقـي
وماقل دل وكثـرة الهـرج تدويـش=موجـز وبـاق ٍ للسوالـف بواقـي
وأسلم وسلّم عـد وبـل الرواعيـش=عد الرشاش مـن الخيـال الحقاقـي
وصلّو على اللي همّش الشرك تهميش=شفيـع تبّاعـه بـيـوم التـلاقـي

التوقيع

سبحــــان الله وبحمدهـ hakem81@live.com

[نوآف الغنامي]

نعم غني عن التعريف ابو عبد الله ..

وانا ابي اجيب له قصائد اخرى ان شاء الله ..

وشكر اخي حاكم الغنامي على اضافتك ..

..

[أبو عذاب 717]

[quote=خــيال الصفرا;821785]بسم الله الرحمن الرحيم


يض الله وجهك

[نوآف الغنامي]

ابو عذاب 717

وجهك ابيض

وشكرا لمرورك ..

..

التوقيع

تدرون ويش اكبر فخر بعد الاسلآم !! = ان النبي (طه) خواله عتيبه خــــيال الصفـــــرا سابقاً

[ابو ضيف الله]

صح لسان الشاعر مشلح الغنامي وسلمت يمينك يا خيال الصفراء

وبيض الله وجهك يا حاكم على القصيدة الثانية

التوقيع

قال الشافعي رحمه الله: أركان الرجولة أربع: الديانة والأمانة والصيانة والرزانة. قال الخليل ابن أحمد: التواني إضاعة, والحزم بضاعة, والإنصاف راحة, واللجاجة وقاحة. اللهم أنصر من نصر الدين وأخذل من خذل الدين

[نوآف الغنامي]

الله يسلمك ابو ضيف الله

وشكرا على مرورك ..

..