قصيده للشاعر يوسف العتيبي تنشر لاول مره (طيور الظلام )

[خلف القثامي]

ماينكر المعروف غير ابن الحرام= كلمة وتلقاها معا كل بدوي
هذاك لابرد عليه ولا سلام= ماينقصه ياكود ينبح ويعوي
الله يعز إلحى الرياجيل الحشام= من كلمة ماهي تصير وتستوي
الأرض صارت عش لطيور الظلام= وابليس ماقصر والأيام تغوي
والإ أنا ماني على احسن مايرام= مبطي وانا عن من سكنها منطوي
لاصار ما لك مع هل الطاله مقام= ياقلب فجرها وياصدر احتوي
خل الدموع اللي ورى عيني تنام= تنزل على خدي وتكويني كوي
ياقلب لاتشره على بعض الكلام= ما كل خلق الله بالدرب السوي
وان ماحصلك خوة الناس الكرام= احسن لك تعيش الحياة بلاخوي

[ابوبجاد الرويس]

مشكور اخوي خلف

والله يعطيك العافيه

وصح لسان الشاعر يوووووووسف

[خلف القثامي]

الله يعافيك اخوي ابو بجاد

ومشكور على المرور

ويوسف شاعر مبدع وقصائده حكمه شعريه متميزه

[فهدالعضياني]

مشكوراخوي خلف وصح السانك ولسان الشاعريوسف

[متعب العصيمي]

صح لسان الحر النداوي.. لاهنت على نقل القصيده..

ولك فائق الإحترام..

[عمر الراوي]

صح السااااان يوووووسفوووه

والله مشتاقيله

مشكوووري ع الموضوع

الله لا يهينك

تقبل مروري

اخوك :

][`~*¤!||!¤*~`][

عـــمـــر الـــراوي][`~*¤!||!¤*~`][

[محمد الزايدي]

صح الله لسان شاعر الامه

والف شكر على النقل

[ماجد النايف]

مشكور ياخلف

وصح لسان شاعر الامه

تحياااااااااااااااااااااااااتي

[مخاوي العتبان]

صح لسان شاعر الامه ولاهنت يالقثامي على نقل القصيدة

والله مشتاقين له الحر النداوي من يجيب لنا اخباره ؟؟