أن كـثـر مـالك قـدّروك الريـاجـيـل # وان قـل مـالك كل مـن مـر خـلاك

[جلوي المليّن العصيمي]

صحيح من قال المثل صادق القيل=اللي يقول أبوك و أخوك مخباك
ان كثر مالك قدّروك الرياجيل=وان قل مالك كل من مر خلاك
لو ولد عمك وانت وسط المحابيل=مرك وصد ولا نشد عنك وش جاك
وان كان صاحب مال وأتكيل بالكيل=جالك ولد عمك وربعك هذولاك
وكلن بسطلك زل زودٍ عن الحيل=كله مراعاتٍ على شأن دنياك
لو انت ماتسوالك اربع ريايل=كلن بسطلك زل حتى لماطاك
وان كان مابه مال لو انت حلحيل=كلن يمر وصد واقفى وخلاك
لو ان أبوك و جدك من أعقداء الخيل=قدرك تراه اليوم من وجد يمناك
ان كان مايطمع وراك بمحاصيل=اصبحت كلن بالمجاليس يشناك
وكثرت عذاريبك من القول والقيل=وكلن طرح قدرك ولاعاد ياراك
حتى الرخوم اللي سوات الطرابيل=شذابت الاعراض حطوك مسواك
اللي ارغلهم نافختها التحاميل=تعرف بعضهم لو يبى يمر مناك

.

جلوي ابن حمدان المليّن

.