صحيح من قال المثل صادق القيل=اللي يقول أبوك و أخوك مخباك
ان كثر مالك قدّروك الرياجيل=وان قل مالك كل من مر خلاك
لو ولد عمك وانت وسط المحابيل=مرك وصد ولا نشد عنك وش جاك
وان كان صاحب مال وأتكيل بالكيل=جالك ولد عمك وربعك هذولاك
وكلن بسطلك زل زودٍ عن الحيل=كله مراعاتٍ على شأن دنياك
لو انت ماتسوالك اربع ريايل=كلن بسطلك زل حتى لماطاك
وان كان مابه مال لو انت حلحيل=كلن يمر وصد واقفى وخلاك
لو ان أبوك و جدك من أعقداء الخيل=قدرك تراه اليوم من وجد يمناك
ان كان مايطمع وراك بمحاصيل=اصبحت كلن بالمجاليس يشناك
وكثرت عذاريبك من القول والقيل=وكلن طرح قدرك ولاعاد ياراك
حتى الرخوم اللي سوات الطرابيل=شذابت الاعراض حطوك مسواك
اللي ارغلهم نافختها التحاميل=تعرف بعضهم لو يبى يمر مناك

المشاركة الأصلية كتبت بواسطة بوسعد2010 (المشاركة 1130892) الله يعطيك العافية

المشاركة الأصلية كتبت بواسطة وصل الشهيب (المشاركة 1131771) الأخ الشاعر جلوي الملين العصيمي صدقت يابن عاصم قصيده لاتخلو من الحكم صح لسانك تحياتي

الأخ / جلوي
صح لسانك واعتلى شانك
قصيدة جميلة .....
لكن فيها بعض السوداوية
فلا يمكن تعميمها وأخذها كفرضية

تقبل مروري

المشاركة الأصلية كتبت بواسطة نايف المغيبي (المشاركة 1131803) الاخ جلوي صح السانك على هذه القصيد ولك تحيتي