الفالح اقرب جاي

[المحامي]

الفالح مسيت بالخير ودنا بطاروق معك وعلى راحتك متى ماسمح وقتك
استلم

يالفالح اللي تغني بالمثايل والطروقي =تعال واخذ الكلام اللي يجمّل من يقوله
عامين مدري ثلاثه وانت من سوقٍ لسوقي=مدري كسبت الوصافه ياولد ولا البطوله

[علي فلاح العضياني]

الله يمسيك بالخير ولي الشرف اني اجاريك

واستلم

حيّا الله الشاعر اللي جاب له قافٍ يشوقي=والناس تحكم على الرجّال من فعله وقوله
انا اكسب الاوله من عادتي وانا ابن روقي=والاوله ما يحصّلها البنادم بالسهوله

التوقيع

(( رأس الحكمه مخافة الله ))

[المحامي]

ابقا الله اللي على درب السنع دايم سبوقي=والناس لاجبت سيرة شخص قالوالك فعوله
الاوله روّحت ياصاحبي ليتك تفوقي=سرى بها اللي ترك له بصمةٍ في كل جوله

[علي فلاح العضياني]

عيني تخيل الخيال اللي ترفّ به البروقي=والظاهر انه ما غير بروق ما تدرج سيوله
قال المثل ما يكذّب علم رجّالٍ صدوقي=لا قلت لك علم ضمّه لا تردد في قبوله

[المحامي]

خلك على الهون قبل يفور دمك فالعروقي=وسهيل ودك تنوشه بس ماتقدر تطوله
قلت الك علمٍ مّوثق ياعميلي بالوثوقي=وصلك علمي ونفسك لاتجي دايم عجوله

آخر تعديل المحامي يوم 05-May-2007 في 08:49 PM.

[مرزوق حمدان العتيبي]

..
.
المحامي .. والفالح ...
وصفحه مليئه بالابداع ....
على القوه .. ياشعار .... وصف الفالح ....
مكتمل ...

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[المحامي]

ارحب يامرزوق العتيبي
حضورك مكسب وخل الفالح ينفعك ههههههههههههههههه
مادام انك بصفه

[علي فلاح العضياني]

عز الله اني على خوّة هل الطاله شفوقي=وسهيل حول الجدي والجدي طول الوقت حوله
بين الثرى والثريا كم تعدّ من الفروقي=بحر الوفا والمراجل سابحه عرضه وطوله

[المحامي]

عز الله انك معي بالحيل يالفالح خلوقي=لولا الحيا كان وريتك زمانك مع ميوله
شمسك قريّب من المغرب بعيد عن الشروقي=والوقت لومال ماتقدر تكيّف مع فصوله

[علي الثبيتي]

المشاركة الأصلية كتبت بواسطة الفالح

عز الله اني على خوّة هل الطاله شفوقي=وسهيل حول الجدي والجدي طول الوقت حوله
بين الثرى والثريا كم تعدّ من الفروقي=بحر الوفا والمراجل سابحه عرضه وطوله

هنا الجزاله هنا الابداع المحامي والفالح صحت السنتكم شعار مبدعين

التوقيع

ماني بلا روقي ولا برقاوي = انا ثبيتي جد روق وبرقا