(مــــــــــــــــــرزوق) و (وصـــــــــــــــــــــــــل)

[الوليد العتيبي]

مع نهاية عـام وابدايـة العـام الجديـد=ياسلامي من هجوس الشعر والشوق زاد
شوق مثلي للسوالف مع الطيّـب يزيـد=يالعطياني نبـي منكـم اعلـوم ٍ جـداد
من هجوسٍ دايم تقول لي هل من مزيد=مرحبا ترحيب يقدح كما قدح الزنـاد
مار يا مرزوق عيّدت وإلا ماش عيد=كان عيّدتوا نبى نعرف أيّـام العَيَـاد
والبقا فالك ومع شاعر ٍ مثلـك عنيـد=الله يجيب السلامه ويحصل مستفـاد
مانعيّد مع هل الكفر والديـن الزهيـد=عيدنا معروف ياوصل واعطيك الوكاد
أنت يا مرزوق يمكـن تفيـد وتستفيـد=من نهار إنّك تعلويت في ظهر الشّـداد
والمسافة وِدّها حزم رأس وقطـع بيـد=كمّ طرقي يرسلونه ولا جاء فـ"المراد "
المواهب عانها والنفس عندي بعيد=الله انه يكثر الخير ويعـم البـلاد
والله انا ماذخرناك يالجهد الجهيد=والفروسيّه تبيّن ليا اشتد الطـراد
آخر الطرقة يبين النحاس من الحديد=الحديد اللي تسوّى به سيوفٍ حـداد
والعباد تريد والله يدبّر مـا يريـد=والبشر ترضى بما يقسمه ربّ العباد
كلنا نبغى الفخر والهدف بيت القصيد=والعرب مايخلطون البياض مع السواد
ياوصل كل المباني تبي ساس ٍجويـد=والبناء معروف مايستوي مثل الهـداد
موت يا مرزوق حتّى نقول إنّك شهيد=موتك يريّح عتيبة هذا العلم الوكـاد
إضربتك أم الركب وإضربتك ام العبيد=وفْرحوا ربعك بموتك لكنْ ما الله أراد
الاجال مقـدره مالنـا عنهـا محيـد=راضي ٍ في قسمة الله عليه الاعتمـاد
انت منت بن الثبيتي ولا الشاعر رشيد=طيع شوري لاتكابر ويعميـك العنـاد
آه يا مرزوق يا بعد مكّة عن قديـد=مثل ما تفرق عيون العباد عن الجراد
مير أنا وضّحت رأيي ولا يحتاج أعيد=تفهمه وإلا تروّح وروحة قوم عـاد
الله انه يرزق الناس بالحظ السعيـد=لجل بن مشهور يفرح ويرتاح الفواد
الحكاوي ماتـزوّد لقايلهـا رصيـد=كيف ودك تغزي القوم ماعندك عتاد
إدع لا يدري عن دعاك زيد ولا عبيـد=طالبك تدعي عليهـم ولحّقهـم زيـاد
من معه رمح الزناتي وسيف بن الوليد=قادرٍ يهْجد على القوم يا مال الهجـاد
المدح ماهـوب زايـد بقـدرات البليـد=والمعالـي ماتوصـل بغيـر الاجتهـاد
لو معك صبر المهادي وثروات الـ(...)=يمكن انك ترضي الناس في وسط المزاد
منت صاحي لين تونس لسِع خضر الجريد=تحسب إن الوقت كلّه بـرادٍ فـي بـراد
النهاية شدّ حيلك .. هذا الـرأي السديـد=وإلاّ لا تنشب بثوبي كما شـوك الكتـاد