اليا تبسم وأنا زعلان ينسيني (غزل عذري)

[سفر الغبيوي]

لي صاحب وان جلس معيه يسليني=وان غاب عن ناظري مليت مجلاسي
خل معي طيّب المعشر مصافيني=للروح زاد وشراب سيد الناسي
اليا نظرلي بعينه حيل يحييني=وأعيش في داخل عيونن بها نعاسي
واليا تبسم وأنا زعلان ينسيني=وأنسى مع أضحوكه همومي وهوجاسي
وأرتاح لاقام بأشواقه يناجيني=وأسلى معه وأشرب الفنجال والكاسي
قلبي خويه وأنا قلبه امخاويني=خشير روحي وخفاقي والأحساسي
مكفيه بالحب حبي له امكفيني=لا مدوّر غيره وغيره لها ناسي
له مني أوفيه حب وحب موفيني=حبه غطاني من الرجلين للراسي
أغليه لو كان مايدري ومغليني=الصاحب اللي سقاني خمر الألعاسي
معذور في حبها لو كان يشنيني=خبل ببحر الهوى ماعاش غطاسي
محروم من حب صادق عاش مسكيني=ماذاق طعم العسل صافي والأوناسي

[الغلاب]

مشكووووور أخوي

ويعطيك العافيه

تقبل تحياتي

[طير الهيلا]

	أغليه لـو كـان مايـدري ومغلينـي الصاحب اللي سقاني خمـر الألعاسـي

صح لسانك

[فيصل المسعودي]

صح لسانك


رائعه ياغااااالي


تحياتي

[فتى الروم]

صح السانك يابو طلال ويعطيك العافيه

سجل اعجابي

[سفر الغبيوي]

شكرا للجميع على كلماتكم الطيبه،، وأعتز بكم جميعا

مع تحياتي

أخوكم

أبوطلال

[أبو زيد]

صح لسانك ... تحياتي........

[سفر الغبيوي]

أشكر لك مرورك أخي أبا زيد

مع تحيـــــاتــــــــــــــــــــــــــــي