لي صاحب وان جلس معيه يسليني=وان غاب عن ناظري مليت مجلاسي
خل معي طيّب المعشر مصافيني=للروح زاد وشراب سيد الناسي
اليا نظرلي بعينه حيل يحييني=وأعيش في داخل عيونن بها نعاسي
واليا تبسم وأنا زعلان ينسيني=وأنسى مع أضحوكه همومي وهوجاسي
وأرتاح لاقام بأشواقه يناجيني=وأسلى معه وأشرب الفنجال والكاسي
قلبي خويه وأنا قلبه امخاويني=خشير روحي وخفاقي والأحساسي
مكفيه بالحب حبي له امكفيني=لا مدوّر غيره وغيره لها ناسي
له مني أوفيه حب وحب موفيني=حبه غطاني من الرجلين للراسي
أغليه لو كان مايدري ومغليني=الصاحب اللي سقاني خمر الألعاسي
معذور في حبها لو كان يشنيني=خبل ببحر الهوى ماعاش غطاسي
محروم من حب صادق عاش مسكيني=ماذاق طعم العسل صافي والأوناسي