الجرواة تضيع بكل وادي رشيد الزلامي لــفلاح الحنان

[قاسي العتيبي]

فلاح الحنان
يامرحبا ياعتيبة جيتوا جموع ،،، أنتم تبون العشاء وألا الجهادي
ترا الزلامي خشير ٍ لي بموضوع ،،، لي الرسن والزلامي فالشدادي

رشيد الزلامي
الله يسلمك ماجيناك من جوع ،،، وألا كرمكم تذيع به الروادي
ماني خشير ٍ معك والخشر ممنوع ،،، الله يردك من الخرمة وغادي

فلاح الحنان
حقك يبا يأصلك مثني ومربوع ،،، بينك وبين العرب ملح ٍ وزادي
خايف على ساكن السدرة من الروع ،،، من يوم قامت تعاطاه الأيادي

رشيد الزلامي
مابيننا غير ضرب الرأس والكوع ،،، وصفحاتكم بيض مافيها سوادي
بس الخواجة لقى فالأرض جربوع ،،، قال أبعدوني و ودوني بلادي

فلاح الحنان
العلم قبل أمس ماكمل له اسبوع ،،، يوم الخواجة على الصيدة ينادي
...... يمناه وسط السمن للكوع ،،، وراه مايعرف غيوب الأعادي

رشيد الزلامي
ودك توصل خبر والسلك مقطوع ،،، واللي يصيد العرب يمكن يصادي
أثرك مثل جو ركبة يوم واسبوع ،،، اسبوع كله عجاج ويوم هادي

فلاح الحنان
لاصار عندي قضية من هذا النوع ،،، ماني معنيك مع كثر الدوادي
لقيت لي جرو ذيب ٍ ماله ضلوع ،،، بغيت أعلمك مير أنت متحادي

رشيد الزلامي
والله مافيك يالحنان منفوع ،،، ألا سوالفك من كبر الهوادي
سويت مشروع لو مافيه مشروع ،،، خل الجرواة تضيع بكل وادي

فلاح الحنان
مافيه شي ٍ مع العتبان ممنوع ،،، لو كان أبا أصيدكم صيد الجرادي
والله ما أدور مع الأجواد مشفوع ،،، حيث أنت مع طول الأيام اتحادي

[مهجرس]

محاورة من ذهب مع شعراء لهم وزنهم

[سلمان المرشدي]

صح لسان الشاعرين مبدعين

والزلامي الزلامي

شكرا لك ياصاحب الموضوع

[مطني الحافي]

ياوجه الله من الزلامي...!!
...
..
.

[محمد الذيابـــي]

محاورة رائعه

للشعراء ولا اروع


مشكور يا قاسي

التوقيع

التوقيع محمد الذيابـــي

[منصف في زمن الظلم]

الزلامي هيبته تسبقة
والحنان شاعر سبيع ما يستهان فيه (ملكع)

[مصر]

الله الله الله يا قاسي .. بيض الله وجهك

محاورة تكتب بالذهب

شاعران قويان جدا ومعان عميقة

والزلامي محتفظ بكامل لياقته الشعرية رغم كبر السن

[السامي الجعيد]

فلاح الحنان
يامرحبا ياعتيبة جيتوا جموع ،،، أنتم تبون العشاء وألا الجهادي
ترا الزلامي خشير ٍ لي بموضوع ،،، لي الرسن والزلامي فالشدادي
رشيد الزلامي
الله يسلمك ماجيناك من جوع ،،، وألا كرمكم تذيع به الروادي
ماني خشير ٍ معك والخشر ممنوع ،،، الله يردك من الخرمة وغادي
ماتفوت على الزلامي الزلامي نؤوي وســـــــــــــــام

[محمد ناصر الأكلبي]

فلاح الحنان
يامرحبا ياعتيبة جيتوا جموع ،،، أنتم تبون العشاء وألا الجهادي
ترا الزلامي خشير ٍ لي بموضوع ،،، لي الرسن والزلامي فالشداد

رشيد الزلامي
الله يسلمك ماجيناك من جوع ،،، وألا كرمكم تذيع به الروادي
ماني خشير ٍ معك والخشر ممنوع ،،، الله يردك من الخرمة وغادي



الحقيقة فرق كبير بين الاثنين

أبو جميل قامة على المنبر الشعري في المحاورة والنظم


.....

[سلطان قومه]

ممميز ولاتطوف الزلامي