الهيـــــــــــــلا *** منتدى قبيلة عتيبة - الجرواة تضيع بكل وادي رشيد الزلامي لــفلاح الحنان

الجرواة تضيع بكل وادي رشيد الزلامي لــفلاح الحنان

فلاح الحنان
يامرحبا ياعتيبة جيتوا جموع ،،، أنتم تبون العشاء وألا الجهادي
ترا الزلامي خشير ٍ لي بموضوع ،،، لي الرسن والزلامي فالشدادي

رشيد الزلامي
الله يسلمك ماجيناك من جوع ،،، وألا كرمكم تذيع به الروادي
ماني خشير ٍ معك والخشر ممنوع ،،، الله يردك من الخرمة وغادي

فلاح الحنان
حقك يبا يأصلك مثني ومربوع ،،، بينك وبين العرب ملح ٍ وزادي
خايف على ساكن السدرة من الروع ،،، من يوم قامت تعاطاه الأيادي

رشيد الزلامي
مابيننا غير ضرب الرأس والكوع ،،، وصفحاتكم بيض مافيها سوادي
بس الخواجة لقى فالأرض جربوع ،،، قال أبعدوني و ودوني بلادي

فلاح الحنان
العلم قبل أمس ماكمل له اسبوع ،،، يوم الخواجة على الصيدة ينادي
...... يمناه وسط السمن للكوع ،،، وراه مايعرف غيوب الأعادي

رشيد الزلامي
ودك توصل خبر والسلك مقطوع ،،، واللي يصيد العرب يمكن يصادي
أثرك مثل جو ركبة يوم واسبوع ،،، اسبوع كله عجاج ويوم هادي

فلاح الحنان
لاصار عندي قضية من هذا النوع ،،، ماني معنيك مع كثر الدوادي
لقيت لي جرو ذيب ٍ ماله ضلوع ،،، بغيت أعلمك مير أنت متحادي

رشيد الزلامي
والله مافيك يالحنان منفوع ،،، ألا سوالفك من كبر الهوادي
سويت مشروع لو مافيه مشروع ،،، خل الجرواة تضيع بكل وادي

فلاح الحنان
مافيه شي ٍ مع العتبان ممنوع ،،، لو كان أبا أصيدكم صيد الجرادي
والله ما أدور مع الأجواد مشفوع ،،، حيث أنت مع طول الأيام اتحادي

محاورة من ذهب مع شعراء لهم وزنهم

صح لسان الشاعرين مبدعين

والزلامي الزلامي

شكرا لك ياصاحب الموضوع

ياوجه الله من الزلامي...!!
...
..
.

محاورة رائعه

للشعراء ولا اروع

مشكور يا قاسي

الزلامي هيبته تسبقة
والحنان شاعر سبيع ما يستهان فيه (ملكع)

الله الله الله يا قاسي .. بيض الله وجهك

محاورة تكتب بالذهب

شاعران قويان جدا ومعان عميقة

والزلامي محتفظ بكامل لياقته الشعرية رغم كبر السن

ممميز ولاتطوف الزلامي

مشكورين جميعاً على تفاعلكم مع الموضوع