ياوجودي\ فارس الصوينع

[قـنـاص الـقـوافي]

السلام عليكم ورحمة الله وبركاته
اترك لكم هذه الخاطره المتواضعه للمشاركه



ياوجودي وجد حر ٍ ماتعشى…
لو فعله حين هده خابرينه

غاب من وقت المضحى للمعشى…
والجماعه في المضحى ناطرينه

كن عظمه يوم شاف الجول هشى…
لو عظمه قاسي ٍ مافيه لينه

مير جلده من كنين الجوف كشى…
وللطويله هاضته دمعات عينه

حار صقاره ومن خوفه تمشى…
يلتفت له مير مابان إله بينه

والله اني مثل صقاره إمغشى…
ومثل حاله يوم ساقته الغبينه

كن قلبي حاجة ٍ طشته طشى…
الله انه من بلاويها يعينه

حاجة ٍ باقوى الوسايط ماتمشى…
من تصيبه بالحشى يمسي رهينه

واعذابه, لاتكٌن ولا تفٌشى…
في الحنايا بالمخاليب اللعينه

من فعايلها تنش العظم نشى…
ومن سبايبها بدت عيني حزينه

كنها رشت مسيل الدمع رشى…
واظهرت شي ٍ قديم ٍ دافنينه


اخوكم
فارس بن طلق الصوينع الدعجاني

[فيصل مطر]

صح لسانك يابوطلق

وهاذي ماهي بمتواضعه من حيث المعنى قصيده جزله بكل ماتعنيه الكلمه

تقبل مروري

التوقيع

صاحبي عوده ليان أليا ثنيته=مودمين كنه الداب يتلوى مودمين طول عمري ما لقيته=مالقيته في عيال آدم وحوى والجديل الي عليه الياء رميته=قام يسترسل طويله ويتطوى (فيصل مطر)

[قـنـاص الـقـوافي]

ابو مطر لاهنت يابعد راسي وصح بدنك
يشرفني مرورك وإطرائك ويزيدني حمل على طرح الافضل
في المستقبل ان شاء الله
احترامي وتقديري
لشخصك الكريم

[محمد الذيابـــي]

,’


قناص القوافي لأنك مبدع


فانت مكسب للمنتدى


ننتظر المزيد من لوحاتك الشعريه يالغالي.


,’

التوقيع

التوقيع محمد الذيابـــي

[قـنـاص الـقـوافي]

اخي محمد الذيابي
الابداع في تواجدك ها هنا
وانا الي كسبت تواجدي في هذا المنتدى
بين ادارة و اعضاء كفو وشعراء جبال
تحيتي

[مرزوق حمدان العتيبي]

..

.

مبدع وصح لسانكـــ يابو طلق

تحياتي

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[قـنـاص الـقـوافي]

صح بدنك اخوي مرزوق ولاهنت
شاكر لك مرورك الطيب
تحيتي

[الحر الاشقري]

صح لسانك يالجزل مبببببدع للغايه

[قـنـاص الـقـوافي]

اهلا بك وصح بدنك
تحيتي ياغالي

[المطوح بالصوت]

صح لسانك ياخوي