الهيـــــــــــــلا *** منتدى قبيلة عتيبة

- قصائد الأعضاء (http://www.otaibah.net/m/forumdisplay.php?f=10)

- - ياوجودي\ فارس الصوينع (http://www.otaibah.net/m/showthread.php?t=130343)

ياوجودي\ فارس الصوينع

السلام عليكم ورحمة الله وبركاته
اترك لكم هذه الخاطره المتواضعه للمشاركه

ياوجودي وجد حر ٍ ماتعشى…
لو فعله حين هده خابرينه

غاب من وقت المضحى للمعشى…
والجماعه في المضحى ناطرينه

كن عظمه يوم شاف الجول هشى…
لو عظمه قاسي ٍ مافيه لينه

مير جلده من كنين الجوف كشى…
وللطويله هاضته دمعات عينه

حار صقاره ومن خوفه تمشى…
يلتفت له مير مابان إله بينه

والله اني مثل صقاره إمغشى…
ومثل حاله يوم ساقته الغبينه

كن قلبي حاجة ٍ طشته طشى…
الله انه من بلاويها يعينه

حاجة ٍ باقوى الوسايط ماتمشى…
من تصيبه بالحشى يمسي رهينه

واعذابه, لاتكٌن ولا تفٌشى…
في الحنايا بالمخاليب اللعينه

من فعايلها تنش العظم نشى…
ومن سبايبها بدت عيني حزينه

كنها رشت مسيل الدمع رشى…
واظهرت شي ٍ قديم ٍ دافنينه

اخوكم
فارس بن طلق الصوينع الدعجاني

صح لسانك يابوطلق

وهاذي ماهي بمتواضعه من حيث المعنى قصيده جزله بكل ماتعنيه الكلمه

تقبل مروري

ابو مطر لاهنت يابعد راسي وصح بدنك
يشرفني مرورك وإطرائك ويزيدني حمل على طرح الافضل
في المستقبل ان شاء الله
احترامي وتقديري
لشخصك الكريم

,’

قناص القوافي لأنك مبدع

فانت مكسب للمنتدى

ننتظر المزيد من لوحاتك الشعريه يالغالي.

,’

اخي محمد الذيابي
الابداع في تواجدك ها هنا
وانا الي كسبت تواجدي في هذا المنتدى
بين ادارة و اعضاء كفو وشعراء جبال
تحيتي

..

.

مبدع وصح لسانكـــ يابو طلق

تحياتي

صح بدنك اخوي مرزوق ولاهنت
شاكر لك مرورك الطيب
تحيتي

صح لسانك يالجزل مبببببدع للغايه

اهلا بك وصح بدنك
تحيتي ياغالي

صح لسانك ياخوي