هوا نجــــــــــــــــــــــــــــــد

[الجبرين]

آخر تعديل الجبرين يوم 07-Sep-2010 في 08:32 AM.

[برررق الحيا]

وش القصة

نقول صح السانك ؟؟؟؟

والا تسلم على النقل ؟؟؟

وال قصيدة جزلة ؟؟؟؟

والا صوت عذب ؟؟؟؟

والله ضعنا بالطوشة ماندري وش القصة الله يستر إذا ما الكر نرتفع عندي وقل الشوف لا عادت على الحليب خخخخخخخخخخ


راجع موضوع يالذيب

[الجبرين]

يا خوى والله مدري وين راحت
نزلتها ولا ادري وين ارضها
مدري بلعتها الارض ولا ههههههههههههههه
بس شف لنا المشرف الى على القسم هذاء
يطلعها
والقصيده تبي تعجبكم مره

[برررق الحيا]

المشاركة الأصلية كتبت بواسطة الجبرين

يا خوى والله مدري وين راحت
نزلتها ولا ادري وين ارضها
مدري بلعتها الارض ولا ههههههههههههههه
بس شف لنا المشرف الى على القسم هذاء
يطلعها
والقصيده تبي تعجبكم مره

خخخخخخخخ غلا انت شف احد يطلعني من هالقسم اللي بلشت فيه ولا ادي وين مطلاعي خخخخخخ


ياخوي طيب قل لي وش هي قصيدة والا فيلم والا نشيد ؟؟؟؟ وال وش هي ؟؟؟ خخخخخخ

نزلها مرة ثانية مافيه الا انا وانت والباقين نومة العوافي والا مكثرين السحور وبطنهم خخخخ

[الجبرين]

الله على نجد ونسايم هواها = والله على الممشا بهاك المداهيل
الديره الي مانسينا غلاها = الديره الي جعلها للهماليـــــــــــل
من رايح يروي بوبله ضماها = يسوقه المولى على نجدوتسيل
تلقى بها النفس العليله دواها = بين العبال وبين هاك الاقاذيــــــل
وشعابها وهضابها مع حصاها = وجبالها وحزومها والغراميـــــــــل
اليا طرت جادت عيونى بماها = اي والله ابكيها واجر المواويـــــل
واحبها والقلب يعشق ثراها = حبن رسخ ماهو دعايه وتمثيــــل
من الصغر قلبى تعلق هواها = ياليل قمت امشى مماشى الرجيل
وكبر بقلبى والعروق ودماها = ولاعاد ابدلها وادور منازيــــــــل
مدهالن يوم السنين وغثاها = من دونها نثنى على الجيش والخيل
من غيرنا يوم الحرايب حماها = هيلا لينهالت تضد الحلاحيــــــل
هيلا يعود بالندم من غزاها = بحد السيوف القاطعات المصاقيل
يالين نزحنا جموع تباهــا = وبقت لنا بالغصب جيل وراجيـــل
وفلت وشربت من ينابيع ماها = بوسم يخلد لاخر الوقت مازيل
اقولها يوم السنين وعناها = حطت لنا بالبعد قيد ومحابيل
غصب ابعدت رجلى وساقت خطاها =يم الشمال وحال ميل ورا ميل
مسافه تتعب قدم من مشاها = تحدنا الاردن ودوله اسرائيل
صحيح بارض المملكه وبذرها = لكن نجد فراقها مر بالحيل
وجدى عليها مع نسايم هواها = وجدى على المشابهاك المداهيل

[برررق الحيا]

اللــــــــــــــه وصح السانك يالجبرين قصيدة غرامية عشوقة لبنت أحبها وأموت فيها وكنك قلت اللي بخاطري

لا هنت وصح السانك على هالجزلة اللي ماتطلع إلا من فكر جزل ومايرضيه السهل والهين

عز الله إنك أطربتنا قبل الهجاد والنوم وقمت أنوني فيها وأقلبها وألاعبها


لاهنت ولافض فوك وننتظر اللي في جعبتك من هالزين

وتضحي على خير خخخخ

[برررق الحيا]

الرجيـل

مدهالـن

إن لم يخيب ظني أن هنا أخطاء غملائية يالله يالله يمديك تعدلها قبل مايقفلونها خخخخخخ

وأظنها :

يالين قمت امشى مماشى الرياجيل
مدهالنا يـوم السنيـن وغثـاهـا

و وجدى على الممشا بذيك المداهيل

واعذرني على اللقافة بس الزين ودي يكمل

والله يعينك على الغربة وشكلك بحقل خخخخخخ

آخر تعديل برررق الحيا يوم 07-Sep-2010 في 09:43 AM.

[الجبرين]

الله على نجد ونسايم هواها = والله على الممشا بهاك المداهيل
الديره الي مانسينا غلاها = الديره الي جعلها للهماليـــــــــــل
من رايح يروي بوبله ضماها = يسوقه المولى على نجدوتسيل
تلقى بها النفس العليله دواها = بين العبال وبين هاك الاقاذيــــــل
وشعابها وهضابها مع حصاها = وجبالها وحزومها والغراميـــــــــل
اليا طرت جادت عيونى بماها = اي والله ابكيها واجر المواويـــــل
واحبها والقلب يعشق ثراها = حبن رسخ ماهو دعايه وتمثيــــل
من الصغر قلبى تعلق هواها = يالين قمت امشى مماشى الرجيل
وكبر بقلبى والعروق ودماها = ولاعاد ابدلها وادور منازيــــــــل
مدهالنا يوم السنين وغثاها = من دونها نثنى على الجيش والخيل
من غيرنا يوم الحرايب حماها = هيلا لينهالت تضد الحلاحيــــــل
هيلا يعود بالندم من غزاها = بحد السيوف القاطعات المصاقيل
يالين نزحنا جموع تباهــا = وبقت لنا بالغصب جيل وراجيـــل
وفلت وشربت من ينابيع ماها = البل عضام المال عون المقاليل
ترعا بهيبتنا وحنا وراها= بوسم يخلد لاخر الوقت مازيل
اقولها يوم النسين وعناها= حطت لنا بالبعد قيد ومحابيل
غصب ابعدت رجلى وساقت خطاها=يم الشمال وحال ميل ورا ميل
مسافة تتعب قدم من مشاها = تحدنا الاردن ودولة اسرائيل
صحيح بارض المملكه وبذرها= لكن نجد فراقها مربالحيل
وجدى عليها مع نسايم هواها= و وجدى على الممشا بذيك المدهيل

آخر تعديل الجبرين يوم 07-Sep-2010 في 09:46 AM.

[الجبرين]

والله ياخوى اخطاء املائيه غير مقصوده


وعدلتها والقصيده المعتمده الي تحت

وصدقت انا حول حقل ولانى فيه حوله
وعطنى رايك فى القصيده يا دكتور غسااااااااااااااااان
من دون مجامله
وتحياااااااااااااتى

[برررق الحيا]

المشاركة الأصلية كتبت بواسطة الجبرين

والله ياخوى اخطاء املائيه غير مقصوده


وعدلتها والقصيده المعتمده الي تحت

وصدقت انا حول حقل ولانى فيه حوله
وعطنى رايك فى القصيده يا دكتور غسااااااااااااااااان
من دون مجامله
وتحياااااااااااااتى

تراها باقي فيها تعديل وعندك اللي باللون الاحمر في ردي السابق

أما عن رأيي وأنا غسان قلته وماني شاعر أو ناقد حتى أطرح رأيي لها القصيدة الجزلة من شاعر جزل

لكن البركة فشعار المنتدى ونقاده اللي حتما ستنال إعجابهم رضاهم ولا تخاف ترا ماعندهم مجاملة يعني يعطونك المفيد

أما المسكين برق الحيا بس يرد على المواضيع ويضع رأيه بكل صراحه