ّّّّ فتل و نقض بين الزلامي @ ابن عتقان ّّّّّ

[علي الشهراني]

. . . . . . . . . . . . . . .

رشيد الزلامي

إبن عتقان في وسط البحر والبحر جزر ومد=وفي جيبه حصاةٍ من جبال أسليم شايلهـا
بعد ما مرنا مسرع وقال إلنا سـلام وصـد=حرامٍ من حزامي ما يـروّح ليـن ياكلهـا

عبدالله بن عتقان

يا بن زيد الزلامي ما يصح إلّا كلام الجد=إبن عتقان ياخذ وزعته ماهو بجاهلها
مدام إني مجهز للخصوم الكحل و المرود=فيا كثر العيون اللي تطالعني وأكحلّهـا

رشيد الزلامي

نبي نعطيك ما يرضيك دام إنك بسطت اليد=ومن دور لها عند العرب لازم يحصلّها
تفصل لك ثيابٍ ما نبيها يا عريـب الجـد=على زيد العضيله روح مترّها وفصلّها

عبدالله بن عتقان

عسى ربي يكثّر خيركم ماني ضعيف أشحد=كبيره يالزلامي طال عمـرك لا تكملّهـا
كلامك يالزلامي مالقينا له رجـل يشهـد=فلا تكثر علومـك يا طويـل العمـر قللها

رشيد الزلامي

نهار اليوم و لّا ميـر هـذا ليلـك الأسـود=تكفـّي الأولـه والثانيـه مانـي بقايلهـا
نبي نضغط عليكم لين أحد يجلس وأحد يشرد=وتشعر بالمصيبه فالعظام و فـي مفاصلهـا

عبدالله بن عتقان

أشوفك يالزلامي تفتل الأشناب وتهدد=نسيت إن الجبال الراسيه محدٍ يزلزلها
تبي تقعد مثل مستور و الثاني يبي يقعد=معي زيد العضيله وا هجاد اللي نقاتلها

رشيد الزلامي

أقول ونعم لكن لن صدمنا في جبلكم شد=وتصبح عندك الضلعان خاليةٍ منازلهـا
سليم أصحابنا وإذا بغيناهـم كـلامٍ جـد=نعصر أخشومهم والقوم مانعرف نجاملها

عبدالله بن عتقان

ترى اللي يصتدم بجبالنا والله مهو مسعد=وهذي ناس نرضيها وهذي ناس نزعلها
سليم أصحابكم تحرم لذيذ النوم فالمرقد=فلا تنسى الرجال اللي قديماتٍ فعايلهـا

. . . . . . . . . . . . . . .

[خـ الهيلا ـالد]

الراي السديد

يعطيك العافية

محاورة قوية امتعتني بها

[علي الشهراني]

حياك الله يا خالد


مشكووووور على مروووورك

[أسير القوافي]

والله إنَي على أعصابي طول قراءة المحاورة




لاهنت أخوي :الراي السديد ..



أجدت الإختيار وأثريتنا بالإبداع ..




تحيتي لك

[عيد بن مرضي]

الراي السديد لاهنت محاروه قويه ورائعه




سلمت يمنااااااااااااااااك على النقل

[علي الشهراني]

اسير القوافي - عيد بن مرضي


مشكوووووووووووووووووووووووووووورين

[صاهود]

تبي تقعد مثل مستور و الثاني يبي يقعد
معي زيد العضيله وا هجاد اللي نقاتلها

ياسلام ياسلام

تسلم يمينك يالراي السديد

[علي الشهراني]

حياك الله يا صاااهود



مشكووووووووووور

[ابومشعل العازمي]

الراي السديد

يعطيك العافية

[علي الشهراني]

الله يعاافيك يا ابو مشعل


مشكووووووووووووووور