إبن عتقان في وسط البحر والبحر جزر ومد=وفي جيبه حصاةٍ من جبال أسليم شايلهـا
بعد ما مرنا مسرع وقال إلنا سـلام وصـد=حرامٍ من حزامي ما يـروّح ليـن ياكلهـا

يا بن زيد الزلامي ما يصح إلّا كلام الجد=إبن عتقان ياخذ وزعته ماهو بجاهلها
مدام إني مجهز للخصوم الكحل و المرود=فيا كثر العيون اللي تطالعني وأكحلّهـا

نبي نعطيك ما يرضيك دام إنك بسطت اليد=ومن دور لها عند العرب لازم يحصلّها
تفصل لك ثيابٍ ما نبيها يا عريـب الجـد=على زيد العضيله روح مترّها وفصلّها

عسى ربي يكثّر خيركم ماني ضعيف أشحد=كبيره يالزلامي طال عمـرك لا تكملّهـا
كلامك يالزلامي مالقينا له رجـل يشهـد=فلا تكثر علومـك يا طويـل العمـر قللها

نهار اليوم و لّا ميـر هـذا ليلـك الأسـود=تكفـّي الأولـه والثانيـه مانـي بقايلهـا
نبي نضغط عليكم لين أحد يجلس وأحد يشرد=وتشعر بالمصيبه فالعظام و فـي مفاصلهـا

أشوفك يالزلامي تفتل الأشناب وتهدد=نسيت إن الجبال الراسيه محدٍ يزلزلها
تبي تقعد مثل مستور و الثاني يبي يقعد=معي زيد العضيله وا هجاد اللي نقاتلها

أقول ونعم لكن لن صدمنا في جبلكم شد=وتصبح عندك الضلعان خاليةٍ منازلهـا
سليم أصحابنا وإذا بغيناهـم كـلامٍ جـد=نعصر أخشومهم والقوم مانعرف نجاملها

ترى اللي يصتدم بجبالنا والله مهو مسعد=وهذي ناس نرضيها وهذي ناس نزعلها
سليم أصحابكم تحرم لذيذ النوم فالمرقد=فلا تنسى الرجال اللي قديماتٍ فعايلهـا