السلام عليكم ورحمة الله وبركاته
هذي تهاني الشعراء لزميلهم الشاعر وصل العطياني بعد اختياره شاعر الجمهور للموسم الحالي
في استفتاء جوال القصير ومبروك لابو مشهور يستاهل
هذا اللي قدرت احصل عليه من الرسائل اللي وصلتني من جوال القصير
الشاعر عبدالله القثامي :
يستاهل النوماس وصل ابن مشهور=عسى حياته في المراجل مديدة
شاعر وجمهوره ماهو بأي جمهور=جمهوره اصحاب العقول الرشيدة
له في الجزالة دور والمرجلة دور=والطيب والحكمة والارياء السديدة
***************************************
الشاعر سعيد الشهيب :
ماهي غريبة وصل له عدة اعوام=مثبت وجوده في عيون الجماهير
بعيد عن زيف العلاقة والاعلام=يصرف مثل صرف الذهب والدنانير
ما باع في سوق الرخيصة ولا سام=يمشي على نهج الرجال المناعير
في وقت كثروا فيه عباد الاصنام=واللي على ثوب الخوي تنفخ الكير
والا وصل لا واجه زحول الاخصام=كلاً يقول الشعر لا زال في خير
يا بندر ابن حميد يستاهل وسام=الشاعر اللي له معزة وتقدير
***************************************
الشاعر محمد العطاوي :
يا شاعر الجمهور مسيت بالخير=يا معتلي بالشعر في راس قمة
جاتك شهادة من جميع الجماهير=واللي يغط النور ما فيه ذمة
تشهد لك السلمان وهذيل ومطير=بالمرجلة والشعر والخلق أتمه
وعتيبة الهيلا تسوق التباشير=بالفارس اللي ما تراخا معمه
وصل العطياني سليل المناعير=رجلاً معرب بين خاله وعمه
***************************************
الشاعر مرزوق المقاطي :
مبروك يا درع جمبي يالحزام المتين=الفوز ماهو غريبٍ منك يا مسندي
الاولة قسمنا من ماضيات السنين=فالشعر والا الملاقا نلطم المعتدي
عادتك يا وصل في وقت التحدي تبين=تدحم بجمبن قوي وتعدل المحتدي
والشاعر اللي بيا يفلح مع المفلحين=يشوف وصل العطياني وبه يقتدي
***************************************
الشاعر عزيز منير الهروال العتيبي
الله يبيض وجه شعره وجمهوره=ووجه القصير محمد طير حوراني
يا وصل شعرك مع الشعار اخذ دوره=تاقف مواقيف ابن هندي بشاماني
للشعر شعار معروفة ومشهورة=مير انت معروف يا وصل العطياني
قريحتك للكلام الجزل مامورة=للشعر في منهجك معنى وعنواني
***************************************
الشاعر حمد الشيباني :
سجلوها واعلنوها عبر جوال القصير=عبر جوالن يخص الشعر واهل الشعر كله
الف لك مبروك تصرف صرف شيكن ما يجير=من صميم القلب تاصل وصل وهوه في محله
***************************************
الشاعر محمد العازمي :
بيض الله وجه جمهور شعرك يا وصل=انصفوك وعدو الحق واعطوك الاسم
اسمن يشرف حصل لك لغيرك ما حصل=والشعر يخضع لهيبتك قلطة والنظم
انت ما قدمت يكفي ومدك متصل=وفيك غير الشعر نخوة وميقاف وكرم
ورثك اللي وارثه من عريبين الاصل =كفو في كل الدعاوي وكلمت والنعم
***************************************
الشاعر حامد القارحي :
تريد الصدق من صادق فلا مثلك ولا غيرك=جزالة مرجلة نخوة كرم وش بعد هذيه
وازيد الشعر بيت الشعر عود من جماهيرك=ولو يبقا رموز انته من رموز السعودية
كفاك الله شر الحاسدين اللي تبا طيرك=يطيح من السما والعود فعيون الحسودية
***************************************
الشاعر سعد البراق :
مشكور يالجمهور مشكور مشكور=جمهور شعرن من جميع القبايل
يستاهل الترشيح وصل ابن مشهور=شاعر وعنه الشك والله زايل
اقول في نظم الشعر وصل دكتور=وعندي على ما اقول كل الدلايل
الك تحية من سعد كنها النور= نور القمر ماهو بنور الفتايل
يا شاعرن وافي ولا حوله قصور=يحفظك ربي وانت وافي الخصايل
***************************************
الشاعر كامل الحليلي :
كثروا الشعار مع بابن معاد يغلق=شاعرن شاعر وشاعر غير صوت وصورة
والشعر على ما قال الشاعر المتألق=يصرخ وينخى ويسحب رجله المكسورة
علموا وصل ان جزل الشعر به متعلق=وعلموه ان اكثر الشعار من جمهوره
فوق لوح المجد ماهو كل إسم يعلق=اتركوها للأديب الشاعر الأسطورة
وسلامتكم 
« آخـــر الـــمـــشـــاركــــات »
19-Sep-2009, 03:33 AM
الشعراء يهنئون الشاعر وصل العطياني
العرض العادي
