يستاهل النوماس وصل ابن مشهور=عسى حياته في المراجل مديدة
شاعر وجمهوره ماهو بأي جمهور=جمهوره اصحاب العقول الرشيدة
له في الجزالة دور والمرجلة دور=والطيب والحكمة والارياء السديدة

ماهي غريبة وصل له عدة اعوام=مثبت وجوده في عيون الجماهير
بعيد عن زيف العلاقة والاعلام=يصرف مثل صرف الذهب والدنانير
ما باع في سوق الرخيصة ولا سام=يمشي على نهج الرجال المناعير
في وقت كثروا فيه عباد الاصنام=واللي على ثوب الخوي تنفخ الكير
والا وصل لا واجه زحول الاخصام=كلاً يقول الشعر لا زال في خير
يا بندر ابن حميد يستاهل وسام=الشاعر اللي له معزة وتقدير

يا شاعر الجمهور مسيت بالخير=يا معتلي بالشعر في راس قمة
جاتك شهادة من جميع الجماهير=واللي يغط النور ما فيه ذمة
تشهد لك السلمان وهذيل ومطير=بالمرجلة والشعر والخلق أتمه
وعتيبة الهيلا تسوق التباشير=بالفارس اللي ما تراخا معمه
وصل العطياني سليل المناعير=رجلاً معرب بين خاله وعمه

مبروك يا درع جمبي يالحزام المتين=الفوز ماهو غريبٍ منك يا مسندي
الاولة قسمنا من ماضيات السنين=فالشعر والا الملاقا نلطم المعتدي
عادتك يا وصل في وقت التحدي تبين=تدحم بجمبن قوي وتعدل المحتدي
والشاعر اللي بيا يفلح مع المفلحين=يشوف وصل العطياني وبه يقتدي

الله يبيض وجه شعره وجمهوره=ووجه القصير محمد طير حوراني
يا وصل شعرك مع الشعار اخذ دوره=تاقف مواقيف ابن هندي بشاماني
للشعر شعار معروفة ومشهورة=مير انت معروف يا وصل العطياني
قريحتك للكلام الجزل مامورة=للشعر في منهجك معنى وعنواني

سجلوها واعلنوها عبر جوال القصير=عبر جوالن يخص الشعر واهل الشعر كله
الف لك مبروك تصرف صرف شيكن ما يجير=من صميم القلب تاصل وصل وهوه في محله

بيض الله وجه جمهور شعرك يا وصل=انصفوك وعدو الحق واعطوك الاسم
اسمن يشرف حصل لك لغيرك ما حصل=والشعر يخضع لهيبتك قلطة والنظم
انت ما قدمت يكفي ومدك متصل=وفيك غير الشعر نخوة وميقاف وكرم
ورثك اللي وارثه من عريبين الاصل =كفو في كل الدعاوي وكلمت والنعم

تريد الصدق من صادق فلا مثلك ولا غيرك=جزالة مرجلة نخوة كرم وش بعد هذيه
وازيد الشعر بيت الشعر عود من جماهيرك=ولو يبقا رموز انته من رموز السعودية
كفاك الله شر الحاسدين اللي تبا طيرك=يطيح من السما والعود فعيون الحسودية

مشكور يالجمهور مشكور مشكور=جمهور شعرن من جميع القبايل
يستاهل الترشيح وصل ابن مشهور=شاعر وعنه الشك والله زايل
اقول في نظم الشعر وصل دكتور=وعندي على ما اقول كل الدلايل
الك تحية من سعد كنها النور= نور القمر ماهو بنور الفتايل
يا شاعرن وافي ولا حوله قصور=يحفظك ربي وانت وافي الخصايل

كثروا الشعار مع بابن معاد يغلق=شاعرن شاعر وشاعر غير صوت وصورة
والشعر على ما قال الشاعر المتألق=يصرخ وينخى ويسحب رجله المكسورة
علموا وصل ان جزل الشعر به متعلق=وعلموه ان اكثر الشعار من جمهوره
فوق لوح المجد ماهو كل إسم يعلق=اتركوها للأديب الشاعر الأسطورة