الامير مشاري بن ربيعان

[راعي طويق]

مانيب هلباج على النوم نعاس = همه طعامه لين كرشة ملاها
ادرج الدنيا بالافعال وقياس = نسعد عيون وعين نسحن دواها
لاضاق صدري جبت نجر ومحماس = ودلال بيض غالي مشتراها
قم سو فنجال على خمسة اجناس = احذر تجي حرقة وبالك نياها
خلك لها عن كل عذروب حساس = قيس له الطبخه على قد ماها
حتى يجي فنجالها يجلي الاعماس = عقب الصلف والسهر ما اكبر غلاها
خصص مشاكيل على النار جلاس = حبوس الرجال اللي بعيدن مداها
بوابة اللي للمعادين نطاس = مودع سمان الهجن يثلع حفاها
والثاني اللي يثني العصب بالراس = في ربعة يشبع بها من نصاها
والثالث اللي يحتمى دن الافراس = لا روحت خيلن بخيل حماها
وباقي الملا لو ما تقهوية لاباس = هذارة المجلس قليل حلاها
لا نافعن ربعه ولا حاش نوماس = ضباط مال ولا يذري ذراها