الامير مشاري بن ربيعان
 

مانيب هلباج على النوم نعاس = همه طعامه لين كرشة ملاها
ادرج الدنيا بالافعال وقياس = نسعد عيون وعين نسحن دواها
لاضاق صدري جبت نجر ومحماس = ودلال بيض غالي مشتراها
قم سو فنجال على خمسة اجناس = احذر تجي حرقة وبالك نياها
خلك لها عن كل عذروب حساس = قيس له الطبخه على قد ماها
حتى يجي فنجالها يجلي الاعماس = عقب الصلف والسهر ما اكبر غلاها
خصص مشاكيل على النار جلاس = حبوس الرجال اللي بعيدن مداها
بوابة اللي للمعادين نطاس = مودع سمان الهجن يثلع حفاها
والثاني اللي يثني العصب بالراس = في ربعة يشبع بها من نصاها
والثالث اللي يحتمى دن الافراس = لا روحت خيلن بخيل حماها
وباقي الملا لو ما تقهوية لاباس = هذارة المجلس قليل حلاها
لا نافعن ربعه ولا حاش نوماس = ضباط مال ولا يذري ذراها

راعي طويق بيض الله وجهك

وقصيدة طيبه من شاعر طيب وواجبنا نحفظها لما فيها من الحكم

والمواعظ الطيبه .... شكرا لك

الله يعطيك العااافيه


والنعم في ابن اربيعان

قال وفى

ونعم ببن ربيعان
وقصيدة رائعه فعلاً
بيض الله وجهك ماقصرت

بيض الله وجهك .

يعطيك العافية وبيض الله وجهك
ولاهنت على نقل القصيدة لنا



تحياتي