نمله فارسيه

[سلطان ابن حامد]

يقول ضيف الله بن نايف العصيمي

إن بغيت الشعر ما أدوّر رديـّه
يوم بعض الشعر يشبه للحجايا

وإن بغيت الكيف كيفي شاذليـّه
دلةٍ فيها مفاتيح الخلايا

ما تضيق بنا الفجاج الجرهديـّه
والعصاء ما قطعت إلا للضرايا

يا ابن حامد سامعٍ لي منجويـّه
بين زرقان الظهور أهل الخطايا

كل معتوهٍ يسولف بالقضيـّه
غير تمريرات شينين النوايا

وأنت يا سلطان خيال العبيـّه
جعل يفدونك مدرجة المطايا

شاعرٍ ينقى البيوت العالميـّه
يروي كبودٍ على الجزله ضمايا

من رجالٍ يرفعون المعنويـّه
مير بالرشاش وألا بالحمايا

والشعر هنا هله فالجاهليـّه
قبل حليمه بولند وقبل مايا

بلغو عامر وليلى العامريـّه
وإنظروا للوضع من كل الزوايا

قلت في مردّي عليه

مرحبا باللي معانيه القويـّه
تفرض الترحيب وجزال التحايا

شاعرٍ تضرب له العالم تحيـّه
شيخ عرفٍ من وسيعين النحايا

ممتلي راسه سعاطير وحميـّه
يوم غيره ممتلي راسه كوايا

افتخر به وإن نصاني قلت حيـّه
وأبشر بحل الدعاوي والقضايا

انت ضيف الله وضيف المقدريـّه
لو توردها على حوض المنايا

ما عليك من العلوم ولا عليـّه
كلبونا من بعيدين النهايا

ما نحسب حساب نمله فارسيـّه
قد توطينا على روس الحيايا

احتزم بي لعنبو راع الرديـّه
بالحرابيـّات والا بالحدايا

كم سترنا لا عفينا من صبيـّه
وكم خذينا لا بطشنا من سبايا

ولو نلد العين في هذي وذيـّه
ما بقى في الارض للخمه بقايا

التوقيع

توترتي هنيـّا : )