الشاعر المبدع سوار الذهب يتناول نقد غسان للشاعر هلال المطيري وبعض مايجري في البرنامج

[شمروخ ابن عايد]

في محاورة جرت بعد شاعر المليون النسخة الثانية والتي شارك فيها الشاعر المعروف ( هلال المهلكي المطيري ) وهلال أسم لايخفى على متابعي ساحة الشعر ابداعه وهو من رموز الساحة الشعرية في النبط .

كانت مشاركته في شاعر المليون لم تخدمه لأنه وضع تجربته الفريدة في ايدي أناس لايفقهون من الشعر الا ( طال عيمرك ) .


كانت الصدمة عندما تطاول غسان الحسن بقوله لهلال ( هل لديك لسان ) ومادعى هلال للسكوت وعدم الرد بنفس طريقة الأردني الفظة والغبية , وذلك حرصاً من هلال على استمراره في البرنامج أو لعدم نقل صورة سيئة عنه .





تطرق الشاعر الفذ سوارالذهب لموقف غسان مع الشاعر هلال المطيري وكأنه يقول حرام أن يذهب شعراء كبار ليضعوا تجربتهم ومكانتهم في أيدي أشخاص بأبسط كلمة يغيرون نظرة الناس البسطاء الذين لم يعرفوا الشاعر سابقاً , مثلما عملوا مع الكثير من الشعراء الكبار كخالد العتيبي ومدغم ابو شيبة وضيدان المريخي ........ .




كان لقاء سوار الذهب مع الشاعر سعود المهلكي فرصة لتناول هذا الموضوع وتطرق النقاش لوجوب محافظة الشعراء على مكانتهم وعدم زجها بسهولة لمثل هذا البرنامج السخيف .

وكذلك تطرق سوار الذهب لكثرة مدح ومجاملة آل نهيان , واغراء جوائز البرنامج للشعراء والتي بسببها يرخصون تجربتهم الشعرية ومكانتهم الكبيرة ليعرضوها أمام غسان وزملائه ليتلاعبوا بهم كيف شاءوا










سوار الذهب

سلام يالمهلكي يـاذرب الايمـان = والبال طربان والخاطر نصيحي
وش قلت وش قلت يادكتور غسان = ماادري كلامك خطا والا صحيحي

سعود المهلكي

يامرحبا قلتها من قلـب ولسـان = وانا صريحي وابا رجلاً صريحي
المخطيه مالها عند العرب شـان = ولاناخذ العلم من واحد مسيحي

سوار الذهب

دام البقا والمعاني سرج وعنان = واليا بغيت النبط والا الفصيحي
منته بحاجة كلام فلان وفـلان = وأظن بأسبابها ضاق الفسيحي

سعود المهلكي

الفارس الي يجي في كل ميدان = حظه ليا قام مايرضا يطيحي
حنا ترانا لنـا للهرج ميـزان = واللي بلاعرف خله يستريحي

سوار الذهب

حث الركايب وموعدنـا ورى ابـان = ماهو على الشاص وجموس الجميحي
ترى الحقيقه لها ياسعـود برهـان = لاني مجامل ولا أحب المديحي

سعود المهلكي

ياسوار ياسوار انا مانيب عميـان = ولانيب ياسوار في الدنيا شحيحي
مقدار سالم ترى إمن الشيخ سلمان = لو أن سالم معه قلبن جريحي

سوار الذهب

ياسعود جعل الحيا من غر الامزان = الضلع به ذيب وقرون الوضيحي
ياطيب هاك العلوم اللي على شان = لاصالح سلمان هل سالم يصيحي

آخر تعديل شمروخ ابن عايد يوم 18-Dec-2009 في 01:41 AM.