هذه المحاوره اللي تمت بعد محاورتي مع الشاعر عبدالله بن عتقان
عبدالله العما
أنا ليا شفت أبن عتقان بين الصفوف=ما باقي إلا اقتله وارميه فالمقبره
اللي منول ما هو معروف صار معروف=لو كان ما عنده الا الهرج والبربره
عبدالله بن عتقان
الحمد لله يوم انك عما ما تشوف=ما تقدر تميز الفرجال والمسطره
اما نحرنا الجمل والا ذبحنا الخروف=والا طرحنا لكم يأهل العطيف بقره
عبدالله العما
والله لالانا رجال ولا نهين الضيوف=إني لسنعك بالسكين فالمجزره
حنا عتيبه رجالاً ينقلون السيوف=وإلا أنت ما عندك إلا الصوت والحنجره
عبدالله بن عتقان
أنت تسولف كثير وخوف ما منك خوف=واللي سواتك على الجلسه نبا نعذره
أنتم عتيبه نعم لكن صارت ظروف=مدري تعيشون فأم الدوم وإلا انقره
عبدالله العما
حنا نخاوا الرجال ولا نخاوا الضعوف=يوم أنت قسمك ما عنا مثل قسم المره
دور وأسامي عتيبه ثابته فالكشوف=فازوا هل الميمنه خسروا هل الميسره
عبدالله بن عتقان
ما دام هذا كلامك وا حسوفي حسوف=أثره معذور يوم يحوسك المنقره
وارد عراوي بلاها فالسست والبلوف=وأن وزنت ابلوفها يبغا لها سمكره
عبدالله العما
يا اللي تباها تطوف انا معك ما تطوف=هذا العما واغلب الشعار ما يقدره
الصاحب اللي ما يعرف لنقط والحروف=اقول يا مقشره واقول يا مقشره
عبدالله بن عتقان
الشاعر اللي كلامه ما يجيب معروف=شيءٍ طبيعي عيال اسليم تستحقره
حنا ترانا من البارح خطبنا الهنوف=جبنا لها خاتمين اجداد مع بنجره
عبدالله العما
تسمعوا يا الجلوس وميزوا يا الوقوف=نويت اعصره كما الليمون فالمعصره
البنت ما تقبل اللي يصفقون الكفوف=ادور اللي يجيب الطيب والمجمره
عبدالله بن عتقان
يا ذيب يا اللي تحوف الناس وشبك تحوف=ترا طريق الخطوره صعب ما تعبره
لو أن تمر المدينه مثل تمر الهفوف=يمكن يصدر عليها سعر ما تقدره
عبدالله العما
حنا نجيب الطماعه من ميات الولوف=وأنته ليا رحت منت محصل الجوهره
الظاهر أن التعب ما هو بمعك مخلوف=يا اللي من الموت نفسك وصلت الغرغره
عبدالله بن عتقان
يا سرعهم بأمهات الخمس وسط الزروف=راحوا ثلاثين واحد مير جاك اعشره
أن جيت ابي قربهم روحي عليهم عيوف=اوجيههم بارده واعظام متكسره
عبدالله العما
ترا رجال الأشده ما يبون الردوف=وأنت ومعك ناس ما يطلع من السيطره
لو في يدي راي من شعر القصيد محذوف=تصلح تفك اكفره تصلح تشيل اكقره
عبدالله بن عتقان
أنته تدور شدادك والشداد مخطوف=ليت الذيابي ستر وجهه عن المنظره
« آخـــر الـــمـــشـــاركــــات »
13-Aug-2010, 08:04 PM
محاوره بين ابراهيم الجذع وعبدالله بن عتقان
!!
العرض العادي
