[ابراهيم الجـــــذع]

ابراهيم الجذع

هلا مرحبا ترحيب ما هو بمكبور=عن اعيال عمٍ حاشت الطيب يدها
يقولون ما فالدار شعار وبحور=بعد راح سيف المعرفه من بلدها

عبدالله بن عتقان

نجازيك بالترحيب مع طلعت النور=هذا الأوله يا صاحبي وش بعدها
حبيب وعوض الله وفيصل ومستور=عساها ترد الميته من لحدها

ابراهيم الجذع

أنا اشوف لي شعار سكبه وحنجور=والأبيات تشبه لــ السوالف سردها
ليا صرت ما تدري عن السر ما جور=عسى العين تسلم يا ولد من رمدها

عبدالله بن عتقان

أنا داري أنك يا أبيض الوجه مقهور=إذا معك خطه ليش ما تعتمدها
لقينا على الشجره ثلاثين عصفور=وقمريةٍ فالغصن تطعم ولدها

ابراهيم الجذع

أنا خابرك شاعر من اسنين مخبور=تجيك السوالف كلها في وعدها
تجيب الك بيتٍ يا بن عتقان مشهور=ولا ظنتي بعده يذعذع سعدها

عبدالله بن عتقان

أنا ما غدالي شيء لو كبر الأظفور=وكلمتك تلقا فالعرب من نقدها
حسيبي عليك الله يا شاهد الزور=وما في صدور اصحابي امر وادها

ابراهيم الجذع

غدا لك مع الشعار عامين وشهور=وأنا اظن بين الناس من هو شهدها

آخر تعديل ابراهيم الجـــــذع يوم 13-Aug-2010 في 08:06 PM.