[سلطان البقمي]

المشاركة الأصلية كتبت بواسطة ( سعد العتيبي )

ليش لا الجواب الصحيح عند صانع البيت

نفسه مثل ماقال ابو مشعاب ماحد يكشف اللي في ضميرشاعر

صياف الله يرحمه يقول البيت يفسر على سبعه اوجه

لكن البيت تعرف معناه من رد الخصم


المحاوره صعبه جدا

من ناحية صعبه نعم صعبه لكن صعبه على من على الشاعر..ولا الجمهور؟


الجواب نعم:على الجمهور العادي وعلى الناقد اللي ماعنده مو هبة شعر محاوره

النظم سهل على الناقد وعلى الشخص العادي ونقاد الادب الدكاتره وغيرهم لا يمكن يفك كل الرموز ويحللها لأن شعر المحاوره مبني على مصطلحات شعبيه حتى لو قلنا قسم الادب يدرسهم عن المصطلحات مثلاً مؤنث مذكر وش تعني في الشعر ممكن درسوهم ان كلمة الا صيله اسم مونث وهي الفرس لكن الشاعر ممكن يرمزلها بالملعبه وممكن
يرمزلها بموضوع بنت: هنا من يعلم هل الدكتور يقدر يحدد بالضبط المعنى المقصود؟

ج: مايقدر :س: منهو اللي يقدر ؟ ج: الشاعر المقابل:س:كيف عرف الشاعر؟ ج:هذه موهبه والموهبه حتى انا مقدر اشرحها ليش مقدر لانها خلاصة النقاش يفهما الشاعر في وقتها بعد معركه حتى عرف هي بنت او الملعبه:


لاكن شاعر المحاوره هو الذي ينقد المحاوره حتى لو ماحضرها يعني محاوره لشعار غيره

بنسبة 70% اقل شي


بالنسبه لكلام ابو مشعاب يوم يقول محد يكشف اللي في ضمير الشاعر*اجل كيف يصير نقض وفتل؟؟ طالما لم يفهم معنى زميله يعني كل شاعر يصف كلام لوحده؟؟


مو صحيح.. يكون فيه اختلاف في فهم المعنى من بيت المعنى اللي هو بيت البادي في المحاوره يمكن يرد عليه خصمه على معنى اخر لكن رايح البادي. في البيت الثالث يوضح لزميله برمز يقربه من الهدف خاصه الشعار الصح اهل المعنى او ينتقده بمعنى انك اخطيت الهدف ومن ثم ينتبه الخصم ويفهم من زميله انه مخطي

بعد ذالك إذا ان الخصم شاعر صح خلاص حدد الهدف تلقا نفسه بدون نقاش طايل


ورد رد كافي على الهدف ومن ثم يستمر النقاش في صلب المعنى إلى اخر الطاروق


لذالك انا اقول مو صح كلام ابو مشعاب إلا إذا انه يقصد الجمهور فهو صادق


هذا الكلام يخص شعار المحاوره الكبار اللي يتكلمون بالرمز اما اغلب الشعار الوقت الحالي يفهه الناقد العادي ويفهمه الجمهور لانه سطحي مافيه صعوبه




اخي محمد موضوع جميل جداً اشكرك عليه
_________________________________________________



ابي اعطيكم دليل على كلامي بهذه المحاورة للكبار اللي فيها رموز ومعنى صحيحه
/

/




/






صياف :
الثبيتي كل ماشاف البحر يومي براسه= والبحر لو شاف مطلق فالجبل مايلتفت له
يحسب انه شجرةٍ خضرا يقطعها بفاسه = أشهد انه من مفاعيله حفلها الله يحفله



الثبيتي :
الثبيتي كل ماشاف الحنش بالرجل داسه= وان سمع واحدٍ يهرج ويخطي ماسكت له
انت يالحربي لحالك ماعلى راسك حراسه = وانت تعرف كل حربي لو يسيّر حل قتله



صياف:
إن لقيت الداب قيس السم ثم اعرف مقاسه = كان قلبك قلب صاحي له قلوبٍ صاحية له
انت لاقاضي ولاقايد ولاصاحب رياسه = واحدٍ هلت عليه أم الكباير واضحكت له



الثبيتي :
حبك اللي زارعه مقبل صرامه مع دياسه = جاك حبل من مسد ياصعبها نقضه وفتله
أمس سوى في علم زين مار اليوم حاسه = ليت ولين الصفوف الحاضره ماوقفت له



صياف :
قلبك ابرد من براد الثلج ماعندك حماسه = مادريت ان الجمال تحن والحمل ابركت له
أمس عسّانا اليمن لابارك الله فالعساسه = اثر مطلق عافت الدنيا وعيت تنعفت له



الثبيتي :
انت سم ازرق لكنه مايجيله نص كاسه = وإن غزيت القوم تغزيهم ولك سرقة وختله
ويش اسوي فالزلامي يوم يحداني بباسه = كان يغزي للمشاكل والعشيّه كيف جتله



صياف :
انت طيب مير لاغاب القمر فيك انعكاسه = قلبك يحب العرب لو الليالي مهّلت له
اكثر العربان مايرتاح لو تحزم ركاسه = كل ماشمر لها بالثوب الأبيض شمرت له



الثبيتي :
فيك خير وفيك شر وفيك يالحربي نجاسه = عقربٍ لاشافت الثعبان مع دربه حبت له
سرع ماخليت راسك في توالِ الليل طاسه= طاسة لاشفتها في صبرها عوجه وشتله



صياف :
مطلق الجازي (1) منول مايعود للخساسه = مار شوش للمحطه والمحطه شوشت له

رحم الله الشاعرين العملاقين