[الثاقب]

المشاركة الأصلية كتبت بواسطة ابوتيجان

الله يرحم الرياحي ويهديك ياشمروخ تثبت الله يصلحك في التحليل

سوار الذهب الله يتجاوز عنا وعنه كان يردد على الرياحي الله يرحمه في عدة طواريق موضوع وصارت سماجة من كثر مايرددها حتى قال الرياحي

ياعبدالله غير الدنفسة مافيك عذروب=لكن خلك كذا وبشرك مابه نجاحي

واما طاروق عبدالله وتركي فكل شخص منهم له اتجاه تركي مقصدة من الطاروق مناقشته في وضع الرياحي وعبدالله موجه بيوته انتقاد لتركي لان عبدالله من النوع الذي لايقبل نصيحة لامن القريب ولا البعيد وفي اعتقاده انه هو الصح وباقي الناس غلط

يعني هالطاروق كل واحد من الشاعرين يلعب في وادي ويكفي قول عبدالله في تركي

ويش اباخذ ويش ابا اجيب من قش الصلب=شجـرة الـزقـوم مانستـظـل بظلـهـا

بمعنى وش انت ياتركي حتى تعلمني بالصح من الغلط

توضيح ممتاز يابوتيجان خصوص بهالبيت ( ياعبدالله غير الدنفسة مافيك عذروب=لكن خلك كذا وبشرك مابه نجاحي ) هالحين فهمنا ليش الرياحي يرفض اللعب مع سوار الذهب

وانا اتفق معك ان سوار الذهب ماعطى تركي على كيفه ووجه بيوته على تركي اللي كان يبي المعنى على الرياحي

آخر تعديل الثاقب يوم 02-Mar-2010 في 01:05 PM.