ماعندي حميه

طي
X
 
  • التوقيت
  • إظهار
مسح الكل
المشاركات الجديدة
  • النفيعي999
    عضو نشيط
    • Apr 2007
    • 69

    #1

    ماعندي حميه

    سلامن عليكم


    ماشي بموترك الصبح في امان الله وحفظه .وقفت عند اشاره مروريه .. مادريت الا بصوت القزاز الي يدق .. تلتفت على يسارك وتحصل حرمه عجوز .. الجوع والفقر اهلكها .. مدت يديها لك للحاجه .. ماتطلب الكثير .. راضيه بريال ولا ريالين .. يمكن لو عطيتها عشره تبكي من الفرحه
    تناظر فيها انت منقرف .. ومنزعج من الريحه .. وتصك قزازة موترك وتهاوش وتقول ... الله يقلعهم ويفكنا من غثاهم شحادين نصابين

    وش اقدر اقول عن هالرجال

    رجعت لبيتك الظهر تغديت وصكيتها لبن لين اذان العصر عقب ماصليت فرضك .. جلست تقلب بالتلفزيون .. مآسآي ومجازر وقتلى بالكيلو
    اخوان لك بالدين يقتلون ويغتصبون ويهانون وانت حتى دمعه مانزلتها .. عقب ماشفت كل المشاهد ذي .. نزل اعلان بنفس القناه عن التبرع لاخوانك في فلسطين .. تبرعو بماتجود به انفسكم
    انت يوم طرو التبرع .. على طول غيرت القناه .. وقلت في نفسك ماعندي دراهم تكفيني خلو التجار يتبرعون لهم .. ولا تقول حنا وش دخلنا فيهم الدعاء الدعاء احسن واوفر


    وذا بعد وش اقول عنه


    جت حزة عصير تتقهوى انت واهلك في مجلسكم شوي والا جرس الباب يرن .. ويوم طلعت الا ذاك جاركم .. نفس قبيلتك بس من فخذ بعيد عنك .. مد لك يمناه وسلم عليك وعطاك كرت عرس ولده الليله .. انت اخذت الكرت بانزعاج .. دراهمك ماتكفي .. والرجال يبي عانيه عالاقل 500 ريال ..وانت مستكثرها وتردد في نفسك .. اللي دفع تكاليف عرس ماهوب مغنيته 500 ريال .. خلني احفظها لي اصرف
    وحضرت وتعشيت مع الرياجيل ولامديت عانيتك



    ولهالحين محتار فيك وش اقول عنك



    اخر الليل عقب ماعبيت كرشك من الشحمان ولحقتها بكاس شاهي .. الريموت في يدك ويجي برنامج شعري انت عاد من متابعين الشعر ..جلست تناظر الا ذاك الرجال الي قصيده ماشاء الله .. يبيض الوجه .. واثره من ربعك وقبيلتك .. عقب ماخلص قالو صوتو وافزعو لبني عمك .. تكفون ياربعي لاتخلونه تكفون الرياجيل لاتفوز علينا .. تكفون فلان نخاكم ياعريبين الجدود فلان شرفنا ومثلنا ومانخلي اللجنه تضحك عليه

    وانت صكتك الحميه لين نخاعك .. واستلمت جوالك تصويت تصويت .. وسرا ليلك وانت بجوالك تصوت وتصوت
    ومن بكره سوو حفل دعم .. الا انت بينهم ودافع اللي موفره لاهلك وعيالك .. كله عشان فزعة ولد عمك

    وش اقدر اقول عنه ساعدوني يالربع ؟


    خلاصه السالفه




    خابر ان هروجي واجد .. بس والله عيب ياريجيل علينا
    وجيهنا مليانه شعر .. وروسنا حيه .. وحميتنا ماتميل .. وطيبنا متعدينا ..؟

    كم عتيبيه استفزعت .. يافي ايجار بيت .. ولا في دين ولدها .. ولا في كسوه عيالها وثلاجة بيتها

    والله عيب علينا .. يوم نرد الضعيف اللي يشحد عالاشاره .. ولا فكرنا في ربنا ولا استحينا من انفسنا

    والله عيب علينا يوم يعزمونا عيال عمنا ونحضر ولا نعينهم
    نتعشى معهم ولا نفزع لهم .. ونحطها في مخابي المصريه والزيدي

    والله عيب علينا يوم ندفع ريال واحد وندري ان حنا مضحوك علينا


    خابر ان الحميه فيكم زايده .. بس الغلط وين توظفها

    خابر ان بعضكم بيقول ذا رخمه مافيه خير و انا احب الدراهم

    اي بالله اني رخمه ماخليت احد يضحك علي

    اي بالله انا رخمه يوم خفت من ربي وحفظت الدراهم الي بيسالني عنها ربي يوم القيامه

    اي بالله رخمه يوم اني اشوف العتيبي مسجون في دين ولا عجز ولا عيال العتبان مايلقون عشاهم وانا وسيع وجه اهايط واصوت واتبرع


    تحياتي
  • سلطان الشمال
    عضو
    • Aug 2008
    • 8

    #2
    كلام عين العقل وفي محله جزاك الله الف خير

    تعليق

    • ** أبو ندى **
      عضو نشيط
      • Jan 2009
      • 50

      #3
      النفيعي

      بيض الله وجهك

      هذا الكلام السنع

      انشهد انك كفيت ووفيت ...

      وبعدين اللي يكتب بالمنتدى ويقول انا ابي اصوت لفلان

      الظاهر انهم مايصووتون بس قول بدون فعل ..


      وانت اكبر من الكلام ذا وكان بودي انك ترفعها ..

      اي بالله رخمه يوم اني اشوف العتيبي مسجون في دين ولا عجز ولا عيال العتبان مايلقون عشاهم وانا وسيع وجه اهايط واصوت واتبرع


      راسك مرفوع نفداك ..


      وهذي الحمية يابن العم ...


      اسجل اعجابي بشخصكم..

      تعليق

      • نزهان الروقي
        عضو ذهبي
        • May 2008
        • 303

        #4
        ذيبان يانفيعي انشهد إنك ترد البل




        بيض الله وجهك



        ارفع لك عقالى تعبيرا عن إعجابي الشديد

        تعليق

        • النفيعي999
          عضو نشيط
          • Apr 2007
          • 69

          #5
          بيض الله وجيهكم ياراعين الاوله

          ماهي غريبه عليكم والطيب انتم منبعه

          تعليق

          • ابو قطيم
            عضو نشيط
            • Apr 2008
            • 79

            #6
            اتمنى انك تنقلها لمنتديات جميع القبائل لتعم الفائدة وانت ان شاء الله مأجور

            تعليق

            • أبو مصلح 511

              رابطة محبي الهيلا

              • Sep 2008
              • 1132

              #7
              والله كفوا وانا اشهد انك جبت علوم الرجال




              الله يبيض وجهك









              تحياتي

              تعليق

              • مشاري
                مشرف شؤون الأعضاء والتفعيل
                إدارة قسم الشكاوي والاقتراحات
                • Oct 2002
                • 1831

                #8
                كلااااااااااااااااااااااااااام في محله
                \

                تحيتي لشخصك

                تعليق

                • عارف الشلاحي
                  عضو فعال
                  • Nov 2008
                  • 155

                  #9
                  بيض الله وجهك

                  على هالكلام الجميل المفيد يالنفيعي

                  نعم ارفع العقال تحية لشخصك الكريم

                  وان دل هذا على شيء فإنما يدل على حسن تربيتك

                  تقبل مروري حفظك الله

                  تعليق

                  • رمح برقاا

                    رابطة محبي الهيلا

                    • Jun 2007
                    • 1297

                    #10
                    الله يعافيك يا النفيعي على موضوعك

                    وبيض الله وجهك على كل كلمه قلتها

                    تعليق

                    • النفيعي999
                      عضو نشيط
                      • Apr 2007
                      • 69

                      #11
                      ناشد المواطن عبدالله بن غازي العتيبي أهل البر والإحسان مساعدته في علاج شقيقته ( 44عاماً) وأم لتسع بنات والتي ترقد في العناية المركزة بمستشفى الملك فيصل التخصصي بالرياض لأكثر من ثمانية أشهر دون حراك والتي تحتاج إلى العلاج بأحد المستشفيات الألمانية حيث يتوفر لدى مستشفى "كلينكوم باد هير سفيلد" علاجها ويقول المواطن عبدالله أدخلت اختي المستشفى يوم 29فبراير 2008م وهي تعاني من تصلب جانبي ضموري لأكثر من أربع سنوات وتم تنويمها بسبب ضعف متعمم متزايد كما أصيبت فيما بعد بقصور تنفسي حاد حسب التقرير الصادر من مستشفى الملك فيصل التخصصي والذي بسببه أدخلت وحدة العناية المركزة (تحتفظ جريدة الرياض بنسخة منه) وحيث إن علاجها غير متوفر بالمملكة وتحتاج إلى نقل لعلاجها بألمانيا حيث يتوفر علاجها هناك حسب التقرير الصادر من المستشفى المعالج بألمانيا مستشفى "كلينكوم باد هير شفيلد" كما أفاد المستشفى ان العلاج يتكلف أكثر من (900.000) تسعمائة ألف ريال، السيد عبدالله أخو المريضة الذي أكد عجزه وعجز عائلته عن توفير مبلغ العلاج يأمل من أهل الخير معالجتها لتعود إلى بناتها التسع وهي سليمة بإذن الله لترعاهم بعد شفائها، إما بتأمين المبلغ أو التكفل بتسديد رسوم العلاج للمستشفى وللتواصل الاتصال على أخ المريضة عبدالله جوال رقم: 0598506508.




                      http://www.alriyadh.com/2009/01/15/article402221.html

                      وينك ياعتيبي
                      وينك ياراعي الفزعه
                      وينك ياراعي الحميه
                      وينك يانسل الشيوخ
                      وينك ياطيب الفعل
                      وينك ياراعي الدراهم
                      وينك يامقتدر وفاهم


                      نبي نشوف منه راعي الحميه الي دفع 4000 بطاقه ولا دفع 100000 ريال عشان يحطها في جيب نشوى ولا في مخابي زيدون الزيدي


                      هنا تبان مواقيف الرجال
                      هنا تبان الحميه

                      تعليق

                      • رايد الهديبي
                        عضو مميـــز
                        • Nov 2008
                        • 997

                        #12
                        [align=center]بيض الله وجهك


                        ياذيبان


                        وتقبل مروري
                        [/align]

                        تعليق

                        • عتيبي للابد
                          عضو ذهبي
                          • Jun 2006
                          • 338

                          #13
                          بيض الله وجهك يا الذيب
                          الله يهدي الشباب اللي يصوتون للبرنامج المشبوه بدون داعي
                          و انشاءالله الشعار عارفين هذا الشي و لا يطلبون التصويت لجيوب نشوة و ربعها


                          ارفع عقالي لشخصك الكريم
                          وفقك الله

                          تعليق

                          • المـــرشدي
                            عضو نشيط
                            • Jan 2009
                            • 42

                            #14
                            جزٍآك اللـــــه خيــر وهذ1 الكلآم ولا بلآششش
                            .
                            .
                            .
                            .
                            واشكرٍك على نقـل مشكلــه ولد عمنـــا الموآطــن عبداللـه العتيبـــي..


                            لك جميـع الشـكر على هذ1 المـوٍضوٍع

                            تعليق

                            • ابن صنهوت

                              رابطة محبي الهيلا

                              • May 2008
                              • 1734

                              #15
                              بيض الله وجهك والله يثيبك على هالكلام الطيب

                              الزبده والله انك وافي
                              تقبل تحياتي وتقديري لك ياذيبان

                              تعليق

                              العمل...