قصة سعود الأمه سعود الوطن سعود الهيلا

طي
X
 
  • التوقيت
  • إظهار
مسح الكل
المشاركات الجديدة
  • العــــــــابر
    مشرف القسم الإسلامي والاقسام العامة
    • Mar 2007
    • 3384

    #1

    قصة سعود الأمه سعود الوطن سعود الهيلا

    السلام عليكم ورحمة الله وبركاته

    قصة سعود الحافي العتيبي

    بدأ ظهوور المذكوور صاحب الجدل الواسع محترف الشعر واسد عتيبه

    بدا الشعر في عام 1424 هــ بداية الشاب البدوي البسيط المتواضع

    صاحب الظرووف والهموم الكبيره لاكنه صاحب الهمه والعزه البدويه

    وكان له ظهوور وتواجد ودور ايجابي في كافة محافل القبيله

    واذكر منها بايجاز برنامج شاعر المليون الاول وكان الدعم هائل

    للشاعر يوسف العصيمي ومن خلال مخيم الشاعر سلطان الجلاوي

    سهم عتيبه الذي اقامه دعما للشاعرنا يوسف العصيمي.

    فوضع له موقف وبصمه شرف القبيله وشرف نفسه عندما حتم عليه

    الموقف قول القصيده التي تناولتها المنتديات ومواقع الشعر بكثافه

    مستغربه فكان الرجل الذي لم يحسب حساب شي بل وجد نفسه

    امام عتيبي تعرض للظلم فنصره بقصيدة عصماء حفظناها باجهزتنا

    وتغنينا بها ايام وليال.لان الرجال مثل سعود الحافي العتيبي رجال مواقف

    لايهابون نبش الاكفان ولالومة لائم في حمياهم.

    كان لسعود الحافي العتيبي اكثر من ظهوور مشرف في اكثر من محفل

    ولاكن ابرزها ملتقى الهيلا العالمي عندما القى قصيده امام الملايين

    قوامها ستين بيت وكل بيت عن قصيده في قبيلته وفي موقعها الرسمي.

    لانقول شكرا ولانمدح لان هذا واجبه تجاه قبيلته ولاكن نذكر محاسنه.

    ظهر بعد ذلك سعود الحافي العتيبي بقصائد عرفت بقصائد الصحراء

    لانها عرضت على قناة الصحراء.

    ومنها القصيدة العصماء في رسول الامه صلى الله عليه وسلم والذوود

    عنه .وتواصل الظهوور المشرف لشاعرنا ومواقفه المميزه فكان حاضرا

    ايضا وداعما بجوار شاعرنا سلطان المنصوري في شاعر المعنى.

    ملاحظه لم نرى اي تصميم للشاعر سعود الحافي العتيبي لو من باب الدعم المعنوي فقط.

    سعود الحافي العتيبي اسم كبير يستحق الكثير

    ساهم كثير من ابناء القبيله في حث الشاعر على الدخوول في برنامج

    شاعر المليون .البرنامج اعلاميا يكفي للنجاح شاعر مبدع ويخدم اعلاميا

    وافق سعود الحافي العتيبي على دخوول البرنامج بكل شجاعه وجرأه

    واعد العده بقصايد ومواقف كبيره وكل همه ليس البيرق بل التشريف

    للوطن والقبيله وهذا كان همه وديدنه دائما.

    سعود الحافي العتيبي شرف الوطن وشرف القبيله وشرف امته

    وكان هذا واضحا وجليا توقع سعود الحافي العتيبي الاسواء من اخراجه

    للتصويت في قائمة 48 ولاكنه حمل هم الظهوور المشرف فقط لاغير

    فجأت القصيده وهي ليست قصيده واحده بل ثلاث قصائد كانت اكثر

    ممانتمنى شعرا وجرأه وجزاله وادبا وحضورا مشرفا.

    هذا ماكنا نتمنى وحصلنا عليه يالهيلا.

    واجبنا نحو احد ابناء القبيله المشرفين والمتوقع لهم مستقبل باهر

    الدعم بكل ماتعنيه الكلمه ولا اقصد الدعم المادي حتى لايفهمني

    بعض الاخوان خطا بل على الاقل نحميه ممايقال عنه من تهكم بين

    الفينه والاخرى .

    والبعض يكتب اسمحلي ياسعود ماراح اصوت والبعض يقول خفسوبه

    والبعض يقول نشن حرب ولانكتب عن مواضيع المسابقات.

    بالرغم من ان الشاعر سعود الحافي العتيبي لم يطلب التصويت من كائن

    كان.

    تواجد سعود الحافي العتيبي في اغلب منتديات القبائل الاخرى

    ولم اجد سوى المدح والنقد الهادف والدعم بكافة انواعه.

    شئ مشرف ان نرى غيرنا يهتم بابنائنا؟؟؟؟؟؟؟؟؟؟؟؟؟؟؟؟؟

    كلامي مقصده اللي براسه نقد او نية هجوم شرس فالافضل ان

    نرجئه حتى نهاية مشاركة شعارنا من البرنامج وعقب ياليت الاقلام

    ينطلق عنانها وهذا غير ماعتقد.

    الحرص على معنويات الشاعر سواء بقى في البرنامج او خرج منه

    هو الاهم بالنسبه لنا لان هالموقع هو سند لكل عتيبي ولكل مواطن

    ناجح ومشرف.

    سؤال لكل من اراد الرد على هالموضوع؟

    هل ترى سعود الحافي العتيبي ظهر بشكل مشرف؟

    اكرر مره اخرى ان سعود الحافي العتيبي اصبح له جمهور كبير وقاعده

    في كل القبايل .

    واذا اراد الباحث ان يبحث عن سعود الحافي العتيبي سيكون الهيلا

    اول مكان يبحث فيه.

    المعذره على مابدر مني من قصوور.

    ماعليه يالربع ركزت كثير على ربط كلمة دعم بمعنوي حتى لا افهم غلط

    واصبح داعيا لامور لاتحمد عقباها

    محبـــــــــــــــــــــــــكم العـــــــــــــــــــــــــــــــابر
    سبحان الله وبحمده سبحان الله العظيم




    سبحان والحمدلله ولااله الا الله والله اكبر ولاحول ولاقوة الا بالله



  • مرزوق حمدان العتيبي
    مشـرف عام
    • Nov 2003
    • 20403

    #2
    ..
    .
    اشهد بالله ان الشاعر المبهر سعود قدم
    الابداع بكل صوره وشرف قبيلته في مشاركته في شاعر المليون
    واضاف لشاعر المليون توهج لايقدمه الا سعود ..
    ...
    نعلم انه ظلم من لجنة التزلف والتخلف ولم ينصف منها
    كما انصفه الجمهور بكل انتماأته ..

    نتمنى له من الله التوفيق ...
    والحقيقه انه قد حمل البيرق في قلوب
    كل المتذوقين للشعر الحقيقي ..
    ..
    لاهنت يالعابر
    ...
    [align=center]
    [poem=font="Simplified Arabic,5,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
    فدوة ٍ للمصطفى روحي وماتملك يميني = كيف (لا) واللي خلقني حط حبه في كياني
    حط حبه في كياني ماتغيّره السنيني = وانثني من دون عرضه بالذراع وباللساني[/poem]







    @Marzouq_MHD
    [/align]

    تعليق

    • الرويس 999
      عضو نشيط
      • Oct 2007
      • 82

      #3
      ماقلنا خفسوا به تقليل من ولدنا جعله بسلم ويبقى ذخر للقبيله كافه

      لكن تأكيد على نوايا اللجنه بتحويله للتصويت

      سعود المفروض دايركت على كلامه لل 24

      لكن حنا كيف نواجه لجنه تبغى فلوسنا ومافي وجهها حيا

      اللي يستحي تقدر تسايره وتاخذ حقك منه

      لكن اللجنه ماتستحي وكلنا شفنا صفاقه الوجه عندهم يوم حولوه

      حتى المذيع قالوا له احمس الربع

      لأنه ماهو قادر كيف يبط بها قدام الجماهير

      تحويله للتصويت ماتنبلع طال عمرك

      وهذا اللي قهرنا


      تبينا نرمي الملايين في حظنهم

      وحنا عارفين انهم ان ماعكرفوه الان بيعكرفونه في ال 24

      تعليق

      • @ـايل

        مشرف المنتديات العامة

        • Jan 2008
        • 9251

        #4
        سعود الحافي العتيبي ... شرف قبيلته ...وهذا يكفي ...فهو مكسب للقبيله بدون قصور فالباقين ...

        والكل منا رأى ما صنعه سعود الحافي في شاطئ الراحه ...فنحن نتمنى له التوفيق سواء في البرنامج او خارج البرنامج ...ولاهنت يالعابر...
        تويتر : AlHooL@

        تعليق

        • عقاب بن سقيان العتيبي
          شـــاعــر نظـــم
          • Oct 2007
          • 160

          #5
          والله ياخوي العابر الحقيقه سعود شاعر متوقد جدا...
          واصبح شمش لاتغطى بغربال...
          ولاعندي شهاده لسعود نحن نريد شهاده من الشاعر سعود الحافي
          ولا نقول الا الحق فقط(انت شاعر المليون الحقيقي)........
          اما الفوز المشترى بالفلوس فهذا فوز الفلوس.. وليس فوز الشعر..
          بيرق الشعر يؤخذ بالشعر فقط.. فقط.. فقط.. فقط.. فقط.. فقط..
          كما اخذه ابن عمه شاعر الوطن خلف بن هذال الحافي

          تعليق

          • زيزوم ربعه
            عضو نشيط
            • Sep 2007
            • 60

            #6
            قسم بالله اني حبيته من اول ظهور له


            على شاشة التلفزيون في حلقة الرياض


            رجل بمعنى الكلمه



            وقصيده جزل


            اتمنى له التوفيق من اعماق قلبي


            ارقاء سنوووووووود ياسعوووووود

            تعليق

            • البدر2006
              عضو ماسي
              • Jun 2006
              • 944

              #7
              [poem= font="simplified arabic,4,darkblue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
              علم الحافي ياسلمان قل يرقى سنود=لايهمه كل غاوي لامنه غوى
              والله انا مانخليك تزعل ياسعود=مانقص ميح السواني عطى عد الروى
              من تقدم من عتيبه يحصلنا جنود=ماتغيرنا المناصب ولو رتبة لوا
              انت نجمك مايعطى مثل سعد السعود=انزع الضيقه بكفك وعرضها الهوى
              [/poem]
              الشاعر/عماد الدلبحي
              .................................................. .......
              [poem= font="simplified arabic,4,darkred,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
              ياربعنا العتبان ياهل الشكاله=تصويتكم مطلوب بالفرد والجوز
              لوكل واحد بس يرسل رساله=يبى يفوز سعود وعتيبه تفوز
              [/poem]الشاعر/راجح المغيري
              .................................................. ......

              [poem= font="simplified arabic,4,green,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
              كل الشيابين في صفك يابو سالم=العزوه اللي يعز الراس طاريها
              اللي سواتك تبى تصوتله العالم=يكفيك بانك جميع الناس مرضيها
              الله حسيبي على اللي كان لك ظالم=الله ينصرك واللجنه يجازيها
              البارحه في منامي كنت انا حالم=ان الذمم بعض خلق الله يهفيها
              [/poem]
              الشاعر/محمدسلطان الشيباني
              .................................................. .......


              [poem= font="simplified arabic,4,crimson,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
              ياسعود ابن سالم على كل الاحوال=شرفتنا تشريف والراس طايل
              اسمك يسجل في سجلات الابطال=وشعرك يسوي بالعقول الهوايل
              شاعر ولك في قمة الشعر منزال=غصبن على الحساد والشك زايل
              وحنا معك بالوجهه والجاه والمال=ربعك عتيبه بالصفوف الاوايل
              وقفاتنا وقت الطلب وقفة جبال=وحضورنا وقت المواجيب هايل
              ماضي وحاضر ماتغير ولازال=نجب الاصايل دايم الدوم اصايل
              اقول كلمة حق والحق ينقال=عتيبه الهيلا عمى كل عايل
              [/poem]
              الشاعر/سعود الكرشمي
              .................................................. ..................


              بيض الله وجهك يالعابر على الموضوع الوافي والكافي

              وعزالله ان جيت على الجرح الدعم المعنوي هو الاهم في هالوقت

              وسعود شرفنا شاعر وكفوا.

              هذه قصايد من بعض شعار عتيبه اوردتها في هالموضوع .

              حتى تعلم ان الهيلا تقف مع ابنائها .

              الاخ الرويس 999 حياك الله

              اخونا العابر لم يطلب التصويت ولا الملايين بل طلب الدعم المعنوي

              فقط لاغير وهذا شي يعود على واجهة المنتدى وخصوصا انه يمثل القبيله

              وهو موقعها الرسمي.

              تقبلوا تحيات اخوكم البدر2006



              .................................................. .......
              تم التعديل الأخير بواسطة البدر2006؛ 04-Jan-2009, 11:14 PM.

              تعليق

              • صقر النواصر
                كــــاتب ممـــيز
                • Oct 2007
                • 353

                #8
                [align=justify]تسلم يا أخي العزيز العابر على موضوعك في حق الشاعر المتوهج حقاً سعود الحافي

                وألف شكر على استعراض جزء من مسيرته في عالم الشعر والادب .وتسليط الضوء عليها ..
                وله من أبناء عمومته كل الحب والتقدير وحقاً كما قال عزيزي مرزوق بن حمدان هو تأهل في قلوب الكثير وحمل بيرق الشعر الحقيقي لدى جمهور الشعر الحقيقي من عتيبة وغير عتيبة ...وتجاوب وتفاعل جمهور المسرح مع سعود خير دليل .. وهو المعيار الحقيقي للقبول الشخصي والشعري الذي يتميز به سعود الحافي عن السواد الاعظم من الشعراء .... وصدقني البرنامج هو الرابح من تواجد شاعرنا العزيز ...
                على أية حال ياعزيزي .. شاعرنا العزيز قدم نفسه أمام الجمهور العربي خير تقديم .. ومثل قبيلته خير تمثيل .. وبيض الله وجهه ..والوصول إلى الجمهور الكبير واختصار طريق الشهرة هو أحد أهم الأهداف ..

                أخيراً ياعزيزي .. ألف شكر لك على التركيز على الدعم المعنوي وإحترام عقول من يرفضون فكرة التصويت من أساسها .. فمن يرفض مبدأ التصويت لايعني أنه يقف في الجهة المقابلة .. جهة الضد ....
                وأثق بأن النجم الساطع سعود الحافي يحمل نفس الرأي ويحترم عقول من يرفضون مبدأ التصويت على إطلاقه لأي شاعر كان حتى ولو شاعر الوطن أو شاعر عتيبة ..ولا يقتضي رفض الكثير لهذا المبدأ على إطلاقه تخليهم عن شاعرهم ... وهو حسب رأيي المتواضع من أفضل شعراء عتيبة الذين مروا على البرنامج في نسخه الثلاث ..

                تم النشر في الأصل بواسطة عقاب بن سقيان العتيبي عرض المشاركة
                والله ياخوي العابر الحقيقه سعود شاعر متوقد جدا...
                واصبح شمش لاتغطى بغربال...
                ولاعندي شهاده لسعود نحن نريد شهاده من الشاعر سعود الحافي
                ولا نقول الا الحق فقط(انت شاعر المليون الحقيقي)........
                اما الفوز المشترى بالفلوس فهذا فوز الفلوس.. وليس فوز الشعر..
                بيرق الشعر يؤخذ بالشعر فقط.. فقط.. فقط.. فقط.. فقط.. فقط..
                كما اخذه ابن عمه شاعر الوطن خلف بن هذال الحافي
                حقاً لايمكن تغطية الشمس بغربال .. ولايمكن أن تغطى شاعرية سعود وقبوله بعدم نزاهة لجنة لها حساباتها المختلفة
                بيرق الشعر يؤخذ بالشعر فقط .. وسعود الحافي يمتلك الكثير الكثير من رصيد الشعر والادب .. وأكرر بأنه من أفضل الشعراء من عتيبة وغير عتيبة الذين شاركوا في البرنامج بكل نسخه .. ويتميز بالكثير الكثير .. ومنها القبول الاجتماعي ... والشعري

                الله يوفق شعراء عتيبة نايف وسعود وفالح .. ونحن معكم بكل صدق أثناء البرنامج وبعد البرنامج[/align]
                تم التعديل الأخير بواسطة صقر النواصر؛ 05-Jan-2009, 12:37 AM.

                تعليق

                • الحدب
                  عضو فعال
                  • Nov 2006
                  • 106

                  #9
                  [align=center]الله يوفقه ويسهل أمره

                  والله ما ودي دخل هالمسابقة الكذابة

                  مشكور أخي الكريم على الموضوع[/align]

                  تعليق

                  • ابو محمد الدعجاني
                    عضو مميـــز
                    • Aug 2008
                    • 3759

                    #10
                    اخوي العابر والله اني افرح لاي عتيبي يرفع راس قبيلته في كل المحافل واتنومس فيه الشاعر سعود شرف القبيله في البرنامج ويستاهل البيرق بكل المقاييس ولكن هناك شي يجب ان يحسب حسابه الشاعر حتى لا ينافق على نفسه ويوضع نفسه في موفق حرج ..


                    البرنامج ظلم شعراء القبيله وكل الشعراء ذموا البرنامج والشاعر سعود ذم البرنامج وهجا اللجنه القائمه عليه يعني بالعربي الفصيح سبهم ومهوب معترف بشاعريتهم ونقدهم اللي مثل وجيههم ليه يشترك بالبرنامج ويخضع شاعريته الفذه تحت سيف هي اللجنه اللي هو ما يراها شي ؟؟؟ هل ترا هذا من بعض اساليب النفاق ام انا غلطان

                    تعليق

                    • العــــــــابر
                      مشرف القسم الإسلامي والاقسام العامة
                      • Mar 2007
                      • 3384

                      #11
                      مرزوق حمدان العتيبي

                      الله يزيدك شرف ويبيض وجهك وفعلك ينومس

                      وسعود الحافي العتيبي يستاهل كل خير


                      وهالموضوع وتثبيته اثلج صدورنا وطيب جزء بسيط من خطرنا

                      حياك الله ياغالي
                      سبحان الله وبحمده سبحان الله العظيم




                      سبحان والحمدلله ولااله الا الله والله اكبر ولاحول ولاقوة الا بالله



                      تعليق

                      • العــــــــابر
                        مشرف القسم الإسلامي والاقسام العامة
                        • Mar 2007
                        • 3384

                        #12
                        الرويس 999

                        ماتلحقنا الشكات فيك ياغالي

                        لاكن مقصدي نفكر في الاهم وهو الاشاده بشاعرنا وتقييم المستوى


                        بشكل هادف وناجح.


                        لم اوجهه لك دعوه للتصويت ولا لأي شخص اخر

                        حياك الله ياطيب ونورت الصفحه
                        سبحان الله وبحمده سبحان الله العظيم




                        سبحان والحمدلله ولااله الا الله والله اكبر ولاحول ولاقوة الا بالله



                        تعليق

                        • العــــــــابر
                          مشرف القسم الإسلامي والاقسام العامة
                          • Mar 2007
                          • 3384

                          #13
                          هايل العتيبي

                          دايم هايل بتفاعلك ومواقفك اللي تشرفنا جميعا

                          الله يزيدك شرف وكلامك عن سعود في محله

                          والاهم التشريف


                          دمت بود
                          سبحان الله وبحمده سبحان الله العظيم




                          سبحان والحمدلله ولااله الا الله والله اكبر ولاحول ولاقوة الا بالله



                          تعليق

                          • العــــــــابر
                            مشرف القسم الإسلامي والاقسام العامة
                            • Mar 2007
                            • 3384

                            #14
                            عقاب بن سقيان

                            احسنت في طرحك يالذيب وهذا اللي نبيه

                            سعود باذن الله شاعر بيرق الشعر الحقيقي

                            وباذن يواصل تالقه

                            دمت بود
                            سبحان الله وبحمده سبحان الله العظيم




                            سبحان والحمدلله ولااله الا الله والله اكبر ولاحول ولاقوة الا بالله



                            تعليق

                            • ابو فايح
                              مشـرف عام
                              • Jul 2006
                              • 5343

                              #15
                              [align=center]الحقيقه شرف ووطنه وقبيلته ولكن اللجنه تريد فلوس الشعب السعودي ولكن ان تاهل او خرج فهو

                              شاعر الوطن القادم [/align]
                              عالم تويتر



                              abofayeh@

                              تعليق

                              العمل...