قصيدة الشاعر عبيد بن عطاالله في حفل الشيخ فيحان بن فهيد

طي
X
 
  • التوقيت
  • إظهار
مسح الكل
المشاركات الجديدة
  • الخافت
    عضو نشيط
    • Apr 2008
    • 60

    #1

    قصيدة الشاعر عبيد بن عطاالله في حفل الشيخ فيحان بن فهيد

    يامرحبا ترحيبةٍ من ذوقها سكر نبات
    ترحيبةٍ للضيوفنا يفخر بها اللي قالها
    فالمحفل اللي قوّمه شيخٍ يروم الطايلات
    لا كبرت القالات شال اخفافها وثقالها
    فيحان بم هذال بن هذال حاو الكايدات
    شيخٍ تشيخٍ عن سواه بميزتينٍ نالها
    غير الشجاعة فالزمان اللي ظرفة قاسيات
    صينيةٍ من سمن كوم الخور يقطر جالها
    على حفيده من تواصيفه موارٍ بينات
    لو طافت عيون الغبي قلب الذكى يصحالها
    شيخٍ قتح بابه وصدره للعلوم الطيبات
    نومسته عتيبه وكرمها وطيب فالها
    كرم هل البل يوم فازوا بالبكار المكرمات
    جرد الرقاب اللي يسر اقفايها وقبالها
    في مزاين أم رقيبه اللي جامع كل اللغات
    يوم القبايل كلها جت له تسوق جمالها
    جينا بوضحٍ حنها لون المزون المردفات
    وسودٍ غوربها طوال وضافيات سبالها
    وصفرٍ وشعل جرومها والونها متشابهات
    تطرب على حس المدوه كل ما غنالها
    أخذوا بها النخبة رجالٍ يعشقون النايفات
    فازوا بجايزة الموحد واشربوا فنجالها
    صكوا عليها لابتي بين الجموع المركمات
    شعارهم يشعونها وجيوبهم تبرا لها
    عادات قومٍ فالقا تخلي ظهور المسرجات
    عقالها وقت المزاحم كنها جهالها
    برقا وروق أهل البطولة فالامور المعضلات
    قبيلةٍ يشهد لها التاريخ في محوالها
    فيها الكرم فيها الشجاعة والسلوم الغاليات
    مثل الفبايل مير في بعض الامر لحالها
    ماقول ماللناس مجد ولا فعولٍ مثبتات
    كل القبايل تفتخر بامجادها وافعالها
    وصل الفخر للي جمع شمل العرب بعد الشتات
    والا قبل صقر الجزيرة مايسرك حالها
    اليوم حنا شعب واحد والامور ميسرات
    والامن سايد في جنوب بلادنا وشمالها
    لا شك جعل أيامنا دايم فرج ومناسبات
    والله يبارك فالبيوت اللي يظل ظلالها

    الشاعر / عبيد بن عطاالله العتيبي
    تم التعديل الأخير بواسطة الخافت؛ 03-Jan-2009, 08:07 AM.
  • الخافت
    عضو نشيط
    • Apr 2008
    • 60

    #2
    [align=center]فوق 40 مشاركة محد قال رايه في القصيده[/align]

    تعليق

    • البريماني

      رابطة محبي الهيلا

      • Jan 2008
      • 1684

      #3
      صح الله الساانه وبيض الله وجه عبيدالله على القصيده الجززززلة


      مشكور يالخافت على النقل وتقبل تحياتي

      تعليق

      • المزركش
        عضو فعال
        • Oct 2007
        • 198

        #4
        عبيد شاعر جزل فحل

        يستحق المتابعه

        صح لسانه مليايين

        تعليق

        • خلف القثامي
          عضو مميــز
          • Nov 2006
          • 5690

          #5
          [align=center]صح لسان الشاعر / عبيد بن عبدالله



          ويستاهل الممدوح الابيات الجزله


          شكرا لك
          [/align]

          تعليق

          • الخافت
            عضو نشيط
            • Apr 2008
            • 60

            #6
            تم النشر في الأصل بواسطة الـوفـا طـبـعـي عرض المشاركة
            صح الله الساانه وبيض الله وجه عبيدالله على القصيده الجززززلة


            مشكور يالخافت على النقل وتقبل تحياتي
            [align=center]الشاعر / هو عبيد بن عطاالله
            وليـــــسى عبيدالله
            [/align]

            تعليق

            العمل...