هذا هو سبب خروج نايف بن معلا والشاعر الوسمي من البرنامج

طي
X
 
  • التوقيت
  • إظهار
مسح الكل
المشاركات الجديدة
  • دريد العتيبي
    عضو نشيط
    • Oct 2007
    • 62

    #1

    هذا هو سبب خروج نايف بن معلا والشاعر الوسمي من البرنامج

    [align=center]السلام عليكم ورحمة الله وبركاته
    سبب الخروج هو الاتي:
    ان المواطن السعودي
    والعتيبي خصوصاً عنده هموم ومشاكل وقضايا
    اهم من موضوع انه يذهب للتصويت ببرنامج شعري
    فالواطن اليوم اكثرهم مديونين وهم محاصرين
    من كل الزوايا من غلاء المعيشة
    وغلاء السكن وغلاء الاسعار ..
    يمك كل واحد يقرأ كلامي لايتعمقه.
    لا انكر التلاعب المصاحب بالسنتين الماضيتين
    من ادارة البرنامج ..
    ولكن يااخوان الواحد منا اذا جاه دخله الشهري
    يالله يكفيه ويالله تنتهي بعد خمس ايام من صدور الراتب
    فكيف يضعها بتصويت لايغني له شيء
    والمال انفع له من التصويت ..
    انا ذكرت الشاعر المطيري بعنوان موضوعي
    حتى اقول ان السبب يخص كل السعوديين
    وليس فقط ابناء عتيبة الهيلا ..
    لكم كل الود[/align]
  • مزيد العصيمي
    عضو ماسي
    • May 2008
    • 463

    #2
    [align=center]- تدري ...وين المشكله ... يحسبونها مثل منول توخذ بالسيف
    يفكرون ان منول يطبق على الوقت الحالي

    الوقت الحالي جيب شي جيد وعالي الجود يمشي

    تجيب خرابيط ماتمشي ...

    شاعر المليون ...ماخدم الشعر لا بالله .....استرزق من الشعر


    هين الديون تهون لكن اللي مايهون انك تدفع افلوسك في شي لا قيمه له.....

    والله يصلح كل سعودي وكل مسلم ويفرج هم كل مسلم ويرزقه من غير برنامج ...
    [/align]

    تعليق

    • السواجي الروقي
      عضو فعال
      • Sep 2008
      • 128

      #3
      ناااااااايف يبقى نااااااايف



      ولا يهمووونكم شااعر المليوووون




      ومثل ماقال اخوووي العصيمي لو هي بالسيوووف كان اخذناها




      لكن يسرها ربك يالغالي

      تعليق

      • الــــغــــنـــامـــــــي
        عضو
        • Sep 2008
        • 2

        #4
        كلامكم صحيح وسيبقى نايف معلا المغيري شاعر حتى لو مافاز

        تعليق

        • !!ولدعتيبة!!
          عضو نشيط
          • Apr 2006
          • 36

          #5
          المشكله ماصارت من الجمهور صار الامر جشع من الشعراء

          يعني الشعراء يعرفون اننا فلسنا من التصويت لهم

          ليش الطمع عندهم ؟؟

          تعليق

          • صاطي
            عضو نشيط
            • Jul 2007
            • 82

            #6
            ان كان فيكم ذرة عقل اقفوا التصويت
            ياعم والله ثم والله انه ضحك على الذقون
            نحن سوف نتابع الشعر والشعر فقط

            لا.للتصويت

            وياليت التصويت يذهب لأهله وافهم يالبيب
            واتمنى من شعراء قبيلة عتيبه انهم مايحرجون ابناء عمومتهم في
            طلب التصويت لأننا اذا طٌلبنا اجبنا ....

            تعليق

            • دريد العتيبي
              عضو نشيط
              • Oct 2007
              • 62

              #7
              [align=center]اشكركم كلكم على الردود الطيبه[/align]

              تعليق

              • خلف القثامي
                عضو مميــز
                • Nov 2006
                • 5690

                #8
                [align=center]اتذكر المثل الدارج الذي يقول


                اللي تكسبه العبـــــــــــــــــه
                فلوووس


                وارقام شعراء


                وانتظار النتائج


                ويعلم الجميع ان دووولة قطر اذا نالت بيرق البرنامج راج تحتفظ به


                لانها سبق ان احرزت البيرق في النسخه الاولى والثانيه من البرنامج


                وهل يعجزون عن فتح خطوط الاتصال لمواطنيها خلال يوم واحد فقط



                وقفه خاااصه :
                مسابقة شاعر المليون


                انتهج برنامج شاعر المليون استغلال القبائل بالتصويت ع ارقام شعرءاها


                و الوقوف مع ابناءها التي تدفعهم الحميه الغير منطقيه


                اذا كان لديك حميه وحب للقبيله بدافع ترشح شعراءها الى المراحل المتقدمه


                قم بارسال مبلغ يقدر بثمن البطاقات الى حساب شاعر قبيلتك

                وستجد الاستفاده لابن عمك بدون ترقب وانتظار لاعلان النتيجه
                [/align]

                تعليق

                • أمير الجعادين
                  عضو
                  • Feb 2008
                  • 18

                  #9
                  شاعر المليون والضحك على الذقون

                  ها هو مسلسل شاعر المليون
                  تم التعديل الأخير بواسطة أمير الجعادين؛ 26-Dec-2008, 01:56 AM.

                  تعليق

                  • ذيب الحويه
                    عضو نشيط
                    • Aug 2007
                    • 90

                    #10
                    عـآد ياليتكمـ تعتبرووون من خروجــه

                    لانه يبي يجـي غيره من عيـآلكم في الحلقـآت الجــآيه

                    وراح تقيموون الحفلات والجمـع والقطــه ههههه

                    والتصويت والمواضيـــع


                    وآخرتها رآح يطلع ولا يتأهـــل

                    وذيك السـآعه راح يتتكـرر موضوووعكمـ هـ’ــذا مع تغيير الاسمـآء
                    وتنعـآد ردودكمـ عن البرنـآمج ..


                    للأســف لو وش بيصير عمركم مـآراح تتعضـووووووون


                    وإللي يبي يبـرر لـي مواقفكمـ ذي انهـآ حميــه لابنـآء عمكمـ
                    فالحميــــه ماتجي بـsms والاستخفـآف بعقووولكمـ من قبل هالبرامج واستزاف مـآفي جيوووبكمـ

                    لكــن فوووق كل هـ’ــذا يعجبني استغلالهم للـي مثلنـآ
                    ويعجبنــي شجاعة عيالنـآ الشعراء وثقتهم الضعيفــه بشعرهم
                    حيثهم يشـآركوون ويقدمووون وبالأخيــر يسمح لنفســـه وتـآريخه الشعري انــه يجلس امـآم لجنــة تقيم شعـــره بعد هالسنين
                    تم التعديل الأخير بواسطة ذيب الحويه؛ 26-Dec-2008, 02:15 AM.

                    تعليق

                    • سمران
                      عضو فعال
                      • Mar 2007
                      • 106

                      #11
                      اللي يبي يشارك يشارك بس لايسوي حفل دعم له أو ينخى القبيله في البرنامج
                      وين شعره القوي؟؟ ليه مايفوز من قبل اللجنه والان يمكن للشاعر ان يفوز عن طريق اللجنه ثلاث مراحل وين شعره؟؟
                      بصراحه قصيدة نايف ماكانت موفقه ولم تكن تستحق الفوز...

                      تعليق

                      • وحي العقل
                        ناقد ومحلل ادبي
                        • Mar 2007
                        • 702

                        #12
                        **
                        **
                        قبيلتي عتيبة ومطير استهلكوا الحد الائتماني فالتصويت
                        والله ماعاد وراهم القطرة ... ولايمكن يصل شاعر منهم
                        للـ 24 ألا اذا عن طريق اللجنه





                        تحياااااااااااااااااااتي

                        تعليق

                        • ابو سعد الدلبحي

                          سلطان الرياض

                          • Nov 2002
                          • 2574

                          #13
                          [align=center]برنامج نزل سمعت الشعر في الحضيض[/align]

                          تعليق

                          • سعد السميري
                            عضو فضي
                            • Feb 2008
                            • 220

                            #14
                            علي الحرام انه برنامج فااااشل واستغلالي



                            والشاعر/نايف المغيري ..



                            اكبر من مستوآهم ..



                            وبدر بن صفوق .. اللي مايديرها .. ياخذ القصيده من الشاعر قبل اسبوع من مشاركته ويحط كل بيت في قوقل ويبحث عنه ويسجل ملاحظاته وينقلها من النت .. ابك هذا ناقد ..




                            شطبو على الناس الفاضيه

                            تعليق

                            • نزهان الروقي
                              عضو ذهبي
                              • May 2008
                              • 303

                              #15
                              بني عمـــــــي



                              ماعااد عندي كلام اقووووووووله ردودكم اشفت غليلي

                              تعليق

                              العمل...