عندك فلوس زايدة تبا تصوتبها عطنيها احطها في ذبيحة للثلاجة

طي
X
 
  • التوقيت
  • إظهار
مسح الكل
المشاركات الجديدة
  • عكاش
    عضو ذهبي
    • Sep 2003
    • 332

    #1

    عندك فلوس زايدة تبا تصوتبها عطنيها احطها في ذبيحة للثلاجة

    الله يمسيكم بالخير

    تسيف حالكم وش لونكم ووش لون وراعاتكم والبديدة كلها عساكم طيبين

    تطويل العلوم مالها لزوم

    انتم خابرين شاعر المليون وغيره الي وراه ظهر يدفع دراهم هو الفايز
    والسنتين الي راحت شركة كيوتل القطرية ماتقصر ترش شاطئ الراحة ولا المفتاحة بالرسايل رش للمتسابقين الي من دولتها

    وشركة اتصالاتنا طيبها علانا مره فاصلين الجوال ومرة مرجعينه ومره فاصلين النت ومرة بطي وبرابسها واجد وحنا نصوت والفايدة للنشوى الرويني والاتصالات السعودية واخرتها يطلع بها قطري راشته شركة كيوتل بالرسايل رش


    هالحين كلها والسفاير فالكم ان كان في شركة الاتصالات السعودية طيب وخير تحط راسها براس شركة كيوتل القطرية وترش المتسابقين السعوديين بالرسايل وخلونا نشوف من اطيب من الثاني كيوتل القطرية ولا الاتصالات السعودية

    عنما حنا يالمواطنين وش دخلنا في السالفة مرة الاسهم داقتنا ومرة التصويت داقنا ومرة اسعار المواد الغذائية داقتنا

    كلها على رويساتنا يالمواطنين وحنا كل واحد ماسكن جواله يصوت علشان يفوز شاعر يترزز عند روضة وطقة روضة وهو والله مادر عن الي صوت


    زبدة الكلام التصويت في هالمسابقات من تخصص الاتصالات السعودية مثل ماهوب من تخصص شركة كيوتل القطرية حنا يالي على باب الله برا الموضوع كله


    والي يشوف نفسه عنده فلوس زايدة ويبا يصوت لشاعر ماجاب خبره ولاهوب قايل حتى جزاك الله خير يعطيني قيمة الدراهم الي يبا يصوتبها بحطه في ذبيحة للثلاجة واقوله جزاك الله خير وفوقها حبة على خشمه
    تم التعديل الأخير بواسطة عكاش؛ 21-Dec-2008, 05:34 PM.
  • حصادالغربه
    عضو فعال
    • Nov 2007
    • 148

    #2
    [align=center]

    كان في شركة الاتصالات السعودية طيب وخير
    تحط راسها براس شركة كيوتل القطرية
    وترش المتسابقين السعوديين بالرسايل
    وخلونا نشوف من اطيب من الثاني
    كيوتل القطرية ولا الاتصالات السعودية

    ........................................
    ياطيب خشمك ياعكاش..
    والله كلام الحقيقه وتدري بعدرايح يصيرالتصويت
    عام لجميع شعراء السعوديه وننهي العنصريه
    المطلوب منك يابو العكاكيش
    ارسال برقيه عاجله للاتصالات السعوديه ..
    وتزود المسئولين المعنين بصوره من هذه البرقيه
    واكيد سوف نحتكراللقب...لسنوات..!
    مااكثرنا حنا وخدمنا وعمالناعلاهم علاهم..
    سوف نغرق شاطي المليون بالرسايل[/align]

    تعليق

    • المرواني1
      عضو نشيط
      • Oct 2007
      • 81

      #3
      [align=center]بكل تلقائيه وباسلوب رائع قلت الحقيقه اخونا عكاش
      واعتقد انها وصلت للمتابع ... ولكن هل تلقى الصدى !!
      حقيقه اشك في ذلك ..


      حفظك الله[/align]

      تعليق

      • نزهان الروقي
        عضو ذهبي
        • May 2008
        • 303

        #4
        هههههههههههههههههه



        بيض اللله وجهك

        تعليق

        • ابن مشيب
          إدارة أقسام القبيلة
          • Nov 2002
          • 9791

          #5
          [align=center][align=center][align=right]تستاهل ياعكاش ذبيحة لك على الصحن بوجود رجال شرواك

          صراحة نقطة منطقية اعجبتني في مقالك وهي:
          تم النشر في الأصل بواسطة عكاش عرض المشاركة
          التصويت في هالمسابقات من تخصص الاتصالات السعودية مثل ماهوب من تخصص شركة كيوتل القطرية حنا يالي على باب الله برا الموضوع كله
          فعلاً الخصم في المسابقات السابقة , ليس جمهور الشاعر , بل شركة اتصالات في دولة قطر كما نسمع والله اعلم , ولان يقف في وجهها ويرشح باقي الشعراء للنهائي غير شركة اتصالات آخرى , اما المواطنين كثير منهم اصبح لديه وعي بهدف هذه المسابقات والحمدلله.


          تحياتي[/align][/align][/align]

          تعليق

          • سمران
            عضو فعال
            • Mar 2007
            • 106

            #6
            اتمنى من ابناء قبيلتنا ولو مره وحده لايصوتون يخلون شعرائنا ياخذون 600000 درهم بواقع 200000 لكل شاعر فالح زنايف وسعود بدون نعطي هيئة ابوظبي للتراث ولهف المساكين

            تعليق

            • الرومي

              مشرف منتدى أخبار القبيلة واللقاءات

              • May 2006
              • 4514

              #7
              لو جمعت جميع المبالغ التي صوت بها ابنا القبيلة لتجاوزة 10 مليون ريال..
              رقم لايستهان فيةوالنتيجة حرقة اعصاب وخروج شعار القبيلة في المسابقة بكل سهولة.. هناك من ايتام وارامل القبيلة منهم احق من شركة الاتصالات السعودية..لكن اين العقول التي تفكر.
              migeed33@hotmail.com

              تعليق

              • عتيبي للابد
                عضو ذهبي
                • Jun 2006
                • 338

                #8
                بالتاكيد لا لا لا و الف لا للتصويت فهو نفخ في جيوب اصحاب البرنامج و لا نستفيد اي شي

                اللي عنده فلوس زايده يهديها على عكاش او يتصدق بها على احد المسلمين الفقارى او يخرج بها سجينا او يتيما من ايتام المسلمين و له الاجر و الثواب


                اما تصويت و خبال ماله داعي خلاص انكشفوا و راحت عليهم برنامج شاحذ المليون برنامج القمار و السربته

                تعليق

                • الشــاهد
                  شـــاعــر
                  • Jun 2008
                  • 559

                  #9
                  عكاش هذا الكلام وبس


                  بلا تصويت بلا هم 0000ومشكور على الموضوع الاكثر من رائع

                  تعليق

                  • منصور بن فهيد
                    مشرف سابق
                    • Dec 2004
                    • 3451

                    #10
                    اتوقع لايوجد هناك شخص بكامل قواه العقليه يصوت حتى الان بعدما حصل في السنتين الماضيتين من استنزاف لأموال المسلمين ...

                    وقيمة الذبيحه راحت عليك ياعكاش ...
                    man.9.our@hotmail.com

                    تعليق

                    • الرويس 999
                      عضو نشيط
                      • Oct 2007
                      • 82

                      #11
                      والله انك تستاهلها وتستاهل من يحط لك الشحم على تلميحك الجميل

                      ولا تروح الفلوس عند نشوى وطقتها

                      من النسخه الاولى وحنا نصيح ونقول اشكروا النعمه واحفظوها من الزوال

                      وبعد ما اتضحت الامور هذا حنا نقول

                      يالربع ترى في المسابقة 3 عتبان وبتتعبون تصوتون كل يوم لواحد

                      ومستحيل مستحيل يخلون العتبان يوصلون كلهم للنهائي

                      على الاقل اثنين منهم بيطلعون من بدري حتى لو كانوا مبدعين

                      وفوق هذا البرنامج مايعتمد على الشاعريه

                      البرنامج يبغى الرجال المليان اللي يصوت

                      ودولة قطر محد ياقف في وجهها عند التصويت

                      دوله تفتح التصويت 24 ساعه وترسل بنفسها بكجات بملايين الريالات

                      ومايمكن يوقف في وجهها احد

                      حتى لو يتأهل اردى مرشحينها

                      تعليق

                      • صقر النواصر
                        كــــاتب ممـــيز
                        • Oct 2007
                        • 353

                        #12
                        [align=center]الله يمسيك بالنور والسرور .. ياعكاش [/align]


                        [align=justify]وتعال نحسبها بالعقل والمنطق ونضع جميع الاحتمالات :


                        أولاً : بالنسبة للعتبان الذين سيصوتون لشعراء عتيبة:

                        الاحتمال رقم (1) : ان يخرج شعراء عتيبة وهذا الاحتمال هو الأقرب في نظري ..... وفي هذه الحالة ستكون أنت أيها المصوت قد خسرت فلوسك على الفاضي .. وهذا هو الأقرب للذين سيصوتون

                        الاحتمال رقم (2) : سيترشح شعراء عتيبة للمرحة التالية وهذا الاحتمال بعيد ..... ومع ذلك حتى لو تحقق فستكون انت ايها المصوت قد خسرت فلوسك ....

                        يعني في كلا الاحتمالين انت خسران فلوس على الفاضي.



                        بالنسبة للعتبان الذين يرفضون فكرة التصويت ولن يصوّتــــوا لشعراء عتيبة :

                        الاحتمال رقم (1) : أن يخرج شعراء عتيبة وهذا الاحتمال هو الأقرب في نظري .. وفي هذه الحالة ستكون أنت يامن لم تصوت قد وفرت فلوسك في جيبك ...ولم تخسر شيئا .. بل بالعكس ستكون انت الرابح الحقيقي من البرنامج حيث استمتعت مجّـــــــــــــــــاناً .

                        الاحتمال رقم (2) : ان يتأهل شعراء عتيبة للمرحة التالية ........وفي هذه الحالة ستكون انت يامن لم تصّوت رابح مرتين ومن جهتين .. من جهة بتأهل شاعر عتيبي .. ومن جهة ثانية بتوفيرك أموالك ..... قمة الربح هذا النوع من الربح


                        اجمعوها واطرحوها واضربوها واقسموها .. العتبان اللي مارح يصوّتون كأنهم ربحوا مليون البرنامج .. كأن عتيبة وفرت ملايينهم


                        بإختصار ... الذي يرفض التصويت ولن يقوم به سيكون هو الرابح في كلا الإحتمالين ....وهو من سيضحك اخيراً ...سواء فاز شاعر عتيبي ولا مافاز ... ويازينها لو فاز شاعر عتيبي وحنا ماخسرنا شئ .. على الاقل نعوض خسايرنا اللي راحت ................. وكأني أيضاً أرى الذين صوتوا بعد نهاية البرنامج يعضون اصابع الندم .. حتى لو فاز شاعرهم المفضل .. فهم قد خسروا مالهم ..[/align]



                        [align=center]من يضحك أخيراً ..... يضحك كثيراً[/align]
                        تم التعديل الأخير بواسطة صقر النواصر؛ 22-Dec-2008, 11:11 PM.

                        تعليق

                        • مزيد العصيمي
                          عضو ماسي
                          • May 2008
                          • 463

                          #13
                          [overline]

                          وكلامك عين العقل ياعكاش انشهد انك جبتها وتستاهل الشحم والكيف يالذيب
                          [/overline]

                          تعليق

                          • محب الهيلا
                            عضو ممـــيز
                            • Nov 2007
                            • 20292

                            #14
                            كلام منطقي وعقلاني


                            يعطيك العافية

                            تعليق

                            • من عيني
                              عضو فعال
                              • Aug 2008
                              • 123

                              #15
                              تم النشر في الأصل بواسطة الرومي عرض المشاركة
                              لو جمعت جميع المبالغ التي صوت بها ابنا القبيلة لتجاوزة 10 مليون ريال..
                              رقم لايستهان فيةوالنتيجة حرقة اعصاب وخروج شعار القبيلة في المسابقة بكل سهولة.. هناك من ايتام وارامل القبيلة منهم احق من شركة الاتصالات السعودية..لكن اين العقول التي تفكر.


                              انشهد يالرومي كلامك في محله وياليت
                              كل ابناء الهيلا يصوتون لمن هو احــــق
                              من ارامل وايتام وفقراء ومعسريــــــن
                              لا يجدون قوت يومهم والهيلا مذكوررره
                              من خلقة الدنيا ببيرق العز والعلم الغانم


                              ولكن اين العقول التي تفكر (جماجم مجوفه) حشاك
                              تحياتي

                              تعليق

                              العمل...