رد الشاعر محمد العضياني على الذي ربط عتيبه بالارهاب ؟؟

طي
X
 
  • التوقيت
  • إظهار
مسح الكل
المشاركات الجديدة
  • الثعلي
    عضو
    • Oct 2003
    • 15

    #1

    رد الشاعر محمد العضياني على الذي ربط عتيبه بالارهاب ؟؟

    [align=center]هذا رد الشاعر محمد العضياني على احد شعراء برنامج شاعر العرب وربط قبيلة عتيبه بالارهاب؟؟


    [poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
    يابن خلف مخطي وضايع وخسران =تخسا ويخسا من بيوتك رضاها
    وسط القبور أمسيت تنبش فالاكفان= والكلمة اللي قلت ويش أمغزاها
    الظاهر أنك تالي الليل سكـــــــران = والحاقد الحاسد عيونه عماها
    أسود وجه مكشوف والقلب مرضان= وعلتك مدري كيف تلقا دواها
    وإن كان وصل العلــم ذربين الايمان= اعتيبه الهيلا بعيدن مداها
    شجعان وإن ركبو على الخيل فرسان=وهاذي شهادة حق محدن نساها
    تاريخنا ثابت على مـــــــــر الازمان = قبيلتن تخشا القبايل لقاها
    لطامت العايل ليا صار عـــــــــدوان = ذباحت الحايل لضيفن نصاها
    حزنا الثلاث البيض من دون نقصان=وشمس الحقيقه واضحه في سماها
    بأسيوفنا نخلي كثيرات الاوطان = وسحم الضواري كافلينن عشـــــــاها
    ولاودي اذكر ذكر هاذيك الاكوان = في صفحة التاريخ كلن قــــــــــــراها
    ويومه ظهر صقر الجزيرة كحيلان = والدار حارب جهلها ثم ولاهـــــــــــــا
    إلنا مواقف بالوفا شانها شـــــان = في نصرة التوحيد واللي حمـــــــاها
    لين القبايل كلها صارت اخــــوان = والله على سلم الشريعه هـــــــداها
    وعقب ملوك الخير للحق ميــزان = نعم الملوك اللي يذري ذراهــــا
    في مدحهم عز القريحه والالحان = مير القبايل كيف تشقر عصـــــــاها
    واللي بناله بيت من غير سيسان = يصبر على لفح السموم وعنـــــاها
    وفي حرب الارهاب انتشرف بشجعان= ابطال واجب كيف تجحد ولاها
    دون الوطن مافيه خلن وصدقان = والمملكة بالروح حنا فـــــــــــداها
    والقصه اللي جبت ماهيب عنوان = ولاهيب ساس المشكلة لحلفاها
    قصه قديمه عقبها كاينن كان = من كل صاحب فكر فكره حـــــــلاها
    ومن قبلها صارت ولوقلت تبيان = ماودي ابحث فالعلوم وخفـــــــاها
    فيصل دويش امطير للعهد خوان = ولاتلحق السيئه لغير اعمــــلاها
    واللي يعمم غلطته قلت غلطان = وراع الخطيه حق ياخذ جـــــزاها
    حكم الشريعه مابه افلان وافلان = ياللي تهذري فالقناة وتبـــــــاها
    ماينحكى قولن على غير برهان = ويلعنك رجلن كلمته ماحمــــــاها
    ولاضاع حقن دام للحق ديان = واللي يمد الكف ياخذ مـــــــــــــــلاها
    وكانك تعيب الناس زورن وبهتان = اعيوب مثلك من بغاها لقـــــــــاها
    عودن مخرف صايبك مس شيطان=ومن طبلت لك سود الله لحـــاها
    حتيش لوساندك نذلن وجابان = عن شرهة الماجوب تقصر خطــــاها
    مانلحق الشرهه من الناس رديان = هاذي عوايدها وفيها بــــــــلاها
    قلته وانا مانيب للقول طربان = من مبتدا القصه ليا منتهــــــــــــــاها
    لاكن وقت الجهل للجهل عتبان = ووقفاتنا وقت اللزوم انحمــــــــاها[/poem]
    محمد العضياني[/align]
  • /عبد العزيز الجذع/

    رابطة محبي الهيلا

    • Apr 2008
    • 7289

    #2
    صح لسان الشاعر / محمد العضياني...


    وبيض الله وجهه...



    ولاهنت على النقل..

    تعليق

    • البريماني

      رابطة محبي الهيلا

      • Jan 2008
      • 1684

      #3
      كفووو كفووو كفووو بيض الله وجهه

      وتسلم يالذيب على النقل

      تعليق

      • ابو صنهات
        عضو فعال
        • Sep 2006
        • 104

        #4
        الله عليك يا محمد

        صح لساااااااااانك يالعضياني

        صح لسانك

        لطامت العايل ليا صار عدوان
        ذباحت الحايل لضيفن نصاها
        حزنا الثلاث البيض من دون نقصان
        وشمس الحقيقه واضحه في سماها
        بأسيوفنا نخلي كثيرات الاوطان
        وسحم الضواري كافلينن عشاها
        ولاودي اذكر ذكر هاذيك الاكوان
        في صفحة التاريخ كلن قراها
        ويومه ظهر صقر الجزيرة كحيلان
        والدار حارب جهلها ثم ولاها
        إلنا مواقف بالوفا شانها شان
        في نصرة التوحيد واللي حماها
        لين القبايل كلها صارت اخوان
        والله على سلم الشريعه هداها
        وعقب ملوك الخير للحق ميزان
        نعم الملوك اللي يذري ذراها
        في مدحهم عز القريحه والالحان
        مير القبايل كيف تشقر عصاها




        كفووو

        تعليق

        • مالك النفيعي
          عضو ماسي
          • May 2007
          • 511

          #5
          كفو كفو كفو كفو كفو كفو كفو يابن العم

          كفيت ووفيت صح لسانك والله لا يهينك
          عودة جديدة بعد انقطاع دام ١٢ سنة.

          تعليق

          • ابن طامي
            عضو ماسي
            • Mar 2007
            • 661

            #6
            الله يبيض وجهه

            تعليق

            • ـأبـرقـ الـهـواجــيــسـ
              عضو
              • Jun 2008
              • 10

              #7
              كاذ الحاسد وربعه الرديين

              يخسا الحاسد ويكذب بقوله



              ويقول مخلد :
              حنـا عتيبـه كـم حريـب لطمنـاه = دقلاتنـا مثـل الخيـال الرزيـنـي
              علونا في الحجـز واقصـى قرايـاه = وشرقينـا يـم الحسـا مردفيـنـي
              وجنوبنـا وادي الدواسـر رعيـنـاه = وشمالنـا يــم المديـنـه يميـنـي
              حنا تـرى نجـد المسمـى ملكنـاه = وخابت حظـوظ ملوكـه الاولينـي
              وادي الرشا غصب على الناس نرعاه = بشلـف رهـاف ويقطعـن الوتينـي
              تمرجحي في حمضته واشربي مـاه = وتبرهجـي يـا مقرعـات الحنينـي
              وكم بيت شيخ فـي نحانـا هدمنـاه = وامسـوا مساييـره مـن الخايبينـي
              وكم راس شيخ عن متونـه نطلنـاه = وراحت تسير بـه كـلاب القطينـي
              والفصل جا فاربـع سنيـن مسمـاه = من عقبها سمـوى القبايـل طنينـي
              منها النهار اللي على الضال واقصاه = من عجـه الضلعـان عيـت تبينـي
              ومنهـا نهـار فـوق دلعـه عبينـاه = مع ايسر الهضبـه عساهـا سنينـي
              ولد الدويشـي فـا لعوينـد كسرنـاه = يـوم عليـه ايشيـب المرضعينـي
              وعلى طلال الـدم الاشقـر نثرنـاه = يومنهم جونـا الضحـى سارحينـي

              تعليق

              • عبدالعزيز البرقاوي
                عضو ماسي
                • Jan 2008
                • 561

                #8
                ابك حنا عتاااابة

                تعليق

                • فواز العتب
                  عضو نشيط
                  • Feb 2008
                  • 81

                  #9
                  كفو يالعضياني وصح لسانك

                  تعليق

                  • ابو سعد الدلبحي

                    سلطان الرياض

                    • Nov 2002
                    • 2574

                    #10
                    [align=center]بيض الله وجهه[/align]

                    تعليق

                    • ممدوح الروقي
                      عضو ماسي
                      • Jan 2007
                      • 598

                      #11
                      يابن خلف مخطي وضايع وخسـران
                      تخسا ويخسا مـن بيوتـك رضاهـا

                      صــــح لسانك ياابوحميـــد

                      تعليق

                      • رمح برقاا

                        رابطة محبي الهيلا

                        • Jun 2007
                        • 1297

                        #12
                        عززز الله انك كفيت ووفيت يا العضيااني


                        ووين رايح الخسس هذاا ابك هوو وين موولي ما لقى الا عتيبه يحط راسه براااسها غلطاااان مضيع الدررب

                        تعليق

                        • عبدالله هادي ناشي الفليت.

                          رابطة محبي الهيلا

                          • Sep 2007
                          • 1791

                          #13
                          كفووووو يالعضياااااني صح لسااااااانك

                          عزالله صار منتهاها خخخخخخخخخخخخخخخخخخخخخخخخخخخ

                          تعليق

                          • بن مناش الهراني المقاطي
                            عضو فعال
                            • Mar 2004
                            • 110

                            #14
                            كفو واللله وصح لسانه

                            تعليق

                            • ابو براك

                              رابطة محبي الهيلا

                              • Feb 2006
                              • 1587

                              #15
                              صح لسان الشاعر / محمد العضياني...


                              وبيض الله وجهه...



                              ولاهنت على النقل..

                              تعليق

                              العمل...