تكفون ياعتيبه

طي
X
 
  • التوقيت
  • إظهار
مسح الكل
المشاركات الجديدة
  • حومل
    عضو نشيط
    • Mar 2008
    • 55

    #1

    تكفون ياعتيبه

    ربعي ياعتيبه عتيبه يا عصابة راسي تكفون يالهيلا تكفون

    صوتوا لشعاركم والله ان القبايل كلهم مدهرين إلا حنا

    هذيل وقحطان ويام ياعتيبه يا ربعي المال وسخ دنيا والله مايدفن مع

    الرجال والله مايقرب لي احد من الشعار لكن ابا الناموس مع الرياجيل نبي

    عتيبي يفوز في مسابقه وعلى قولة الشاعر :

    المال يفنى والنشاما تجيبه .

    ولو كل عتيبي يرسل عشر رسايل قيمتها اربعين ريال للمقاطي

    والوذيناني تاهلوا نبي عتيبي يفوز بشاعر المعنى وبعده نعزل

    والختام جتني بيتين رسالة جوال كل بيت لحاله حبيت تقرونها

    من لادعم بالجاه والمال سرحان ****** ياعنك راسه مايعرف الحميا


    من لا يسوق المال فدوه لمرزوق ** في ذمتي مافيه نخوة عتيبي
  • محمد بن غازي
    مشرف عــام
    • Jun 2005
    • 5252

    #2
    الفوز في برنامج شعري لا يعتبر نوماس أو فخر للقبيله ... مهما كانت المبررات ... الفوز في هذه البرامج هو للقناه وحدها الفائزه بأموال الضعفاء والمساكين .. كفا تسخيف لعقول أبناء القبائل ... عتيبه محلها سنام المجد ... دأئماً وأبداء بأذن الله ... قبل ظهور هذه البرامج الأستغلاليه ومن بعدها ...

    تعليق

    • عبدالله الجـــذع
      مشرف منتدى قصه وقصيده
      • Sep 2007
      • 8093

      #3
      ابو غازي
      لانضب قلمك
      وصح لسانك
      كلام رائع
      ولااضيف عليه شيء

      محبكم

      .,
      قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) .


      .
      قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم !
      فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه )

      .

      موقع يضم جميع القراء


      هنا

      تعليق

      • عتيبـــــ ولد ــــــــة
        عضو ماسي
        • May 2007
        • 760

        #4
        عتيبة ..... من شافط المليون وغيره من البرامج ماعاد فيه عاقل الحين يصوت .. ولو كان التصويت شريف في شافط العقول والمليون .. كان بإذن الله أخذها العصيمي من المرة الأولى وانتهينا ..

        تعليق

        • الباااسل
          عضو ماسي
          • Mar 2007
          • 817

          #5
          يارجال بلا تصويت بلاااهم



          مرزوق شاعرنا ومعروف ولاهو بحاجة البرنامج وبعدين شكلهم ناوين يطلعونه


          أجل ناصر الهاجري الداج ياخذ 46 ومرزوق 45


          لله العجب

          تعليق

          • عنتر زمانة
            عضو نشيط
            • Nov 2006
            • 86

            #6
            برامج الشعر اساءت الى الشعر اساءه كبيرة

            من حيث النقد و تلميع المستشعرين وهضم حقوق الشعراء

            والهدف واضح $$$

            تعليق

            • رمح برقاا

              رابطة محبي الهيلا

              • Jun 2007
              • 1297

              #7
              فدوه لمرزووق هههههههههههههههههه

              وين الوذيناني اللي تقول افزعوله اللي يرسلك خله يرسل رساله فيها الوذيناني
              ههههههههههههههههههه

              القول الله يستر علاااك يا اخووي انت ومرزوق والوذيناني عندنا ورعان نبي نربيهم ونعطيهم الا 40 ريااال هههههههههههههههههههه

              تعليق

              • واكد بن مبارك
                عضو نشيط
                • Dec 2005
                • 49

                #8
                [glow1=#CC6600][align=center]
                000أنا أضم صوتي لصوت محمد بن غازي . وأقول له لا فظ فاك 000
                [/align][/glow1]

                تعليق

                • عتيبي وافتخر بعتيبه
                  عضو نشيط
                  • Nov 2007
                  • 97

                  #9
                  والله ان كل الي ردووا قالوا عين العقل وعلى قول رمح برقا حنا نكد على عيال والناموس مهوب ببرنامج شعر ولا قلطه الناموس ماخذينه بطيب افعالنا اول تالي وخل اصحاب العقول السقيمه الي بتدعم شعارها تكت فلوسها

                  لكل داء دواء يستطب به الا الحماقة اعيت من يداويها

                  تعليق

                  • ابو ليان العتيبي
                    عضو فعال
                    • Nov 2007
                    • 109

                    #10
                    الأخ حومل جبت هذا الموضوع إلا من الحميه الي في راسك والدليل على ذلك انك جمعت المقاطي والوذيناني في موضوعك وهذا ما نبحث عنه في منتدى عتيبه خلاف بعض المواضيع التي تدعوا لتحزبات لصالح ناس عن ناس اما الردود التي وردت فهذه تبطل الهمم فكل عتيبي حر وعقله في راسه ولهم شعراء خاصين وقد دعوا لتصويتهم من قبل بالعلم انني لا احب التصويت ولكن لا ابطل همم الرجال وانا اوكد لكم من خلال متابعة الشات بأن واحد من العتبان سوف ياتأهل للمرحلة الثالثة لأن هذيل شادين حيلهم منذ فارس الصحراء وحامد المرة الأولى وعبيد الله والأن حامد المرة الثانية عكس الذين يبطلون ههم الرجال

                    تعليق

                    • البريماني

                      رابطة محبي الهيلا

                      • Jan 2008
                      • 1684

                      #11
                      [align=center]ياخوي من أوول فزعاتنا بالسيف الأملح والحين والله ماني مستكثر على بني عمي 50 ريال ولا 20 ريال افااا ليه ياشباب التحطيم,,

                      ابك هذيل شبت الشات حريقه.. تكفون ياصفوة عيال الحمايل تكفون

                      ياهل الهيبه الفززعه ولا تردوونها مدام الجاهليه رجعت بهالبرامج والي دعمتها الدووله نرحب فيها؟؟؟[/align]

                      تعليق

                      • حومل
                        عضو نشيط
                        • Mar 2008
                        • 55

                        #12
                        رمح برقا .. وعتيبي وافتخر بعتيبه والاخوان المعترضين

                        حنا بني عم والمفروض اللهجه هذي ما تكون بيننا مثل الحماقه وغيره

                        وأنا اعرض وجهة نظري وللمعلوميه اللي اعترضوا ما اعترضوا ايام شاعر

                        المليون النسخه الاولى جميعهم والنسخه الثانيه بعضهم وكان فيه

                        نخاوي ولا احد اعترض .. هل من العدل انّا نصوت في برنامج تدور حوله

                        الشكوك ولا نصوت في برنامج نزيه سعودي تداحم فيه القبايل ..

                        وانت يارمح برقا انا جايب بيت في سرحان وبيت في مرزوق وارجع

                        وطالع زين قبل تحكم وعيالك رزقهم ما هوب على 40 ريال إلا انك

                        متكاثر اربعين ريال على بني عمك...

                        يا الربع افهموني انا اقول نصوت هالمره لبني عمنا لين ياخذ واحد منهم

                        اللقب وبعدها نعزل وهذا أول برنامج سعودي ويحظى برعاية الامير

                        فيصل بن خالد وإذا ما نتم داعمين ليش حاطين هالقسم لتثبيط الهمم

                        والاستهزاء مثل اخونا رمح برقا .......


                        تكفوووووووووووووووووووووووووووووووووووون يا اهل الحميا


                        ما طلبت معجزه عشر رسايل لسرحان وعشر رسايل لمرزوق

                        ما تقدرون طلبت ابن عمكم والله ما يقربون لي لكن فرحة العتيبي عندي

                        غاليه وابيهم يفرحون واللي طفران لايصوت ما هو غصب لكن يدعم بني

                        عمه معنوياً بقصيده بكلمه طيبه واللي يقول الناموس بالسيف والرمح

                        هذاك وقت وراح ولكل وقت ماقف والوقت هذا الفوز في المزاين

                        والمسابقات ناموس وهذا هو الماقف في هالوقت....

                        ابو ليان والوفا طبعي بيض الله وجيهكم
                        تم التعديل الأخير بواسطة حومل؛ 28-Jun-2008, 05:07 AM.

                        تعليق

                        • فتى بسيان
                          عضو نشيط
                          • Apr 2008
                          • 66

                          #13
                          السلام عليكم ورحمة الله وبركاته

                          [grade="00008B FF6347 008000 4B0082"]من لا يسوق المال فدوه لمرزوق ** في ذمتي مافيه نخوة عتيبي[/grade]


                          بعض الكلام نقص ..

                          الله يخلف على الهيلاء كان هذا الموضوع باقي ماحذف إلى الان ...

                          تعليق

                          العمل...