قصيدة الشاعر/ مقعد بن طلق العصيمي في مسابقة شيخة القصيد

طي
X
 
  • التوقيت
  • إظهار
مسح الكل
المشاركات الجديدة
  • ! محتميها !
    عضو ذهبي
    • Jun 2006
    • 368

    #1

    قصيدة الشاعر/ مقعد بن طلق العصيمي في مسابقة شيخة القصيد

    هذه قصيدة الشاعر/ مقعد بن طلق العصيمي في مسابقة (شيخه القصيد) في قناة الأماكن



    خوي الذيب




    مع طلوع الشمس من بعد الصلاه
    في محل(ن) مبعد(ن) به مخلوي

    بعد ليل(ن) ذيبه اجزعني عواه
    ملتقي ويّاه من هم(ن) قوي

    كيف جا لذيب هم(ن) في خلاه
    انشدك يا ذيب وش فيك اتعوي

    احسب(ن) الوحش بطبعه ما علاه
    لين خضت الليل بعواك اسروي

    طول ليلك منتحي فوق الحصاه
    فوق ضلع(ن) جاله بصوتك دوي

    لا قنبت أجاوبك بصوت آهـ
    كنّك ليّعويت كاويني كوي

    استمع شكواك من فوق النباه
    وخدي من دموع عيني مرتوي

    زاد هم(ن) في ضميري ملتجاه
    ساكن(ن) في جوف قلبي ملتوي

    وارد(ن) حوض المنيّه فالحياه
    في عواك شجون والموت ارهوي

    صبري من عواك وّصل منتهاه
    بيّح بهمّ(ن) بجوفي منطوي

    آهـ من همّ(ن) تصعّب في دواه
    منكوي منه الضميري ومستوي

    ما لقيت بخوّة العالم طراه
    مير يا ذيب الخلا خلّك خوي




    احترامي للجميع
  • راشد النفيعي

    رابطة محبي الهيلا

    • May 2012
    • 2339

    #2
    صح لسانك مدد بلا عدد

    تعليق

    • عبدالله المربوب العتيبي
      عضو نشيط
      • Mar 2015
      • 50

      #3
      * صح لسانك وعلا شانك
      أبدعت القصيدة جزله من شاعر جزل

      تقديري.

      تعليق

      العمل...