صوره من لقاء الشاعر الكبير غازي بن عون

طي
X
 
  • التوقيت
  • إظهار
مسح الكل
المشاركات الجديدة
  • فهيد مقعد الرويس
    شـــاعــر
    • Sep 2005
    • 2284

    #1

    صوره من لقاء الشاعر الكبير غازي بن عون

    [align=center]اخواني الاعزاء اعضاء وزوار منتديات الهيلا اليكم بعد السلام عليكم صوره من القاء الذي اجرينا ه مع الشاعر الكبير غازي بن عون بتكليف من ادراة منتديات وشبكة مصده



    في البدايه يابوعبدالله باسمي وبالنيابه عن ادراة واعضاء شبكة ومنتديات مصده نرحب بك



    ويسعدنا ويشرفنا تواجدك معنا



    الله يحييكم واناكذلك يسعدني ويشرفني تواجدي معكم



    قبل ان نتطرق لتجربة ابوعبدالله الشعريه ودنا نطرح عليك بعض الاسئله



    تفضل



    1-ابوعبدالله وش رايك في المسابقات الشعريه وهل خدمة الشعر




    المسابقات الشعريه فيهاعذروبين الاول التصويت وهذا الامر مايليق

    بالشعر لان الهدف ربحي بحت وعلى حساب الشعر منول لو بيجي واحد يقول انه بيضحك عليك وانت تدري قلت ماهو صحيح هالحين الناس ذولا يضحك عليهم وهم دارين وراضين وموقعين بالعشر يخسر الشاعر وقبيلته ملايين والمستفيده القناه وهو يمكن يعطى له مليون او اقل اويطلع خسران بعد

    ثانيا اللجان ماهيب على المستوى المطلوب الواجب تكون من فطاحلة الشعر اللي مشهود لهم لاقالو اللجنه فلان وفلان كلن يسكت حتى يبرون ذمتهم ويقنعون المتقدمين




    2-نرى شعراء قد يفوق مستواهم الشعري مستوا اللجنه ومع ذلك يتقدمون للمسابقات



    -الشاعر اللي له تاريخ طويل فالشعر ارى انه لايمثل امام لجنه قد تكون اعمارهم السنيه لاتعادل عمره الشعري




    3-هناك شعراء يتقدمون للجنه واذا ماخذو الدرجه اللي يطمحون لها اتجهو لسب اللجنه



    انا اقول ان الشاعر الذي يتقدم للجنه يرى انها لاترتقي لمستواه الشعري انه يرضى بالحكم ولايلوم الا نفسه ولايتجه لسب اللجنه التي ارتضاها من البدايه



    4-ابوعبدالله هناك مسابقة قائمه الان وهي مسابقة شاعر الملك حفظه الله سمعت انك ماتقدمت لها



    نعم كما ذكرت سابقاً ماعندي استعداد بعد تاريخي الشعري الطويل ان اجازف وامثل امام لجنه بعضهم ماعرفناه ولاسمعنا به من قبل هذه المسابقه ولو فاللجنه امثال عبدالله بن عون والارشيد الزلامي والاامثالهم تقدم الواحد وهو راضي ولاعنده اشكاليه والاالمسابقه باسم شخصيه نكن له الحب والولا ويتشرف الشاعر بالمشاركه فيها اضف اللي ذلك الجوايز القيمه التي اعدة للمسابقه

    وانا قصايدي في الملك حفظه الله كثيره وقلت فيه بعد عودته وقبل الاعلان عن المسابقه لان الشاعر في مثل هذه المواقف لايحتاج اللي مسابقه لكي يعبر عن شعوره اتجاه مليكه ووطنه




    -تم الاعلان عن اعضاء اللجنه النهائيه لمسابقة شاعر الملك وهم كلن من

    1-د/محمدمريسي الحارثي 2-د/جريدي المنصوري العتيبي3-د/ سعود الصاعدي4-الاعلامي والشاعرفهد عافت 5-الاعلامي علي المسعودي

    ماذا تعرف عن هذه الاسماء




    والله بالنسبه لثلاثه الدكاتره اول مره اسمع فيهم واما بالنسبه لفهد عافت فهو حداثي وانا ضد الحداثه واما الاعلامي علي المسعودي فهو ليس شاعر وانا اقول الشعر لاينقده الاشاعر





    ننتقل يابوعبدالله للحداثه



    1-هل الشاعر المتمكن يستطيع ان يفهم مايريده شاعر الحداثه



    والله الشعر ديوان العرب ويسمى بسحر البيان يعني يكون واضح وكلمة بيان يعاكسها شعر الحداثه اللي هو طلاسم ورمزيه غير مفهومه وقديكون الشاعر نفسه لايفهم مايقول وانما يعقد بعض الكلمات لكي يوهم المتلقي العادي ان عندي رمزيه واني شاعر وانا سبق اني قلت ابيات في هذا الموضوع من ضمن قصيده مساجله بيني وبين الشاعر فيصل الرياحي الله يرحمه اقول فيها



    [poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]

    شباب هملوا مورثهم في عالم النسيان=وجونا بالحداثه والخرافات الاوربيه

    مشو مع قافلة نازك ومع نزار بن قبان=وخذوا من منهج اندونيس معلومات غربيه

    ورجلٍ يذكر التافه وينسى الماضي اللي كان=يابا ينسى العوايد والتقاليد العربيه

    عجز يشرف مشاريف الحرار الشقر والعقبان=ونزل بالمنزل اللي تنزله بومه وحنديه

    وانا ماعاتب اللي يرغب التجديد من شبان=ليا جت صورة التجديد مقبوله ومرضيه

    فلا مانع من التجديد مع تطور الانسان=ولاتهمل علامة جودة الموروث الاصليه

    [/poem]



    2-كلمه توجها يابوعبدالله لشعراء المبتدئين واللي مازالو متمسكين بشعر الاصاله



    اؤايدهم على الشي هذا وانصحهم بعدم الانجراف مع تيار الحداثه لان شعرالاصاله هو اللي مرتبط بالدين وبالشيم وبالتقاليد لان بعض الشعر اللي انا اشوفه الان لايخلا من الميوعه واشياء لاتتماشى مع دينا ولاسلومنا




    ننتقل الي تجربة غازي بن عون الشعريه



    1-كم كان عمر غازي بن عون عندما كتب الشعر



    والله كان 16او17 في هالحدود




    2-كم يقضي الشاعر من العمر حتى ينضج شعريا او انها تختلف من شاعر اللي اخر




    الشاعر بداياته ماتكون على المطلوب وعندما يستمر في قول الشعر وممارسته ومجالسة الشعراء يتزود ويرتقي شعره الى مراتب الجزاله ويبي له وقت حتى ينضج شعريا




    2-بحكم تجربتك هل الشاعر كل مازاد عمره تزداد غزارة شعره ام انه يصل لعمر محدد ويتوقف



    ابداً كل عام يمر على الشاعر يزداد غزاره وتبين له امور كان يجهلها في السنه السابقه




    3-كيف يطور الشاعر المبتدي موهبته




    بالاطلاع ومجالسة الشعار كما ذكرت سابقا وقراءة دواوين الشعراء القداما والشعر الجزل ويقراء الشعر الفصيح وكتب الادب ليزود ثقافته




    4-ابوعبدالله المساجلات بينك وبين الشعار كثيره ولكن هل جرى بينك وبين الشاعر الكبير كديميس العصيمي مساجله او الشاعر الكبير عبدالله بن زويبن الحربي




    الشاعر كديميس عموما مقل من المساجلات وهو شاعر كبيروكفو والله لكن ماسبق انه وجه لي شي وانا ماوجهت له كذلك شي

    والشاعر عبدالله بن زويبن كذلك شاعركبيرومتمكن ولكن ماحصل بيني وبينه مساجله واناجاريته في قصيدته اللي منها هذا البيت لوكل كلمه الياجتنا طردناها=بعنا الثمين بسعرٍ مايخارجها

    ولكن على قافيه ثانيه ولاتحضرني والله الان




    5-الدواوين يابوعبدالله سواءً المقرؤه او الصوتيه



    والله انا صدرلي ديوان مقرؤ عام1417

    وفيه ديوان الان انا فى صدد اصداره ان شألله

    ولي دواوين صوتيه واحد مشترك في صوت من الصحراء والثاني شريط خاص صوت من الصحراء ايضاً والثالث عيون الشعر والرابع نفح الخزامى مانزل في الاسواق الاقبل ثلاث شهور تقريباَ
    [/align]





    [align=center]طيب الان يابوعبدالله نبيك تختار لناقصيده [/align]
    [poem=font="Simplified Arabic,5,black,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black"]





    العبد اله من عالم الغيب ميلاد =ويقضي بدنياه الخضروالعجافي

    ولو عاش عمرشعيب فيها ولو ساد =مادامت لغيره نعيم وعوافي

    ولافرق من بين الموالي والاسياد =من حل يرحل بانتهاي المطافي

    له ساعةٍ فاللوح خطة وميعاد =وله مدةٍ يعيش فيها وتافي

    لقاف قدامه وقافيه طراد =ولاله مفر ولو تحذر وخافي

    ان كان ما صاده مع الدرب صياد =يشده اللي يطرده من خلافي

    احدا ً من التقوى والامجاد يزداد =وبطيب الاعمال يملا الصحافي

    يبا اليا نودي على روس الاشهاد =يعطى كتاب في يمينه يشافي

    والاي من اودية الجهل هام في واد =وقلبه عليه من المعاصي غلافي

    لا جمعت ارواح البرايا والاجساد =عض الابهوم من الندم والا شافي

    وعرش المعالي فالعباده والامجاد =ما ياصله راع العزوم الضعافي

    ومراتب الطاعه تبي صبر وجهاد =وتباالجنوب عن المضاجع تجافي

    وممش ٍ بسلم ورثوه النا الاجداد =ما فيه مع هدي الشريعه تنافي

    سلوم مجد عقبوها للاحفاد =كرم وشيمه والتحام وتصافي

    وياالي حياتك كلها لهو ورقاد =وعن منهج الاسلاف فيك انحرافي

    وشلون تقضي ايامك افراح واعياد =والشق مايرفاه بالسلك رافي

    القدس محتله وكابل وبغداد =والله هو اعلم وش عليهن يضافي

    والوقت قامت تعترك فيه الاضداد =جميع عاقل شاف منه اختلافي

    وكثرت به انواع المعاصي والافساد =وتتابعت فيه المحن يامجافي

    وتغيرت فيه المخايل والانواد =والجو كتم عقب ماهوب صافي

    وتمض السنه ماحن فالمزن رعاد =والبر مجدب والمواشي هجافي

    والزرع كنه باديا ً فيه حصاد =من الجفاف ومن لهيب الهيافي

    وجميع عدٍ كان للناس ميراد =نضبت جمامه عقب طول الجفافي

    واهل العقول الراجحه واهل الارشاد =بقلوبهم من مايرون ارتجافي

    واللي بغار جسم بلا عقل وفواد =كنه عن اللي صار فالنوم غافي

    مايعتبر من قوم صالح ومن عاد =وامثالهم من كل مذنب وجافي

    وبنصح اخواني حكومات وافراد =بتقوى الذي خيره على الناس ضافي

    وانا اكبر مقصر من الحضر والباد =واشهد بتقصيري واحط اعترافي

    قدمي مسافات ومفازات وانجاد =مع جرهدٍ مقفر من الناس عافي

    يامصعب الرحله ويامطول الماد =والحمل باهض والمزاهب خفافي

    يارب جيتك لامطيه ولازاد = جيعان مذنب درك عريان حافي

    جيت بخطايا مالها الا انت عداد =تعلم بها ياعالم باالخوافي

    وجميع ماحشته بدنياي مافاد =جيتك منه فرد وتركته خلافي

    مافاد مال ولاجماعه ولا اولاد =نهار فرقا الشمل بين الولافي

    من عقب مد الشوف مع بيض الاجراد =ومن عقب ممش ٍ في وساع الفيافي

    وبعد القصور اللي تفرش بسجاد = وفرش منعمتٍ ولحفٍ رهافي

    امسي بقبرا ً مظلما ً بين الالحاد =ارضه فراش ٍ لي وطينه الحافي

    مير ارجي اللي له براياه سجاد =ومن التجوا به ماعليهم اخلافي

    وصلوا على الهادي عدد رمل الانفاد =وعداد من حج وسعا عقب طافي[/poem]
    [align=center]

    [align=center]
    ابوعبدالله قلت قصيده في عودة خادم الحرمين[/align]



    نعم قلت هذه القصيده
    [/align]





    [align=center]http://www.youtube.com/watch?v=QmJn4...layer_embedded[/align]





    [align=center]
    سمعنا من الجدايد يابوعبدالله[/align]





    [align=center]ابشر هذي قصيده وجهها لي الشاعر سعيد بن عايض النفيعي ورديت عليه[/align]



    [align=center] http://www.youtube.com/watch?v=Bhb-S...layer_embedded[/align]



    [align=center]
    صح لسانك ولسانه[/align]


    [align=center]
    ابوعبدالله نبي نطلع من موضوع الشعر الى هواية الصيد[/align]


    [align=center]
    ماذا تعني لك هذه الهوايه
    [/align]


    [align=center]انا من صغري وانا متولع في الصيد لان الوالد الله يرحمه صقار ويحب المقناص ومن يوم طلعت وانا امارس هذه الهوايه المحببه[/align]



    [align=center]الي الان يابوعبدالله وانت تنقل الطير[/align]




    [align=center]لاوالله الان ماعندي طيور وانقد حتى على اللي ينقله لانه يستاثم فيه بدون فايده



    عدا الرجال اللي يستطيع المقناص خارج المملكه فهذا شي ثاني[/align]



    [align=center]


    مجري القاء اخوكم فهيد بن مقعد الرويس

    واراءكم هنا تهمني بلاشك

    ولكم اطيب تحيه واجل تقدير[/align]
  • عزارم

    رابطة محبي الهيلا

    • Dec 2010
    • 2691

    #2
    «®°·.¸.•°°·.¸¸.•°°·.¸.•°®»السلام عليكم ورحمة الله وبركاته«®°·.¸.•°°·.¸¸.•°°·.¸.•°®»

    بيض الله وجهك وصح لسان الشاعر الكبير غازي بن دخيل الله بن عون

    تقبلوا خالص تحياتي

    تعليق

    • فهد علي العازمي
      شــــاعــر
      • Oct 2005
      • 3683

      #3
      لاهنت

      على اللقاء

      وعلى الضيف العلم

      تعليق

      • فهيد مقعد الرويس
        شـــاعــر
        • Sep 2005
        • 2284

        #4
        تم النشر في الأصل بواسطة عزارم عرض المشاركة
        «®°·.¸.•°°·.¸¸.•°°·.¸.•°®»السلام عليكم ورحمة الله وبركاته«®°·.¸.•°°·.¸¸.•°°·.¸.•°®»

        بيض الله وجهك وصح لسان الشاعر الكبير غازي بن دخيل الله بن عون

        تقبلوا خالص تحياتي
        [align=center]وجهك ابيض وصح بدنك بالنيابه

        ولاهنت على التواجد

        تحيتي وتقديري[/align]

        تعليق

        • فهيد مقعد الرويس
          شـــاعــر
          • Sep 2005
          • 2284

          #5
          تم النشر في الأصل بواسطة فهد علي العازمي عرض المشاركة
          لاهنت

          على اللقاء

          وعلى الضيف العلم
          [align=center]
          ولاهنت على التواجد

          يابوعلي

          تحيتي وتقديري[/align]

          تعليق

          • فهد العازمي العتيبي

            مشرف ديار واخبار القبيله

            • Mar 2003
            • 5407

            #6
            ..


            شاعر كبير ومعروف

            ولاهنتم على اللقاء ،،،
            للتواصل على تويتر

            https://twitter.com/falotaibi5115


            ،،

            تعليق

            • عـاشـق الحقـيـقـة
              فارس نجد المجد
              • Jul 2009
              • 1652

              #7
              تم النشر في الأصل بواسطة فهيد الرويس عرض المشاركة
              [align=center][poem=font="simplified arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]

              شباب هملوا مورثهم في عالم النسيان=وجونا بالحداثه والخرافات الاوربيه

              مشو مع قافلة نازك ومع نزار بن قبان=وخذوا من منهج اندونيس معلومات غربيه

              ورجلٍ يذكر التافه وينسى الماضي اللي كان=يابا ينسى العوايد والتقاليد العربيه

              عجز يشرف مشاريف الحرار الشقر والعقبان=ونزل بالمنزل اللي تنزله بومه وحنديه

              وانا ماعاتب اللي يرغب التجديد من شبان=ليا جت صورة التجديد مقبوله ومرضيه

              فلا مانع من التجديد مع تطور الانسان=ولاتهمل علامة جودة الموروث الاصليه

              [/poem]

              [/align]

              جميل جميل ما قال ، وهو الصواب من مواقع الحال !


              ولقاء طيّب مع رجل طيّب جاء به رجل طيّب .

              فشكرًا عطرًا .
              [align=center]الآراء كثيرة مُتباينة .. وتبقى الحقيقة واحدة .. تراها العين التى ترَى بالعقل من منظار النقل و الهُدى ، لا العين التي ترَى من منظار الفِسق والهَوى !؟


              .
              .
              [/align]
              [align=center] [/align][align=center]
              * تسعدني زيارتك ؛ فأهلاً وسهلاً بك :
              http://aashiqalhaqiqah1.maktoobblog.com/[/align]

              تعليق

              • فهيد مقعد الرويس
                شـــاعــر
                • Sep 2005
                • 2284

                #8
                تم النشر في الأصل بواسطة فهد العازمي العتيبي عرض المشاركة
                ..


                شاعر كبير ومعروف

                ولاهنتم على اللقاء ،،،
                [align=center]
                ولاهنت على التواجد

                يافهد

                تحيتي وتقديري[/align]

                تعليق

                • فهيد مقعد الرويس
                  شـــاعــر
                  • Sep 2005
                  • 2284

                  #9
                  تم النشر في الأصل بواسطة عـاشـق الحقـيـقـة عرض المشاركة
                  جميل جميل ما قال ، وهو الصواب من مواقع الحال !


                  ولقاء طيّب مع رجل طيّب جاء به رجل طيّب .

                  فشكرًا عطرًا .
                  [align=center]
                  وانت من اهل الطيب

                  والاجمل تواجدك لاهنت

                  ياعاشق الحقيقه

                  تحيتي وتقديري[/align]

                  تعليق

                  • محمد بن غازي
                    مشرف عــام
                    • Jun 2005
                    • 5252

                    #10
                    ماقصرت يافهيد وبيض الله وجهك على هاللقاء المميز

                    مع الهامه الشعريه غازي بن عون اطال الله عمره ....

                    تعليق

                    • فهيد مقعد الرويس
                      شـــاعــر
                      • Sep 2005
                      • 2284

                      #11
                      تم النشر في الأصل بواسطة محمد بن غازي عرض المشاركة
                      ماقصرت يافهيد وبيض الله وجهك على هاللقاء المميز

                      مع الهامه الشعريه غازي بن عون اطال الله عمره ....
                      [align=center]وجهك ابيض

                      يابوغازي

                      والتميز يكمن في تواجدك لاهنت

                      تحيتي وتقديري[/align]

                      تعليق

                      • بن رفااع
                        عضو فعال
                        • Aug 2010
                        • 152

                        #12
                        [align=center]لقاء ممتع وجميل جداً
                        والله يعطيكم الف عافيه[/align]

                        تعليق

                        • فهيد مقعد الرويس
                          شـــاعــر
                          • Sep 2005
                          • 2284

                          #13
                          تم النشر في الأصل بواسطة بن رفااع عرض المشاركة
                          [align=center]لقاء ممتع وجميل جداً
                          والله يعطيكم الف عافيه[/align]
                          [align=center]
                          الاجمل تواجدك

                          يابن رفاع لاهنت

                          تحيتي وتقديري[/align]

                          تعليق

                          • وسيع البنايد 11
                            عضو
                            • Jul 2011
                            • 20

                            #14
                            بيض الله وجهك انت وياه

                            غازي شاعر معروف ومحترم وخلوق ولا يستغرب عليه

                            تعليق

                            • متعب الند
                              عضو ماسي
                              • May 2011
                              • 643

                              #15
                              بيض الله وجهك...............................وصح السان الشاعر الكبير...



                              ابو عبدالله ...............محسوباً على الساحه الشعريه ................

                              تعليق

                              العمل...