(نداء لقبيلة عتيبه الهيلا )ارجو الدخول من الجميع

طي
X
 
  • التوقيت
  • إظهار
مسح الكل
المشاركات الجديدة
  • ابوبندرالشيباني
    عضو فعال
    • Mar 2007
    • 102

    #1

    (نداء لقبيلة عتيبه الهيلا )ارجو الدخول من الجميع

    مساكم الله بالخير جميعا ... وبعد

    هذه بعض الابيات موجهه لقبيلة عتيبه للوقوف مع الشاعر رايد بن عبدالرحمن الشيباني

    احد ابناء القبيله في شاعر المليون لكي يتاهل لدور الثاني ان شالله

    وهذا النداء الاول من الشاعر سلطان بن نايف بن عويد الشيباني

    [poem=font="simplified arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
    تكفون ياعتيبه ترى الموقف صعيب=لازم نفك الباب لو كان كايد
    انتم هل الوقفات وانتم هل الطيب =زيدو من التصويت لعيون رايد [/poem]


    وهذا النداء الثاني من الشاعر بندر بن تركي بن هليل الشيباني

    [poem=font="simplified arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
    كل القبيلـه للنـدا لازم تجيـب=عتيبه هل النخوات واهل العوايد
    تبذل لرايدكـل مايملـك الجيـب=ومن لاوقف معنا فلاهوب فايـد
    رايد قصيده للنشامـى تعاجيـب=يرسم لنا كل الـدروب الجدايـد
    ومعنا يبا ياقف خيار الاصاحيب=اهـل الجزيـره والديارالبعايـد
    ورايد بدار اهل السخا والمواجيب=في دارنـا دارالسخـا دارزايـد
    داراً تذري عن سموم اللواهيـب=يفرح بها المظهود عند الشدايـد [/poem]

    هذا واطلب من الاخوان في الاداره تثبيت الموضوع

    ووضع( بنر) للتصويت للشاعر رايد وهذا اقل واجب تقدمونه لابن القبيله

    وتقبلو تحياتي اخوكم ابو بندر
  • ولدعساف

    مشرف سابق

    • Sep 2008
    • 4749

    #2
    اخوي أبو بندر رايد ابن عمنا ويبشر بماطلب لكن تصويت لشاعر المليون لا ..لا ..لا..لا يكفي ماحصل لعتيبه في النسخه الأولى و ضحك نشوى الرويني على أبنا القبائل لكن اليوم نقول لرايد الله يوفقك و أتمنى لكل شعار عتيبه التوفيق.
    [flash=http://assa97.jeeran.com/azzoz.swf]WIDTH=450 HEIGHT=350[/flash]




    قال أبوبكر الصديق - رضي الله عنه -
    ( الموت أهون مما بعده، و أشدّ مما قبله )



    حسبي الله ونعم الوكيل

    كتبت وقد أيقنت يوم كتابتي .. بأن يدي تفنى ويبقى كتابها
    فإن كتبت خيراً ستجزى بمثله .. وإن كتبت شرا عليها حسابها

    تعليق

    • ابن صنهوت

      رابطة محبي الهيلا

      • May 2008
      • 1734

      #3
      ندا لعتيبه الهيلا على ويش ؟؟؟؟

      تنخانا على نشوى الرويني قلوبكم للحين ما قامت انتم متى تبى تصحون من اللي انتم فيهم

      اذا رايد يبى فزعة مشعاب حنا معه !!

      اذا رايد يبى فلوس عليه دين والا معسور انخنى وحنا معه!!

      اذا رايد عليه ميله من احد حنا معه !!

      اما على شاعر المليون يخوي استحوا عتيبه لهم هيبه ونداهم ونخوتهم على الكايد ماهوب على برنامج حثاله فكرته من نشوى وقايد ربانته المنافق حمد السعيد واستاذه العميمي وبروفوسوره غسان

      هذا ينخى عليه عتيبه ؟؟؟؟
      الله يوفق رايد شارك وطلع اعلاميا اما تصويت فلا لا لا لا ولا احد يصوت

      تعليق

      • خلف الروقي

        رابطة محبي الهيلا

        • Jun 2009
        • 6080

        #4
        ندا لعتيبه الهيلا على ويش تنادي يامال الشحم


        بطلنا شاعر المليون من زمان


        يكفي ظلم يوسف يامال الشحم


        والله يوفق رايد وفاله البيرق


        اما التصويت اسمح لنا يالغلا خلاص يكفي ....

        تعليق

        • ابو محمد الدعجاني
          عضو مميـــز
          • Aug 2008
          • 3759

          #5
          تم النشر في الأصل بواسطة ابن صنهوت عرض المشاركة
          ندا لعتيبه الهيلا على ويش ؟؟؟؟

          تنخانا على نشوى الرويني قلوبكم للحين ما قامت انتم متى تبى تصحون من اللي انتم فيهم

          اذا رايد يبى فزعة مشعاب حنا معه !!

          اذا رايد يبى فلوس عليه دين والا معسور انخنى وحنا معه!!

          اذا رايد عليه ميله من احد حنا معه !!

          اما على شاعر المليون يخوي استحوا عتيبه لهم هيبه ونداهم ونخوتهم على الكايد ماهوب على برنامج حثاله فكرته من نشوى وقايد ربانته المنافق حمد السعيد واستاذه العميمي وبروفوسوره غسان

          هذا ينخى عليه عتيبه ؟؟؟؟
          الله يوفق رايد شارك وطلع اعلاميا اما تصويت فلا لا لا لا ولا احد يصوت

          الله يبيض وجهك يابن صنهوت والله مايقول هالكلام الا اللي ينصح من قلب صافي .


          اخوي ابوبندر الله يوفق الشاعر رايد في البرنامج ولا ني قايل عقب قول اخونا بن صنهوت كفا ووفا.

          تعليق

          • ابوبندرالشيباني
            عضو فعال
            • Mar 2007
            • 102

            #6
            حنا املنا في ابناء عمومتنا كبير

            واذا كان يصعب عليهم القيام في الصغاير فالمواضيع الكبيره الله يبطيبها

            ومن لا قام في الصغير يمكن يصعب عليه القيام في الكبير

            والموضوع مجرد تذكير للتصويت للشاعر رايد لمن اراد اما اللذي لايريد

            وعنده رائي ضد البرنامج فياليت يفتح موضوع ثاني ويبدي رايه

            تعليق

            • مرزوق حمدان العتيبي
              مشـرف عام
              • Nov 2003
              • 20403

              #7
              ..

              عز الله ان رايد وقف وقوف مشرف .. وابدع ... ابداع حقيقي

              عسى الله يوفقه .. وبقية ابناء القبيله ... وكل مسلم ..
              فاله البيرق ان شاء الله ....
              [align=center]
              [poem=font="Simplified Arabic,5,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
              فدوة ٍ للمصطفى روحي وماتملك يميني = كيف (لا) واللي خلقني حط حبه في كياني
              حط حبه في كياني ماتغيّره السنيني = وانثني من دون عرضه بالذراع وباللساني[/poem]







              @Marzouq_MHD
              [/align]

              تعليق

              • محمد بن غازي
                مشرف عــام
                • Jun 2005
                • 5252

                #8
                بالتوفيق لأبناء القبيله في جميع المحافل ....

                تعليق

                • الشيباني 2000
                  عضو فضي
                  • Sep 2007
                  • 241

                  #9
                  يبشررررررر بعزه الرصيد مفتوووح له وفاله البيرق

                  تعليق

                  • ابن صنهوت

                    رابطة محبي الهيلا

                    • May 2008
                    • 1734

                    #10
                    تم النشر في الأصل بواسطة ابوبندرالشيباني عرض المشاركة
                    حنا املنا في ابناء عمومتنا كبير

                    واذا كان يصعب عليهم القيام في الصغاير فالمواضيع الكبيره الله يبطيبها

                    ومن لا قام في الصغير يمكن يصعب عليه القيام في الكبير

                    والموضوع مجرد تذكير للتصويت للشاعر رايد لمن اراد اما اللذي لايريد

                    وعنده رائي ضد البرنامج فياليت يفتح موضوع ثاني ويبدي رايه

                    ابو بندر الوقفه حنا اهلها ولكن السؤال خصمي من عشان تنخاني واقف وشلون افزع وخصمي برنامج ساذج خالي من المصداقيه ؟؟؟؟؟؟؟
                    وش نفعنا يوسف ابه راحت فلوسنا ولا حسبت ليوسف يعني صرنا مضحكه للمزروعي ونشوى

                    وين خالد وكذلك ابن محيا وغيرهم !!!!1

                    حنا مع بني عمنا اذا كان فيه خصم بين اما اذا كذا انا من وجهة نضري الخاصه اعتبرنا مستهطفين

                    ونحن لا نرضا هذا !!
                    رايد الله يوفقه يبي الشهره وطلع فالبرنامج اما البيرق ان شاء الله ياخذه ولكن البيرق لا يعتمد على التصويت والشاعريه بل على راي اللجنه وما يشتهون
                    لانه خذوا الفلوس ولاعاد ايهمهم يعطونه اللي هم صافطينه له
                    انا ماقلت هالكلام الا من حبي الكم وحرصي عليكم مبيكم يستغلونكم هالحثاله بدافع حمياكم ونخوتكم وترابطكم واللي تبيه يابو بندر مني ابشربه اما التصويت لوبينفع رايد صوتنا ولكن دربه درب يوسف

                    تعليق

                    • المشيط
                      عضو
                      • Mar 2009
                      • 18

                      #11
                      ياجماعةلاتصوتون ورسالتي لخوي كاتب الموضوع رسالتي مابني على باطل فهو باطل وهذي البرامج ضحك على الضعوف

                      تعليق

                      • هيلاوي شقاوي
                        ضيف
                        • Apr 2008
                        • 530

                        #12
                        جاك الجواب من اللي قبلي ياولد مشيب

                        تصويت ماحنا بمصوتين ومالنا لزوم في فوزه ولا خروجه

                        تعليق

                        • احمد منير الواصل
                          عضو ماسي
                          • Mar 2009
                          • 945

                          #13
                          ابشر والله نصوت باللي نقدرعليه ولاهو خساره

                          تعليق

                          • شمروخ ابن عايد
                            موقوف لمخالفة الأنظمة
                            • Nov 2009
                            • 417

                            #14
                            ياكبر حظ نشوى , بمثل هالناس .

                            تعليق

                            • فهد العازمي العتيبي

                              مشرف ديار واخبار القبيله

                              • Mar 2003
                              • 5407

                              #15
                              خذوها مني ... تصوتون وإلا ماتصوتون

                              رائد الشيباني ... طالع طالع من الدور الاول ...

                              حتى لو جاه تصويت بمليار الريالاااات ...

                              لان سياسة البرنامج قائمة على الواسطات والمجاملات

                              واي شاعر يجيه تصويت عالي ... ولكن مهب داخل مزاجهم ...

                              اخذوا الفلوس اللي وراه ... ومسكوه الباب ...

                              يعني الدعوه .. نفخ في قربه مشقوقه ...

                              في برنامج فاقد للمصداقيه والعدل ...
                              للتواصل على تويتر

                              https://twitter.com/falotaibi5115


                              ،،

                              تعليق

                              العمل...