يازين وقتن فات ماهوب هالحين

طي
X
 
  • التوقيت
  • إظهار
مسح الكل
المشاركات الجديدة
  • السلمي العدناني
    عضو فضي
    • Sep 2007
    • 240

    #1

    يازين وقتن فات ماهوب هالحين

    يا زين وقتن فات ما هوب هالحين

    يـوم النوايـا كلهـن صافياتـي


    و الحقد ما يوجد و دايم سعيديـن

    ونفوسنا سمحـة وسكـر نباتـي


    و بيوتنا ونسه و لا به شياطيـن

    ما يدخله صـورة ولا منكراتـي


    و يطرد ظلام الليل عنا سراجيـن

    و أحيان يقضي قازهن طافياتـي


    مشروبنا صافي من الزير ولبيـن

    ماهوب مستورد سريـع الفواتـي


    ما صنعوه الغرب يا فالهم شيـن

    مابه مواد الحفـظ و مسرطناتـي


    وعشينا مرقوق بيـن العشاويـن

    تحطه أمي قبل وقـت الصلاتـي


    لقمة هنيه طيبـه طعمهـا زيـن

    تحوفهـا بيدينهـا الطاهـراتـي


    ثمن ننام إلـى قضينـا مصليـن

    بعد العشاء كلـن يريـد المباتـي


    و أمي تنومنا بزيـن السباحيـن


    سوالفـن مـن عندهـا طيباتـي

    ننام من بدري ونصحى نشيطيـن

    بعد الشروق أشغالنـا جاهزاتـي

    ما به كسل لأشغالنـا مستعديـن

    ما عندنا سايـق و لا خادماتـي

    نلبس بيوم العيد ثـوب السباهيـن

    و أم تحنينـا نمـاري البنـاتـي

    مقيالنـا بمجببـن بيـن بابـيـن

    فيه الهواء يطرق جميع الجهاتـي

    نشب نـارن بالشتـاء و متدفيـن

    مـا فيـه دفايـات و مكيفاتـي


    يجي المطر و ثيابنا تنتلي طيـن

    و نلعب جميع عيالنـا و البناتـي


    يصب مثعبنا ونملـى المواعيـن

    يا حلو ذاك الماء و ذيك الحياتـي


    ماهي حياة الحين ياشين هالحيـن

    كله غثـاء وهمومنـا كاثراتـي


    كلش يجي لك لو بكلمـه تناديـن

    كلش توفر بـس مابـه حلاتـي


    صلاة ربي عد ما ترفـع يديـن

    على محمد صاحـب المعجزاتـي


    قصيدة أعجبتني ونقلتها وإن شاء تكون أعجبتكم صراحة ودتني عالم ثاني ياليته يعود
  • نجر بن هاجد
    موقوف لمخالفة الأنظمة
    • Oct 2007
    • 1701

    #2
    صح لسان قايلها ولاهنت يالذيب وبيض الله وجهك

    تعليق

    • عبدالله الجـــذع
      مشرف منتدى قصه وقصيده
      • Sep 2007
      • 8093

      #3
      والله ان ذوقك نادر وحلو يالغالي..

      قصيده قمه قمه قمه ..

      الله لايهينك يالغالي..

      محبك

      ,
      قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) .


      .
      قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم !
      فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه )

      .

      موقع يضم جميع القراء


      هنا

      تعليق

      • عبدالرحمن الهيلوم
        عضو
        • Apr 2007
        • 21232

        #4
        مشكور يالغالي
        الان قمنا نشوف العدناني والقحطاني !!!
        الله اكبر
        هل ستاتي عصور الجاهليه ونعراتها القبليه مرة اخرري !!

        اكرمكم عند الله اتقاكم ياسلمي
        يالله تصلح شان امة محمد

        تعليق

        • ساري 3
          عضو فعال
          • Dec 2006
          • 111

          #5
          صح لسان قايلها قصيدة فيها تحسر على مامضى

          ولاهنت يالسلمي العدناني

          تعليق

          • سفر الاسعدي
            عضو ماسي
            • Jan 2008
            • 513

            #6
            بارك الله فيك

            تعليق

            • /عبد العزيز الجذع/

              رابطة محبي الهيلا

              • Apr 2008
              • 7289

              #7
              صح لسان قايلها وناقلها..

              تعليق

              العمل...