مصطلحات وكلمات قبيلة عــنــزة الوايليه

طي
X
 
  • التوقيت
  • إظهار
مسح الكل
المشاركات الجديدة
  • ابن وايل العنزي
    عضو فعال
    • Aug 2007
    • 108

    #1

    مصطلحات وكلمات قبيلة عــنــزة الوايليه

    [align=center]السلام عيكم ورحمة الله وبركاته[/align]
    انقل لكم موضوع يوضح بعض وليس كل معاني كلمات او لهجة او هرج قبيلة عـنـزة في

    شمال نـجـد و منطقة الحجاز و شمال المملكه او خارجها .

    مع مراعاةأن هناك كلمات لا تقولها او تنطقها جميع قبايل عـنـزة يعني فيه

    قبيله تقول هذه الكلمات في حديثها او كلامها وفيه قبيله ثانيه من عـنـزة

    مايقولونها بس لها مرادف او كلمه أخرى تقال تدل على نفس المعنى.

    ولكم اخواني ان تشاركوني اذا هناك تشابه بالكلمات مع قبيلتك انت بأن

    توضحها او لك اي ملاحظه فاذكرها
    .

    وأخيرا هذه الكلمات ومعانيها وهناك الكثير لم اذكره.



    خثرود او يخثرد= الثرثار او يثرثر.

    يآكل الرقع أو عـفـن = خبل

    ياملا الماحي = دعوه على الشخص بالموت

    ياملا الذهاب = دعوه على الشخص او الحلال بالنفوق

    يامال الصمخ = دعاء بعدم السمع

    مـطـمـٌه = فعل شيء سيء كبير

    وش لونك = الرد:زان لونك أو مايشين لونك

    عسى ماشر = الرد: مايجيك الشر

    وش العلوم = الرد: ستر الله يدوم

    هـيٌـف = أي ذهب

    تـعـدّ يا فلان = تقدم إلى صدر المجلس

    أمسيت مقوي = نمت بدون عشاء

    تـفـطٌـن = تـذكر او يتذكر

    الشفره - الخوصه-السكين = السكين

    القرنه = الزاوية

    ازلهه = اتركه لاتكلمه

    وين معشاكم = وين وصلتوا( لأهل الحلال)

    من لفاكم = من هو ضيفكم

    يجغم= يشرب والشربه يقال لها جغمه ما يملأ الفم من الماء

    طـخٌـه = شربه كله

    هـنّـْهم = إذا دخل على جماعة وهم يتناولون الطعام الرد " أنت منهم "

    الجـمـريه -قرص =خبز اوعجين يدفن بالجمر او المليليه حتى ينضج ومن ثم يؤكل بعد تنفيضه من الرماد.

    المليله = التراب اللي تحت النار

    البعيله = مرق اللحم مخلوط مع اللبن

    الشنـيـنه =لبن مع قليل من الماء

    الفصيده = حليب مع لبن

    اللباء =حليب أنثى الماشية بعد الولادة يوضع على النار

    القشدة = زبد الضان أو الماعز يوضع على النار ويضاف إليه الطحين وناتج الدقيق مع الزبد يسمى القشدة .

    البقل أو الأقط أو المضير = لبن يوضع على النار إلى أن يصير اللبن ثقيل ومن ثم يوضع على شكل أقراص توضع في الشمس حتى تجف.

    الـعٍـكـه = وعاء من الجلد يحفظ فيه السمن

    هذا الفال ويقفاه العقال = تقال للضيف اللي يناول أو يقدم له الطعام الموجود قبل القيام بواجب الضيافة الذي يستحقه

    الصميل = وعاء من الجلد يحفظ فيه الماء أو اللبن

    البهم =صغار الغنم


    المعاميل =أدوات تحضير القهوة والشاي

    المشب =مكان إيقاد النار

    الجمى =ما يعلو الفم (الفك العلوي للفم )



    الرباب او الـرٌب = مستخلص التمر ويشبه العسل.


    الشماله=قطعة من القماش توضع على ضرع أنثى الماشية والإبل وغيره.

    الزهاب = الأكل والمستلزمات للمسافر او اللي بيكشت او الراعي.

    الطرقي = المسافر

    راس الـريـع = نهاية الوادي أو الشعيب ويطل على وادي آخر او شعيب آخر

    نيشان= وهو ما يوضع من علامه يتم الرمي عليها

    الواسط =العمود الأوسط في بيت الشعر

    سحٌـاره= صندوق توضع به الملابس

    الفاطر = الناقة الكبيرة في السن

    ما يـصـخـي بالريال =تطلق على الشخص البخيل

    مايصب الماء = تطلق على الشخص البخيل

    مابيه ماأبغاه = لا أريده.

    عساك ماتـثـنـي = دعوه على الشخص بعدم رجوعه

    مهفوف أو مطفوق = تطلق على المتسرع في أرائه وتصرفاته الخاطئة

    بصرك يا فلان = عند الاستشاره وعلى رأيك

    دنفوسي أو بايه = دلاله على سوء وفساد تصرفات وحركات الشخص

    عوذه = استعاذه من شيء يكرهه من تصرف إنسان او حيوان.

    باير = اللي كبير سن وماتزوج ويقال للبنت بايره

    فداوي = عزوبي

    عقور = تطلق على الكلب غير الأليف

    لك ولا للذيب = وهي تستخدم عندما يلجأ شخص لآخر (يعني ينتخي به ) " للنخوة أيضاً"

    من جيلي أو (سـنـنا) = يعني أنا وهو في سن واحد أو مولودين في سنة واحدة

    كذيا أو هاللون = يعني كذا

    طس أو اذلف أو تقلع= بمعنى اذهب عن وجهي لاأشوفك

    طب الفيضه أو خرف = لأنسان اللي مايضبط السوالف ولكبر السن

    فيض أو سند= بمعنى ذهب او فيض و سنٌد الشعيب او الوادي.

    بـه زمٌـة كٍـبـر = متكبر

    ملص= للشخص اللي راح هربا من الموقف ويقال فلان تملص

    الغبشه = الفجر

    الدماس = وقت المغرب


    متحيزم = لابس حزام وتطلق على من تحيزم بشخص أو استعان به بعد الله

    سحله أو غضاره = وهي اناء الشرب

    الطسل = أناء الطبخ

    الصلاعه = ترامس القهوه والشاي


    يتهايق أو يوايق= بمعنى يطالع

    يعدي = يمشي او يركض.

    يزعرني أو ينحتني أو ينضلني = يحسدني

    وش قومه = وش فيه

    تلا يس = اخرس

    انطم = لاتكلم ولاكلمه

    خم= اسكت وقم عن المجلس

    هوداه =حجر (صخر)

    رضمه أو فهر = حجر (حصى)

    القابله = بكره.

    قفيه = بعد باكر

    أحواله مصلحه = الشخص اللي ماعنده مال أو على قد حاله.

    عدّ هنيٌا = تقدم بالمكان المقصود بالمجلس


    مفرع = المرأة بدون غطاء

    إنتله=أسحبه

    يشاري = يرمي بالحجر على شخص

    عرض من عندي = أي مر من أمامي

    ذوان = الآن

    انهج = بسرعه أو إمش.

    أفلح = سم الله يحييك وتقال عند المائدة أفلحوا الله يحييكم

    قُبيل =قبل قليل

    هقوتي = ضني

    المقلاع = تستخدم لرمي الحصى


    يسوع أو يدوج = كثير التنقل بدون سبب


    المثبور = حظه سيء

    وش علمك= وش صار لك

    دوبه أو توه = بمعنى قبل قليل

    توهن = مرض

    نتيفه = قطعه صغيره من الأكل

    ساهي = بمعنى سرحان بالتفكير

    أذوه = مايفهم


    مايكمى = مايخفي السر

    ذروق أو شرود = جبان

    متوهم = مخطيء

    نعامه ورقاء = جبان

    فلان صخي = كريم

    الوغدان = الأطفال

    العيل اوالعيال = الطفل

    يغمس = يضع الخبز في السمن أو الايدام

    منقع = سمن وسط الأرز

    بهيمه = للشخص الذي لايفهم ولايحسن الامور

    مشهب = لمن تغير لون وجهه


    صامل = من اصر على الشيء

    يعس = يبحث عن الربيع أو شيء آخر ويقال فلان عساس

    يـقـنـٌـه = شخص ياتي بشخص آخر معه أو يجرٌه وتستخدم للذم

    الحيا = الربيع

    لاتوانى = لاتأخر


    يطبح من جرف بعدام = من لايحسن التصرف في الاقوال والافعال

    خربوطي = لايحسن التصرف


    الجره = الأثر

    النثيله = زبرة القهوه والنار

    الزبره = الرمل المرتفع عن الأرض

    حرجانه = الشاه الميته بدون ذكاه

    يهوبي = للشخص الغير عاقل



    ضامر = وتؤخذ الصفه من ضمور البطن

    هيس أربد= تقال للكذوب

    يفخ فخ ماهو بسيط = تقال لمن يحاول أن يتكبر ويظهر الغنى وهو فقير

    يجمخ بالحكي = يكذب

    مصنبر = واقف بدون فائده

    كن = بفتح الكاف بمعنى تراجع

    إقهر = قف او إنتظر .

    يدربي رأسه = مايفقه من الأمر شيء


    أروج = أسرع او بسرعه


    ينسق = يخرج ليلا بصمت .

    يخور = يبكي .

    خطير إنه = بمعنى أعتقد أنه .

    غدا= بمعنى ضاع وتأتي بمعنى أصبح كقولهم لونه غدا أحمر .

    زكٌـن= أي أخبر كقولهم زكن على فلان القابلة الغداء عندنا .

    يشقل=يحمل الشيء الثقيل كقولهم يالله يالله يشقله ..

    هداريس == ثياب وعفوش متناثره في الغرفه .

    يغض = بمعنى يغير المسار كقوله أذا وصلت هناك غض يمين.

    انكس او ينكس= ارجع او يرجع


    الزربول او الزرابيل=النعول

    يـبـحٌـر او بـحـٌر = ينظر او انظر .

    يطبح=يقفز من مكان عالي

    تِفطن = تذكر

    القرنه = الزاوية

    ======================
    وسلامتكم وهناك الكثير جدا جدا ولكن هذا مااستطعت احضاره.

    ولكم الشكر.
    تم التعديل الأخير بواسطة ابن وايل العنزي؛ 28-Jan-2008, 01:27 AM.
  • مهنا البرازي
    عضو فعال
    • Nov 2007
    • 120

    #2
    ونعم بااولاد وايل وموضوع ممتاز وفي كلامات كثير من اللي ذكرتها يقولونها البرازات من السهول
    والسهول وسبيع كافه

    شكرً ابن وايل العنزي وتقبل المرور بكل حبور وسرور

    تعليق

    • عبدالرحمن الهيلوم
      عضو
      • Apr 2007
      • 21232

      #3
      فداوي = عزوبي

      مشكوووووووووور يالغالي

      فداوي اطلقها علي خال لي من مبطي قال رووح يالفداوي


      لاهنت يالذيبش

      تعليق

      • فلاح الهاجري
        عضو ماسي
        • Jul 2007
        • 632

        #4
        يعطيك العافيه وهرجكم طيب وافعالكم اطيب

        تعليق

        • ابن وايل العنزي
          عضو فعال
          • Aug 2007
          • 108

          #5
          مهنا البرازي الله يحييك وشرٌفت موضوعي يالغالي.


          عبدالرحمن الهيلوم حياك الله يالفداوي والحال من بعضه ونورت الموضوع.


          فلاح الهاجري والنعم بك وبحالك وانا اخوك واسعدتني بردك يالغالي.

          تعليق

          • الصف الواحد
            عضو فعال
            • Oct 2007
            • 185

            #6
            [align=center]ابن وايل موضوع متميز

            والله والنعم بعنزة القبيلة العريقة والمليئه بالعلوم الطيبه والمفاخر والفروسيه....


            تحياتي[/align]

            تعليق

            • @ـايل

              مشرف المنتديات العامة

              • Jan 2008
              • 9251

              #7
              ما شاء الله

              ونعم في قبيلة عنزه الوايليه

              لاهنت اخوي ابن وايل ومشكوووووووور

              وبيض الله وجهك وقبيلة عنزه قبيله مشهوره وغنيه عن التعريف

              الله يعطيك العافيه يالوايلي والى الامام
              تويتر : AlHooL@

              تعليق

              • محب الهيلا
                عضو ممـــيز
                • Nov 2007
                • 20292

                #8
                والنعم فيهم

                مشكور وماقصرت

                تعليق

                • محمد العتيبي

                  مشرف منتدى شعراء قبيلة عتيبه

                  • Mar 2005
                  • 10789

                  #9
                  [align=center]والله ونعم يالاد وايل..
                  قبيلة كرم وشجاعه وعلومهم غانمه..
                  ...
                  [/align]
                  [align=center][/align]








                  [align=center]للتواصل عبر twitter تويتر


                  al_bargawy@
                  [/align]

                  تعليق

                  • سيحان
                    عضو فضي
                    • Mar 2006
                    • 219

                    #10
                    كل الكلامان اللي ذكرتها نقولها وبنفس المعاني



                    لازلّت عن كم كلمه


                    يعطيك العافيه

                    تعليق

                    • ابن وايل العنزي
                      عضو فعال
                      • Aug 2007
                      • 108

                      #11
                      الصف الواحد والنعم بك وانا اخوك وانت من أهل الطيب.

                      هايل العتيبي والنعم بحالك الله يحييك وأتحفت موضوعي في ردك.

                      محب الهيلا حياك الله.

                      ابو مشعاب الله يحييك وانت علومك غانمه.

                      سيحان هلا بك والله يعافيك.

                      تعليق

                      • رمح برقاا

                        رابطة محبي الهيلا

                        • Jun 2007
                        • 1297

                        #12
                        والنعم والله في عنزه مليون مره

                        اقول وشش نوحك يا رجل احس انها كلمه عنزيه ههههههههه

                        تعليق

                        • ابن وايل العنزي
                          عضو فعال
                          • Aug 2007
                          • 108

                          #13
                          رمح برقا والنعم بحالك وانا اخوك.

                          وأكثر ماتنقال الكلمه هذي بالشمال ويقولونها عنزة وشمر.

                          نورت الموضوع في ردك يالغالي.........

                          تعليق

                          • راعي الصفراء2008
                            عضو نشيط
                            • Jan 2008
                            • 87

                            #14
                            السلام ابو عناز


                            موضوع جميل يالصميدعي


                            وياطيبكم وياطيب لهجتكم

                            وتقبل مروري

                            تعليق

                            • عبدالله بن دبيس العتيبي

                              رابطة محبي الهيلا

                              • Oct 2007
                              • 2463

                              #15
                              حياك الله الوايلي ومليون نعم بقبيلة عنزه فهي قبيلة عزيزه

                              وترى معظم الكلمات اللي قلتها ان لم يكن كلها دارجه عند كافة القبائل وكذلك عند قبيلتنا



                              وتقبل تحياتي

                              تعليق

                              العمل...