الغزال المنكسر ومغزى جديع بن هذال على المطران

طي
X
 
  • التوقيت
  • إظهار
مسح الكل
المشاركات الجديدة
  • تالي الأولين
    عضو نشيط
    • Aug 2007
    • 92

    #1

    الغزال المنكسر ومغزى جديع بن هذال على المطران

    [align=center]بسم الله الرحمن الرحيم

    السلام عليكم ورحمه الله وبركاته

    كان أحد أفراد قبيلة عنزة يبحث عن ناقة فقدت ويقال أنها غدت وراح يدور عليها وخذا أكثر من شهر ويوم نشد عنها بكل مكان قالوا له ترى ناقتك انذكرت انها عند شمر عند الجربان بالتحديد شيوخ شمر ويم نصى قبيلة شمر وصل يم مطلق بن الحميدي الجرباء الملقب ب (أخو جوزه) دخل على المضيف وتعشى عندهم وقال أريض الليلة وأنام والصبح أنشد عن حاجتي ويم جاء للنوم الا به شمري بجنبه والشمري نشد العنزي قاله بعمرك شفت أشجع واكرم من راعي البيت ، قال العنزي :
    كل ديرة لها حقها ورجالها ، قال الشمري دامك قلت هالكلام : لازم تعلمن منهو اشجع منه ..
    الوكاد ومطلق الجرباء هو يذعن لهم لانه مانام وسمع الكلام اللي بينهم ..
    المهم ويرد العنزي ويقول للشمري اللي أشجع منه : راعي الحصان جديع بن هذال ..
    ويم سمع مطلق هالكلام قال للعبد شب النار والوقت كان بآخر الليل
    والعوايد أن شبة النار بها الوقت يعني به شين والكل لازم يجتمع ..
    المهم تجمعوا حوله الربع وقال لهم مطلق الجرباء أبي أسولف عليكم سالفة قالوا قل وشو سالفته..

    قال سنة من هالسنين تواجهت أنا وجديع بن هذال راعي الحصان يومنه نازلٍ بالعجاجه وخذا سبعة أشهر وهو غزاي ويم لفيت عليه قلت له يا جديع وش رايك نغزي على مطير أنا عقيد شمر وأنت عقيد عنزة اللي معك قال جديع الشور شورك يا بو مسلط وأنا لا قاله الله اني مصبحهم..
    المهم ومطير كانوا على مارد سواج بالقصيم ويم وصل جديع واللي معه من عنزة ومطلق واللي معه من شمر والا يبحرون بعيونهم الا البل ماده اللي هي بل مطير وما حولها أحد وساقوا حلال مطير كله وأخذوه ويم أقفوا الا فريس مطير يحلقونهم وعنزة هي اللي متقدمه وشمر هي اللي توالي الفريس فقال مطلق الجربا أخو جوزه لجديع بن هذال راعي الحصان كلن يحط صابور من ربعه واليا قربوا الفريس الصابور يرد عليهم وباقي الغزو يروح بالحلال قاله جديع ما يخالف ، وحط الجرباء الصابور وعنزة ظعونهم متقدمه والا الجرباء يبحر أن جموع عنزة مقفيه وفريس مطير ذبحوا صابور شمر لانه قليل وكان مع مطير ابو شويربات والمريخي ومسعود حصان ابليس ، المهم قال مطلق الجربا وين صابور عنزة يا جديع قاله ما من صابور..
    أنا وانا أخو بتلا صابور الويلان كلها وينتخي وانا راعي الحصان ويقول قبل ما يلكد ويحذف الفرس على مطير وفريسهم :
    [/align]


    [poem=font="Simplified Arabic,5,red,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
    معلوم الصبيان وأنا أخو بتلا = ضراك بالصيد غزال منكسر
    [/poem]


    [align=center]ويم بحروا به مطير لاو الله ويعرفون انه راعي الحصان جديع بن هذال ويم شافه مسعود حصان ابليس ويهج عنه ويرد عليهم جديع ويردون عنزة معه واذبح هاك اليوم منهم المريخي من مشايخ بريه وشتت الجبلان من مطير وهزمهم شر هزيمه..
    المهم عقب ماقضى مطلق من سالفته اللي قصها على الربع هو مقصده أنه يسمع العنزي اللي جاء ينشد عن حاجته وعلمه أنه يقدر الرجال حقوقها من هالسالفة وعطاه اللي يبيه وأكرمه..

    تعليق :
    من هالسالفه عرفنا أن جديع بن هذال أخذ 7 شهور بمغزاه وكان هاك الوقت متزوج مويضي الدهلوية العجميه اللي قالت القصيدة يوم تتوجد عليه وتولهت ويم وصلها من المراسيل لانها كانت بالرس أن جديع بمغزاه كسر مطير وذبح المريخي وفزع مع مطلق بن الحميدي الجربا (أخو جوزه) بغزوة الغزال المنكسر
    [/align]


    [poem=font="Simplified Arabic,5,red,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
    ياراكب حيـل ابروسـه لجاجـه =امظريـات للمـسـاري والادلاج
    لا روحن بالـدو كـن إنزعاجـه =سفنن حداها بالبحر بعض الامواج
    سفن البحر سود بروسـه فجاجـه =وارقابهن زعاج من يبس الامواج
    تلفـون شيـخٍ نـازلٍ بالعجاجـه =اجديع اللـي للمجاويـخ زعـاج
    مودع على المطران كدراً عجاجه =هجيجهم من بين أبانات وسـواج
    خلا المريخي طايحٍ فـي مداجـه =والخيل بالجبلان راحـن مـراج
    سلم على اللي راح للحـو ماجـه =وقله خويك ضايق الصدر واعلاج
    وقل لابن وايل كان وده ايواجـه =القيض فات وباقي الوسم زعـاج
    حطيت لك ريش النعامه أولاجـه =والبطن لك يامدبس الخيل مسهاج
    أامي توصيني عـن الانزلاجـه =وقلبي اليا جاء طاري البدو ينفاج
    مـي تقـول أن التمنـي سماجـه =وأقول أن بعض التمني به أفـراج
    [/poem]

    [align=center]هالبيتين الرابعة والخامسة والمشار اليها من قصيدها تثبت أن هالغزوة صحيحة وانه هجج مطير من أبانات وسواج وهذي كلها ديار بالقصيم والمريخي اهو من مشايخ بريه من مطير وخيل عنزة راحن بالجبلان اللي هم من مطير مراج...

    وهالرواية اللي طريتها بالاول بخصوص منهو أِشجع الفرسان بالجزيرة العربية ذكرها المؤلف ثامر حامد بكتابه : تاريخ آل محمد الجربا وقبيلة شمر العربية في اقليم نجد والجزيرة ص 66...

    ذكرها المؤلف أيضا بأن الامام عبدالعزيز بن سعود سأل منهو أشجع الشجعان فأجابه مطلق بن الحميدي الجربا(أخو جوزه ) بأن أشجع الشجعان هو جديع بن هذال راعي الحصان .
    [/align]
  • ابن وايل العنزي
    عضو فعال
    • Aug 2007
    • 108

    #2
    تسلم يديك ياتالي الاولين قصه حقيقيه وموثقه.

    تعليق

    • تالي الأولين
      عضو نشيط
      • Aug 2007
      • 92

      #3
      الاخ العزيز ابن وايل


      مرورك شرف واشكرك عليه


      لك مني جزيل التحيه
      تم التعديل الأخير بواسطة تالي الأولين؛ 09-Sep-2007, 03:08 PM.

      تعليق

      • تالي الأولين
        عضو نشيط
        • Aug 2007
        • 92

        #4
        اقليم نجد والجزيرة صفحة 66

        تعليق

        • عجاج نجد
          موقوف لمخالفة الأنظمة
          • Jul 2007
          • 67

          #5
          يامرحبا ياتالي الأولين

          والنعم والله بعنزه
          ولا يستغرب الطيب من أهله
          فهم أهل وفاء وأهل خوه
          من غير قصور في مطير

          أخوك عجاج نجد العتيبي

          تعليق

          • شمري وافتخر
            عضو نشيط
            • Aug 2007
            • 72

            #6
            السلام عليكم

            اشكرك اخي تالي الاولين

            لاكن ياخي الفاضل انا الاحض بالمنتدي انك شاب علي مطير
            وكل قصصك عنهم

            لي رجاء خاص منك ان لا تقحم شمر معك في هالمنافسه

            فنحن نكن لمطير الود والصداقه و مرادي ان تجمعنا هالمنتديات ولا تفرقنا

            فمطير معروفه وتاريخها معروف فهذه الحقيقه اعرف انها سوف تحرجك

            هذه الكلمات

            لاكن ماقدر اجامل شخص واخسر قبيله


            نحن قبائل تجمعنا المصاهره والصداقه

            فل نقل هالمعارك من باب ذكر التاريخ وليس من باب التقليل من الاخرين



            اعرف اني اثقلت عليك لاكن تبقي عنزه عزيزه بشموخها وكبريائها في نفوس الجميع

            اليس الشاعر ياسر التويجري عنزي

            الا تري كيف كسب مطير لحب عنزه

            هاكذا يجب ان يعمل الشخص لقبيلته وليس ليكثر القبائل لكره قبيلته

            واسف اسف يابو عناز اذا ازعلتك

            فلكم الحب والوفاء

            وشكرا مشرفين المنتدي

            تعليق

            • تالي الأولين
              عضو نشيط
              • Aug 2007
              • 92

              #7
              [align=center][align=center]عجبي


              ما هو الاحراج و اي احراج؟؟؟؟


              انا لم اقحم شمر في هذا السالفه التاريخ هو من اقحمها في هذه المعركه...


              اذكان عندك ما ينافي القصه والقصيدة افدنا ياخي الكريم


              وبالنسبه للموده والصداقه فهي باقيه وهذا تاريخ باقي

              ياحسين ما يشتك كود الرديين *** والا ترى الطيب وسيعن بطانه
              [/align][/align]


              ملاحظه: هذا قسم تاريخ قبائل الجزيرة العربية .. ماذا تريد ان نكتب فيه يا اخي الشمري........
              وعلى فكره مذكور في الكتب وانا ما جبت شي جديد....
              تم التعديل الأخير بواسطة تالي الأولين؛ 11-Sep-2007, 03:54 PM.

              تعليق

              • تالي الأولين
                عضو نشيط
                • Aug 2007
                • 92

                #8
                [align=center]عجاج نجد ما عليك زود

                ونعم في قبيلتك وكل القبائل العربية

                وهذا حال الدنيا نصر وهزيمه

                تحياتي[/align]

                تعليق

                • السّامي
                  عضو فضي
                  • Aug 2005
                  • 262

                  #9
                  كفوو والله

                  سلمت على هالمعركه وافعال عنزه وشمر لا تحصى


                  لاهنتوا

                  تعليق

                  • شمري وافتخر
                    عضو نشيط
                    • Aug 2007
                    • 72

                    #10
                    السلام عليكم جميعا

                    ماعتقد انك راح تفهمني توجهي غير توجهك

                    ومالصديق علي صديقه الا النصح

                    توجهي هو ان لااجلب لقبيلتي العداء بسبب كثر طرحي ولاختيار للسلوب وتوجيه الطرح لجهه معينه

                    لن اطيل
                    انت حر وتبقا انت وربعك عزيزين لدي


                    ليتذكر كل شخص انه سفير لقبيلته فل يمثلها خير تمثيل

                    الشكر لله ثم لاصحاب المنتدي لضيافتهم لنا

                    والسلام

                    تعليق

                    • تالي الأولين
                      عضو نشيط
                      • Aug 2007
                      • 92

                      #11
                      اخي العزيز الشمري


                      ماهو العمل مع ناس تكذب وتزور التاريخ وتهاجم كل من يكتب الصحيح.. يجب اظهار الحقائق حتى يتبين من هو الكاذب....


                      واشكرك الشكر الجزيل

                      تعليق

                      • أبو عمر الصعيبي
                        موقوف لمخالفة الأنظمة
                        • Jul 2007
                        • 215

                        #12
                        ماشاء الله وتتهمنا بالكذب والتزوير؟؟

                        على العموم


                        والله المعارك ذي لا هي رافعةً قدرك مع الناس ولا هي منزلته..!

                        واسمع هذا البيت من المريخي المطيري:


                        [poem= font="Simplified Arabic,4,royalblue,bold,normal" bkcolor="transparent" bkimage="backgrounds/27.gif" border="ridge,6,blue" type=2 line=0 align=center use=sp num="0,black"]
                        الغرب يصنع طايرات وصووواررريـــخ=وحنا في ماضينا نعيد النقاشي[/poem]

                        ومواضيعك كلها في مطير مدري وش السبب؟

                        لاهنــــــــــــــت

                        تعليق

                        • اخو جوزه
                          موقوف لمخالفة الأنظمة
                          • Jun 2007
                          • 139

                          #13
                          الشمري

                          بيض الله وجهك على كل حال وحنا نفتخر فيك وفي امثالك

                          لا كن ترا (التالي) عفواً مسيلمة المنتدى ماهو عنزي

                          هدفه ان يسبب مشكله بين مطير وعنزه ومطير والقبائل الاخرى ولكي

                          يتهجمون المطران في المنتدى على قبيله عنزه والقبائل الاخرى لاكن

                          نحن اكبر من مهاتراته

                          والمثل يقول (ماعلى السحاب من نبح الكلاب)

                          تعليق

                          • ولد الصعيبي
                            موقوف لمخالفة الأنظمة
                            • Sep 2007
                            • 94

                            #14
                            ياشمري ماقصرت وبيض الله وجهك يالسنعوسي
                            وبالنسبة للعنزي قال كثير عن السوالف عن هزايم مطير وبعضها ملفقة واولها هاذي السالفة وأذا كان صادق يقول من الفارس المريخي اللي ذبحتة عنزة ثاني شي يوم يقول أشجع فرسان البادية جديع أبن هذال في لقاء مع مشاري أبن بصيص في مجلة البواسل قال أن المللك فيصل قال لابو مشاري أن المللك عبدالعزيز قال أن أشجع فرسان البادية تريحيب أبن أبصيص وهي موثقة في المجلة ولن يكذب مشاري أبن بصيص على لسان المللك فيصل ثاني شي وجد في مجلدات أبن بليهد
                            مقالة عن المللك عبدالعزيز يرحمة الله (أن اشجع فرسان البادية تريحيب أبن بصيص وأفرس الحاضرة عبدالعزيز أبن رشيد ) والمجلد موجود في دارة المللك عبدالعزيز بالرياض ......

                            رغم أنني أحب عنزة ومشائخها وأعتز فيهم كأنني منهم وأعرف مشايخهم وتواجدهم أكثر منك

                            لكن أبسالك من أخرج عنزة من نجد وماذا تعني المناخات الاخيرة مثل المربع والعمار والشماسية لك



                            والمجال بينا مفتوح .....

                            تعليق

                            • تالي الأولين
                              عضو نشيط
                              • Aug 2007
                              • 92

                              #15
                              تم النشر في الأصل بواسطة أبو عمر الصعيبي عرض المشاركة
                              ماشاء الله وتتهمنا بالكذب والتزوير؟؟

                              على العموم


                              والله المعارك ذي لا هي رافعةً قدرك مع الناس ولا هي منزلته..!

                              واسمع هذا البيت من المريخي المطيري:


                              [poem= font="Simplified Arabic,4,royalblue,bold,normal" bkcolor="transparent" bkimage="backgrounds/27.gif" border="ridge,6,blue" type=2 line=0 align=center use=sp num="0,black"]
                              الغرب يصنع طايرات وصووواررريـــخ=وحنا في ماضينا نعيد النقاشي[/poem]

                              ومواضيعك كلها في مطير مدري وش السبب؟

                              لاهنــــــــــــــت
                              البيت الي ذكرت للشاعر البغيلي وش جابه للمريخي المطيري

                              صحح معلوماتك

                              واللهم اني صايم

                              تعليق

                              العمل...