مطير تزبن على قبر الصييفي

طي
تم إغلاق هذا الموضوع.
X
X
 
  • التوقيت
  • إظهار
مسح الكل
المشاركات الجديدة
  • تالي الأولين
    عضو نشيط
    • Aug 2007
    • 92

    #1

    مطير تزبن على قبر الصييفي

    السلام عليكم ورحمة الله وبركاته
    ::
    ::
    ::

    هـــذي الـقــصــه الــمـشـهــوره لــمـطـيــر يــوم تــزبــن عــلــى قـبــر الأمـيــر ../ فـهـيـد الــصـيـيــفــي
    ::
    ::
    ::

    وراعـي الـقـبـر اللـي زبـنـت عـلـيـه مـطـيـر هـو ..
    الــشـيـخ و الـفـارس // فـهـيـد ابـن مـبـارك الـصـيـيـفي شـيـخ قـبـيـلة الـنبطة من الخضران من بني عمر من سبيع


    والــشـيــخ فــهـيـد لــه مـكانــه عـاليــه عند سبيع وعند القبايل الثانيه

    فــكـان يــغـزي فـي نــجــد مـع ربـعـه فـهـو قـائـد بـيـرق سبـيـع فـي مـنـاخ الـسبيـه الـمعـروف وقـد شارك ايـضـاً في مـنـاخ الـرضيمــه وفي وقعات واجـد لا يـتـيـح لـي الـوقـت ذكــرهــا

    وايـضـاً كـان يــغـزي في العراق وكـان ابـن سعدون ( امير قبيلة المنتفق ) مـتحالف هوياه

    أمّـا فـالكـرم فيعجز اللسـان عن وصـفـه ففـي مـجلــسه فيه 300 ميـة شــداد يوم العرب في فقر وجوع


    وعندما هاجر إلى العراق في آآآخر حياته قـال قصيدتـه المشهوووره :ـ




    [poem=font="Simplified Arabic,5,crimson,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
    سق الركايب واكره النفس بازعـال =واصبر على قطع الفجـوج الخليـه
    المرجلـه قــد والاولاد مـحـال =قليل من يصبـر علـى المكرهيـه
    طوال الخطى ماتقصر العمر وان طال =مـادام ربـي ماكتـب لـك منيـه
    ان ساعفتلك قيل لي ماض الافعـال =وان عاضبت قالوا علومـه رديـه [/poem]




    وهــو صـاحـب قصيدتـه المشهووووره اللي فيها من الحكم الشي الكثير




    [poem=font="Simplified Arabic,5,crimson,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
    لاوعنـاي وفاطـري واعنـاهـا =من لايلاوي العسر مايدرك اللين
    كـل تظلـل فـي بيـوت بناهـا =وانا على حمرا سواة الشياهيـن
    كم عقلة قـد وردن بـي جباهـا =وكم ليلة جينا على الجيش سارين
    كم حرة في القيض نرقع حفاهـا =في لاهب الجوزاء وحنا مقفيـن
    كم فاطر قامـت تدانـا خطاهـا=نـوب مقفيـات ونـوب مقبليـن
    وردن بنا العوجا طويل رشاها= وغرافنا سالم صعوط المجانين
    خليـة قـام ايتطايـر قطـاهـا=وزود عليه الجيش وحنا مدركين
    وصلن بنـا ديـار بعيـد مداهـا=اخذنا الدبش منها وجينا مفلحيـن
    جينـا بقطعـان توامـا ذراهـا=كسابنا يفـرح ونحـذ المفلسيـن
    معنـا رجـال مالحقنـا مداهـا=بني عمر ربع على الراي صعبين
    ومعنا رجال تعجب اللـي نخا=هـاعوامر دايم على الهوش ضارين
    كم هجمة خليتهـا فـي خلاهـا=ما عند اهلها زاد ناس مجيعيـن
    وخليـت رواي رويـة رواهــا=وخليت مـداد لاهلـه متحريـن
    وباطلب الله عنـد ربـي جزاهـا=لاجاء الحساب وقربن الموازيـن [/poem]



    وسـالفـت مطير وزبـنـتـهم على قبره هي ان الشيخ والفارس // فـراج ابـن مـذكـر الـعـمـانـي ( بـعـيد المغـازي )

    رايـحـن هــو و ربـعــه غـازيــن عـلـى احـدى القبايـل وعـنــد رجـعـتـهـم وكـسـبهـم للحلال وللغنايم ..!!!

    الا الـمطران مخالـفـيـنـهم عـلـى ديارهم ، فـجـا اخوي موضي وربعه لاحقين مـطيـر وهم يعتزون ، ومن عـزوتهم درو الـمطران انـهـم العمانيه مـن سـبـيــع وهـم عـلـى علم في مدى وشجـاعتهـم وسـطوتهـم

    ويـوم ظــاقـتـبـهـم الأرض زبـنـو على قبر الـصيـيـفـي وقـالو لـفـراج ترانا زابـنـيـن على قبر ميتكم

    قال فــرّاج : فـهـيــد يـجـير حي وميت وعفى عنهم وفكهم الله


    والــسـالــفــه ذي لـهــا شـواهـد وادلــه واجــد منهـا

    قـصيـدة الـشاعـر ../ فالح بن حـثــلان بن سـمـيـّـر من المداريه من الصعبه من سبيع :




    [poem=font="Simplified Arabic,5,crimson,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
    قومن لجوا بفهيد عفناهـم إجهـار=شيمة عرب و رجال و الكذب مرفوع
    غدوا على قبره كما وصـف خطّـار=قلنا ترى ما عند هالقبـر ممنـوع
    [/poem]


    وقـصـيـدة الـشـاعـر ../ كـديميـــس الـعصيمـــي :ـ




    [poem=font="Simplified Arabic,5,crimson,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
    و الشاهد ان مطير فيهم شطـاره =محدن لقاها غيرهم بالمحاظيـر
    ليا عارضو جمعن وتم انتصـاره=يلجون لقبور الرجال المشاهيـر
    قبر الصييفي قد طلبتـو جـواره=يوم ارهقوكم باللحوق المغاويـر
    خطرتو لقبـر السبيعـي خطـاره=سمعتو انـه يعتنـي بالخطاطيـر
    (يلزم عليكم يالمطيـري مـزاره=يوم احتماكم من سيوف المناعير)
    [/poem]


    وقال الشاعر / الأشــعــل بن فـيـصـل الـخـريـصـي الـشـمـّـري :




    [poem=font="Simplified Arabic,5,crimson,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
    أهل البيوت اللي تعـز ّ العانـي=وسيوفهم سمّ (ن) على معاديها
    إبن الصييفي صيتهم نسمع بـه=عيال النبيطـي زبّنـت عانيهـا
    (اللي عقيد القـوم لاذ ببيته= قول وين فهيد ؟ يـا حاميهـا)
    (أنا دخيل فهيد لو هـو ميّـت=و بعض العرب ما يدخلك حييها)
    [/poem]







    والـقـصايـد اللـي ذكـرتهـا هـي لـشعراء مـحـايديـــن


    --------------------------------------------------------------------------------


    الـمـصـدر : كـتـاب ابن فهيد ((من ادبنا الشعبيه في الجزيزة العربيه الجزء الثالث )) ص 99

    ومـوجـوده ايـضـاً فـي المصادر عند ابن بليهد [/align][/size]
    تم التعديل الأخير بواسطة تالي الأولين؛ 07-Aug-2007, 08:42 AM.
  • عبدالعزيز بن جودان الرويس
    شـــاعــر
    • Apr 2003
    • 496

    #2
    بيض الله وجهك
    ولا تحرمنا من العلوم الاوله والتاريخ
    وعزاله ان السبيعي كفوو ومطير مابهم قصور بس يمكن ماساعدهم الحظ هاك اليوم


    godan3@hotmail.com

    تعليق

    • ابوبجاد الرويس
      عضو مميز
      • Feb 2006
      • 4205

      #3
      لاهنت اخوي تالي الاولين

      ولاهنت على القصة ,,,,, والرجال الطيب يموت وذكره مايموت

      ونعم بسبيع أهل الغلباااااااااا

      تعليق

      • عامر بن صعصعه
        عضو ذهبي
        • Jun 2007
        • 345

        #4
        لاهــنــت اخوي (تالي الأوليـن ) ومشكووور على إدراج الـقصـه مع الشواد والأدلـــه


        وهذي السوالف اللي تنومـس الـريجيـل ..

        دمـتـم ..

        تعليق

        • الشرقي
          عضو نشيط
          • Jul 2007
          • 58

          #5
          كذاب كل ألمصادر تقول قوم ماقالت مطير يالكذوب والدليل شاعر سبيع اللي أنت ذكرته والشاعر الشمري يقولون قوم ماقالو مطير لكن هالحلم طلعه لك كديميس اللي وجد هالقوم المبهمه وقال مطير خلاك تطير بالعجعه يامسكين وكديميس إنشد عنه الشيخ ماجد بن عبد الرحمن بن ربيعان وبعض من شعار الروقه ويعلمونك , إنت ضعيف ومسكين وحجتك مدموغه ولذلك ما يمديك تحرف شي وضحه التاريخ , ياخايب الاولين إمطير ماتزبن قبور موتاكم , إمطير إطقك علي خشمك كما حصلك بالقاعيه والدجاني , ومطير ماتذبح أسراها , كما فعلت أنت مع ركب الدواسر , عقب الامان والعهد تذبحونهم خمسه وعشرين رجل عزل بدون سلاح عقب مادخلو بوجيهكم , وبك ماعدت هاذي إلا عليكم والله لا في سلم العرب ولا سلم العجم ,

          تعليق

          • عامر بن صعصعه
            عضو ذهبي
            • Jun 2007
            • 345

            #6
            [align=center]الله وكبر عليكم يا مخليت الرديــف نهار عـرجــا ههههههههه


            مطير ما تذبح اسراهـا ،،، لاكنّـهـا تـركـت قبيلـة ( حرب )) وجحدتهم وزبنت

            بالله هالسواه تسويها العرب

            ومناخ عرجا كان عنـه متغاضيـن
            حنـا لتـاريـخ القبـايـل قـرانـا
            قبيلتـيـن لحربـنـا مستـعـديـن
            وحنا ليـا زلـزل رعدهـم رسانـا
            وطبان وصنيتان(2) شفقوا شرهيـن
            وحنـا قبـل يبـدون فينـا بـدانـا
            وبعد منـاخٍ دام خمسـة وعشريـن
            احدٍ سرى بالليـل واحـدٍ احترانـا
            واللي قعد سوى سوات ام ظرفيـن
            ويقـول لـو إنـا درانـا سـرانـا
            يقـول خلونـا بعرجـا وحيـديـن
            ياليـت هاديهـم كـذلـك هـدانـا [/align]

            تعليق

            • تالي الأولين
              عضو نشيط
              • Aug 2007
              • 92

              #7
              align=center][[align=center]]عزيزي الشرقي

              لا تحاول تدس السم في العسل وتثير الفتنة في منتدى عتيبه الهيلا...


              فهذه حيلة قذرة منك تحاول الايقاع بين برقا وروق عيال عتاب.. فهم اسمى من ان يتفرقوا او حتى يلتفتو لترهاتكم وحيلكم التي تحيكونها ليل نهار.
              [/align]عتيبه الهيلا كلهم واحد [/align][/size]
              [poem=font="Simplified Arabic,7,red,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
              برقا وروق الهم مواقـف فريـده =وفيهم على جمع الحريب اندفاعـه
              مثل العضيد اللي يسانـد عضيـده =والجمع دايـم عزتـه باجتماعـه[/poem]

              [align=center]العصيمي فخر للروقي والروقي فخر للعصيمي وعتيبه كلها تحت مسى واحد يالحصني...


              اما سالفة سبيع معروفه وموثقه واذا عندك شي ينفي هذه الحقائق عطنا المصادر والحقايق الي عندك بالبراهين القاطعه ونصدقك...

              اما انك تجلس تنبح على كل قافلة مجد تمشي هذا خطا

              والقبايل كلن من دون حقه وعانية

              وانا اشهد التاريخ ما يرحم

              ما يرحم الا الله..[/align]

              تعليق

              • طنيان
                عضو فضي
                • Jun 2007
                • 224

                #8
                تم النشر في الأصل بواسطة الشرقي عرض المشاركة
                كذاب كل ألمصادر تقول قوم ماقالت مطير يالكذوب والدليل شاعر سبيع اللي أنت ذكرته والشاعر الشمري يقولون قوم ماقالو مطير لكن هالحلم طلعه لك كديميس اللي وجد هالقوم المبهمه وقال مطير خلاك تطير بالعجعه يامسكين وكديميس إنشد عنه الشيخ ماجد بن عبد الرحمن بن ربيعان وبعض من شعار الروقه ويعلمونك , إنت ضعيف ومسكين وحجتك مدموغه ولذلك ما يمديك تحرف شي وضحه التاريخ , ياخايب الاولين إمطير ماتزبن قبور موتاكم , إمطير إطقك علي خشمك كما حصلك بالقاعيه والدجاني , ومطير ماتذبح أسراها , كما فعلت أنت مع ركب الدواسر , عقب الامان والعهد تذبحونهم خمسه وعشرين رجل عزل بدون سلاح عقب مادخلو بوجيهكم , وبك ماعدت هاذي إلا عليكم والله لا في سلم العرب ولا سلم العجم ,
                [align=center]بسم الله الرحمن الرحيم

                الاخ المطيري بعد السلام اشتهرت سبيع بن عامر الغلباء بمتيهة البكار معسفة المهار عز الجار والغدرة سلم غيرهم قال تعالى وان عاقبتم فعاقبوا بمثل ماعوقبتم به والدواسر غدروا بامير الركب من السبعان وقتلوه غدر وغيلة كما غدروا قبله بالشيخ علي المجدع بن جفران في يوم ضبع والقاعية الله يسلم جيوش الاخوان ابن سفران القحطاني وغيره اللي جابهم الدويش باسم الدين ولا تنسى ام رضمة وشعارها القاعية ياثاير واللي راح فيها سبع مية نقوة علوى والبرهان والله يسلم ابن سعود اللي خلاها سهود ومهود والافبعين العدو عود وما يمديك تجحد المطران اللي زبنوا قبر الشيخ فهيد الصييفي رحمه الله لانه خبر مستفيض عندنا وعندكم وعند جميع القبايل

                تحاشدتوا على قبر الصييفي تقول اقباط
                على معبد الاقباط في وسط غرناطة

                بلاكم اللي جتكم مع النابي الحشاط
                تنازى بسبعان على الموت قلاطه

                0000000000000000000000000
                بلاكم سيوف سبيع للروس مصاطه

                ولعلمك ان العبيات والعفسه والوساما والعوارض وقبيلة اخرى من مطير حاليا كلهم سبعان لذلك لاناخذهم ولا يطمعون بنا وقد كتب الشيخ عبدالله بن خميس القصيدة وذكر طيب السبيعي مع المطيري بالاسم وتغاضى عن اسمكم بزبنة القبر اكراما لكم وعند ابن خميس الخبر اليقين وقد سالته واجابني انهم المطران وهاهو الشاعر فالح بن حثلان السبيعي يعدد مفاخر ربعه سبيع بن عامر الغلباء بقلم ابن خميس حيث قال لم يزل الشعر سجلا حافلا لتعداد مفاخر العرب وماثرها يفزعون اليه في المنافرة والمكاثرة ويتخذونه سلما لسرد مواقفهم المشرفه وافعالهم الكريمه منذ ان كانوا يقصدون سوق عكاظ بنوابغهم واعلام الشعر فيهم ليقفوا هناك امام الجمع الحاشد ويرفعوا عقائرهم بمدبج القصيد وفحول القول ولم تزل هذه سنتهم وتلك هجيراتهم هذا فالح بن حثلان السبيعي يعدد ماثر قومه ومفاخرهم في هذه القصيدة


                لي عدت فعول القبايل والافخار
                لنا من الناموس مثنى ومربوع


                فعول عسرات على كل مختار
                نهوم للعليا بشيمات وطبوع


                قوم لجو بفهيد عفناهم جهار
                شيمة عرب ورجال والكذب مرفوع


                غدو على قبره كما وصف خطار
                قلنا ترى ماعند هالقبر ممنوع


                بني عمر بالله لهم حظ وانصار
                شر على اللي يلبس الجوخ ودروع


                ورشدان منا طيب الراس واخيار
                لا يابعد من هو هذور وبالوع


                عبد لعمه لين حول السنه دار
                ما نكله طرد المعاشير وافزوع


                كم مشعل في ساقته جاله انوار
                فجاي غرتهم الى جاهم هجوع


                ومنا السميحي حط له قيل واخبار
                جايب خويه من خطر مظلم القوع


                ذبح ذلوله خايف يلحقه عار
                وجلده سريح وحط ثوبه له شموع


                ومنا الصبي ذابح اخوه بلجى الغار
                من وجهه عقب اللوم مجدوع


                وسلطان جار الله متونه من النار
                شايل خويه لين سرب على الكوع


                ومنا علي مدي من الهجن مشكار
                في ملحة ماهي تهجي عن الجوع


                ورشيد منا جايبن حسك الاوبار
                محذي خويه جل ذود له ارتوع


                حنا هل الملحة وحنا هل الكار
                من مثلنا يدي بها رجل جربوع


                وفنجال بن شاربه واحد ثار
                فنجال باسبابه حصل ذبح وفجوع


                وشربة من الماء ادى بها جل وابكار
                مثار ربع يابعد كل منزوع


                حطوا بها ملح ولامثلها صار
                والماء من كل المشاويه ممنوع


                بني عمر يدون بكبار وصغار
                ووجيههم ما تعطي البطن منفوع


                قصيرهم لو وخذ معهم وهو جار
                يعطى عراف الجار ماهو بممنوع


                ايضا وحرمتهم لها سلم قد صار
                تعني من الاجناب سلفان ونجوع


                عدد في هذه القصيده جملة من الماثر التي عرفت عن قبيلة سبيع واشتهرت بها وهي بحق مجال فخر واعتزاز ولشاعرهم ابن حثلان ان يرفع راسه بهذه الفعال الجميله والمواقف المشرفه ذكر فيما ذكر انهم اجاروا الركب المنهزم الذي التجاء الى قبر الشيخ فهيد الصييفي وكان فارسا مغوارا وذا مكارم اخلاق فهو لاياخذ السقاة والرعاة ولا حملة الغذاء والكساء ويقول هذا فيه انقاذ للناس ويجب ان يتحاماه كل من لقيه لئلا تتعطل الدروب وتنقطع الحسنى بين الناس وذكر عن رجل اخر منهم يدعى السميحي سافر مع صاحب له من قبيلة مطير ففرغ ماؤهما وادركهما العطش فلجاءا الى دحل من دحول الصمان يختزن الماء وهو تجويف عميق يخترق قشرة الارض ويوغل في الانحدار متعرجا الى مئات الامتار وهنالك يفضي الى طبقه صخريه صلبه لايخترقها الماء فتكون محلا لتجمع المياه بصفة دائمة في الاغلب وعندما تشح الامطار ولا يوجد الماء الا في قعر هذه الدحول فتكون متاهات لما فيها من مغارات متعدده وتجاويف وسراديب يظل داخلها يلتمس الماء وكثيرا ما يهلك لانه يسير في ظلمه ولا يهتدي الى طريقه الذي سلكه اولا وهنا بعد ان ورد السبيعي والمطيري على هذا الدحل خيره السبيعي بين ان يبقى على فوهة الدحل لحفظ الركاب والمتاع او ان يلج لياتي بالماء فاختار ان يلج لياتي بالماء فانحدر وتاه وظل يومين وصاحبه السبيعي على احر من الجمر حرصا عليه مع مايقاسي من شدة الظماء وعندها التجى الى حيله ربما تكون منقذة للجميع فذبح راحلته وسير جلدها سيرا واحدا واخذ من شحمها فاذابه وقد قميصه فغمسه في الودك ليكون بمثابة الشمع ولما جمد اوقد في طرفه النار وانحدر بهذا السير الطويل وهذا الودك المشتعل وظل يتقفر مغاوره وسراديبه فترة طويله حتى سمع نامة بعيده جدا في عمق الدحل ادرك انها نامة صاحبه ولم يزل يتجه شطرها حتى وجده فاخرجه وركبا راحلة المطيري بنفسيهما وهكذا كل ما عدده ابن حثلان في قصيدته من هذا النوع مما يعتبر سجلا خالدا لهذه القبيلة وذكر حسن لها وانما المرء حديث بعده فكن حديثا حسنا لمن وعى الشيخ عبدالله بن خميس مجالس السمر اما اسماء الاشخاص المذكورين في القصيدة
                1 فهيد : فهيد الصيفي
                2 رشدان : رشدان العدولة من النبطة
                3 السحيمي : من العرينات
                4 سلطان : سلطان بن حباب من ال علي
                5 علي : علي بن مروان من الصملة
                6 رشيد هو : رشيد بن فرحان من القراوين العزة وهذا جزء من تاريخ سبيع بن عامر الغلباء والذي لايجوز لك ولا لغيرك التحريف فيه والتعدي عليه من دون مستند الا الهوى الذي يعمي ويصم صاحبه عن الحق فاتق الله في نفسك اولا وفي اخوانك من القبائل العزيزة ثانيا ومطير عندها من المفاخر مايكفيها وليست بحاجة مزورة التاريخ كي يرفعوها ومطير قبيلة عزيزة عريقة من مدحها ما سرها ومن قدحها ما ضرها حمران النواظر تعطي الحق ولا تعيل وانت سالم وغانم والسلام [/align]
                تم التعديل الأخير بواسطة طنيان؛ 07-Aug-2007, 04:53 PM.

                تعليق

                • عامر بن صعصعه
                  عضو ذهبي
                  • Jun 2007
                  • 345

                  #9
                  [align=center]الجاهـل الـشرقـي الـدواسـر هـم اللي غـدر واللي يغدر جـزاه كـذا واكثـر ..

                  بس دامـك بـديـت بالغلط بذكّرك بعض من تـاريخـكـم اللي انت جاهله ..

                  *مطير تركو نيرانهم مشتعله وكلابهم مربوطه وسرو مع الليل وتركـو "الحروب" ولم يبلغوهم لأن خبرتهم أبلغتهم بالهرب والغدر بمن جاء يستفزعهم لأنهم ليسز كفواً بأن يستفزع فيهم احـد

                  * مطير تختلف عن بقية القبائل صح لأنهم يأخذون بثأرهم من الموتى بقبورهم

                  * مطير تتلوا على القبور ( قبر الصييفي السبيعي ) ويدخلون عليه ويفكهم من ربعه وهو ميت

                  *قبيلة مطير التي تدّعي بالمعجزات -والمعجزات عند الله- لم يستطيعوا مواجهة قبيلة العوازم .


                  هذا فقط شيء بسيط من تاريخ مطير التي تختلف عن بقية القبائل

                  هههههههههه ههههههههههه[/align]

                  تعليق

                  • الرأي الآخر
                    عضو ماسي
                    • Mar 2007
                    • 563

                    #10
                    تالي الأولين ،، لاهنت على إيراد هذه القصة والقصائد المؤيدة لها ونعم وألف نعم بسبيع الغلباء ماحد ينكر أويجحد طيب هالقبيلة إلا رجال مافيه خير ... وكل قبيلة فيها حقها من رجالها ...

                    أما قصة الصييفي وقبره ومزبان مطير لقبره فهذي ماحد يجحدها واقعة في زمانها مثل فلق الصبح .. بس آخر الزمان تشوف فيه العجايب الله لايبلانا !!... والشي ؟إذا كان ماهو موثوق وصحيح مايتطرقونه الشعار في أشعارهم عند المخاصم .. لأنه بلاشك سيكون مأخذ عليهم .. وبخاصة إذا كان يسجل لأمجاد قبيلة أخرى محايدة ...

                    ثم كذلك اللي غير موثق ماتطرقه الكتب التاريخية والوثائق ولايعلقون عليه . هذا إن كان غير صحيح أما إن وجد مافي هذه الوقعه أنه صحيح فستجد وبلاشك التعليق عليه والكتابة فيه ولو تقرأ في الكتب اللي تهتم بالتاريخ وبأشعار العرب فستجدها تطرقت لمثل هذه الوقائع وحكت فيها ..

                    وبالمناسبة الله يحفظ الجميع من (سبيعيكم لامطاريكم) .. أنتم عيال قبايل وأبناء حموله وكلن فيه حقه سواء من طيب أو غيره ويحتم عليه قانون ومنهج قبيلته اللي ينتمي لها مبدأ الصدق ـ وإن انعدم عند أغلبية الناس ـ فالصدق في مثل هالأمور وهالأمجاد هو ثمرة هذه الأفعال ومؤكدها وبالمقابل قبولها عند الناس بكل أريحية ..

                    أما ياخوان الكذب ـ أعاذنا الله منه ـ والجحد والنكران فهذا كلن سيترفع عنه لأنه وسيلة العاجز من الناس ... وسأترفع عن الحديث حوله...

                    ويا الشرقي الله يهديك كلامك هذا وينه رايح إذا صرت تكذب الرياجيل جب برهانك على شان ونا خوك إنقولك صدقت ولا نعطيك الثانيه بعد...
                    إذا صار عندك شي بدليل وبرهان وبحجة قاطعة ونا خوك فخاصم بها الرجال (وهذا لايكون على سبيل النقيض منك لما قاله..) بل اجعله على سبيل المقابل ... لأن ماذكره السبيعي ماحد يجحده ولاحد ينكره من زمان بعيد لاتحسب الأمور وليدة الانترنت والفضائيات !!

                    وكل شي مخبور (الزين والسين) الله يبعدنا ويبعدك عن الشين وذكره..
                    ((لاتحسبني سبيعي )) والله والنعم في السبيعي ونعم في المطيري ..
                    بس الحق يقال علاك ولاعليه .. هذا أول وثاني شي (عيب أنك تحوس الأمور بكل يسر وسهوله معنا وتحط (فيها ومافيها) فالموضوع واضح وبين ولايحتاج (لف ودوران) وتحويصه.. عندك شي قابل به الرجل على سبيل (المقابلة) يعني شي يقابل شي .. واجعل مبدأ المصداقية .. مبدأك
                    ماعندك شي غير الطرق الملتويه ... هذي كلن يترفع عنها .. حتى أنت شخصياً لاترضاها ....

                    تقبلوا تحية أخوكم / أبوحمدان المقاطي العتيبي

                    تعليق

                    • عجاج نجد
                      موقوف لمخالفة الأنظمة
                      • Jul 2007
                      • 67

                      #11
                      أخواني الأعزاء
                      مطران...و,,,سبعان
                      كلكم طييبين ولا عليكم قصور
                      ويالربع.......اسمعوا زين

                      اذا اللي زبنوا على قبر الصيفي الله يرحمه مطران ماعذربهم ولا نقص من قدر مطير

                      والسالفه هاذي مازادت مراجل سبيع وسبيع ترفعها افعالها

                      يعني ماتفرق اللي زبنوا مطران ولا غيرهم

                      والمنهزم بيزبن اللي قدامه وبيطلب المنع كالعاده


                      فإتركوا العصبيه القبليه اللي مافيها الا الفتنه والتفرقه والبغضاء
                      وكلنا مسلمون وديننا واحد وربنا واحد ونبينا واحد

                      أخوكم/عجاج نجد

                      تعليق

                      • خالدالروقي
                        موقوف لمخالفة الأنظمة
                        • Feb 2007
                        • 119

                        #12
                        قصه قبر السبيعي صحيحيه وهذا عادت المطران الحيل والبصاره ويذكر انه في عهد عقاب بن شبنان غزو مجموعه من مطير واخذو نياق واحد (ن) من عتيبه وصاح الصايح ودرى الامير عقاب بن شبنان وحلف فيهم اشد حلف وقال والله لاشرب من دمهم ورسل مجموعه من فرسان عتيبه تلحق بهم بالاثر وقبل مايصلون ديره مطير الا وهم لاحقينهم من قدام فرفعو مطير يدنهم للمنع فقال العقيد الي من العتبان ماحنا بذابحينكم لن هذا رغبه اميرانا وعند مصلو لا ابن شبنان قام وهو ناوي يقطع ارقابهم صاح عقيدهم وقال ياعقاب حنا لا نا عاني عند عتيبه قال عند من وانتم منحاشين قالو حنا حالبين عند راس تركي بن حميد اثرهم بطريق وهم منحا شين تشاورو وقالو عتيبه يبي يلحقونا ويذبحونا واحد قال نبي نترك الكسب وننحاش والثاني قال نبي نغير اتجاهنا قال العقيد حقهم لا نبي نحلب الحليب ونزله عند قبر تركي بن حميد عشان يكون عاني لنا عند عتيبه ولا يذبحونا وفعد ماسمع الامير عقاب بن شبنان بن حميد بالقصه لم يصدق مايقولون ورسل سباره للتكد من مايقولون يوم وصلو قبر تركي رحمه الله الا والطاسه عند النصايب فذهبو للا مير عقاب وابلغوووه بالقصه فقال ابن شبنان تركي ذرى حي وميت وانتم عتيق لوجه الله والمطران مثل الحربا الي كل ارض تاخذ طبيعتها وهي مايتحرك فيها غير لاسانها
                        تم التعديل الأخير بواسطة خالدالروقي؛ 07-Aug-2007, 06:43 PM. السبب: تعديل

                        تعليق

                        • الرأي الآخر
                          عضو ماسي
                          • Mar 2007
                          • 563

                          #13
                          تم النشر في الأصل بواسطة خالدالروقي عرض المشاركة
                          قصه قبر السبيعي صحيحيه وهذا عادت المطران الحيل والبصاره ويذكر انه في عهد عقاب بن شبنان غزو مجموعه من مطير واخذو نياق واحد (ن) من عتيبه وصاح الصايح ودرى الامير عقاب بن شبنان وحلف فيهم اشد حلف وقال والله لاشرب من دمهم ورسل مجموعه من فرسان عتيبه تلحق بهم بالاثر وقبل مايصلون ديره مطير الا وهم لاحقينهم من قدام فرفعو مطير يدنهم للمنع فقال العقيد الي من العتبان ماحنا بذابحينكم لن هذا رغبه اميرانا وعند مصلو لا ابن شبنان قام وهو ناوي يقطع ارقابهم صاح عقيدهم وقال ياعقاب حنا لا نا عاني عند عتيبه قال عند من وانتم منحاشين قالو حنا حالبين عند راس تركي بن حميد اثرهم بطريق وهم منحا شين تشاورو وقالو عتيبه يبي يلحقونا ويذبحونا واحد قال نبي نترك الكسب وننحاش والثاني قال نبي نغير اتجاهنا قال العقيد حقهم لا نبي نحلب الحليب ونزله عند قبر تركي بن حميد عشان يكون عاني لنا عند عتيبه ولا يذبحونا وفعد ماسمع الامير عقاب بن شبنان بن حميد بالقصه لم يصدق مايقولون ورسل سباره للتكد من مايقولون يوم وصلو قبر تركي رحمه الله الا والطاسه عند النصايب فذهبو للا مير عقاب وابلغوووه بالقصه فقال ابن شبنان تركي ذرى حي وميت وانتم عتيق لوجه الله والمطران مثل الحربا الي كل ارض تاخذ طبيعتها وهي مايتحرك فيها غير لاسانها

                          هذا ونا خوك مرض خطر والديره اللي يجي فيها . تصير (وبيه) مصابه بوباه ... الله لايبلانا ... هذا والله العذروب الشنيع ..
                          لك البياض يابن العم ،،

                          تعليق

                          • سلطان روق
                            عضو ذهبي
                            • Jun 2007
                            • 387

                            #14
                            والله ونعم ياأبن حميد طاستين حليب وحده من حربي ووحده من مطيري

                            لنا الفخر انك شيخنا

                            مشكـــــور خالد الروقي

                            تالي الاولين مشكـــور على ايراد القصه والابيات

                            عامر بن صعصعه مطير وقحطان اللي تخلو عن حرب يوم حربهم مع عتيبه

                            تعليق

                            • الشرقي
                              عضو نشيط
                              • Jul 2007
                              • 58

                              #15
                              والله مابوجيهكم حيا , ورا ماذكرهم عجران إبن شرفي وقال مطير ومن الفخذ الفلاني وريسهم إفلان وش يمنعه دامهم معدتين أو علي ألاقل بين بعض ملامح القوم , ورا ماذكرهم إبن خثلان شاعر سبيع وقال مطير وش يمنعه من ذلك , كتاب سوالف الطيبين للمؤلف السبيعي ورا ماقال مطير وذكرهم بالتفصيل بل يقول قوم , أحاديث السمر لعبد الله بن خميس يقول قوم ماقال مطير , وهو المؤرخ الكبير , من أدابنا الشعبيه لمنديل إبن فهيد يقول قوم ما قال مطير , شي مبهم وغير معروف حتي عند سبيع نفسها مايدرون منهم , إلا عقب مارجح بها المؤرخين كديميس وتاريخه المعاصر , كديميس سب دوله كامله , ثم سب قبائل حرب عقب ماسترفدهم ورفدوه وعلومهم غانمه معه راح وسبهم , ثم سب قبائل مطير , ثم سب قبائل الروقه , هل تصدق بذولا بغض النظر عن مطير لانك تبي تقول أيه بالفم المليان , مبغض وحاقد , ولا هي غريبه منك , ألقبائل أكيد لها مواقف سلبيه ولاأنكرها حتي ألحكام أنفسهم لهم مواقف سلبيه وأكبر دليل قصة ضيدان إبن حثلين ورسائل ألامان اللي كانت معه , خايب الاولين القحطاني ذا منين جبته يالربادي القاعيه والدجاني عقب بويتك اللي تغنيه علي القاعيه والدجاني بعد هزيمة الاخوان بوقت , ثم صبحك الدويش الصباح الاقشر لين خلاك شتات ذبح منكم من ذبح أتلاهم ضرمان واحدن منكم هج علي فرسه لين عقب المجمعه , يقول الشاعر , لا تحسبن الحرب ياضرمان ....أكل ألرزيزي والشبيب , فاجوك واصل والصعران..... وعلوي منزحة الحريب , الدواسر ياخايب الاولين عجزتم تمسكون اللي هج منهم وعوتم للا سري اللي بوجيهكم وذبحتوهم عقب ماخذتم إسلاحهم وركايبهم , وأخيرأًً فيه سوالف لها روح أنا عندي الشي الكثير من المصادر التاريخيه , وما الامور الثانيه فكلك عيب ولناس ألسن .

                              تعليق

                              العمل...