احدى قصص الامير الشيخ الفارس حجرف الذويبي

طي
تم إغلاق هذا الموضوع.
X
X
 
  • التوقيت
  • إظهار
مسح الكل
المشاركات الجديدة
  • سبع حرابة الدول
    عضو
    • Jul 2006
    • 13

    #1

    احدى قصص الامير الشيخ الفارس حجرف الذويبي

    --------------------------------------------------------------------------------

    هذي قصة الشيخ حجرف بن عياد الذويبي واضن هذا الاسم غني عن التعريف

    المهم القصه بختصااااااااااار هي ان حجرف الذويبي كان مشهوووووووور بالكرم الزايد وكان اذا اقبل

    عليه ضيف يكرمه كعادة العرب في اكرام الضيف ولكنه كان يبالغ في اكرام ضيوفه وكان في كل مره

    يجمع له جماعته المواشي الي يكرم ضيوفه منها المهم استمر حجرف على هذى الحال حتى

    في احد المرات عندما اراد جماعته كالعاده يجمعون له مواشي قال بعضهم هذي المره لانعطيه شيء

    من المواشي لعل وعسى يخفف من كرمه الزايد فاستقر راي القبيله على هذى الراي بل ذهبو

    وتركووووه وحيد لياخذ درسا المهم جائت امراته وقعدت تلوومه ولو انه اقتصد في كرمه كان صار عنده

    خيل ومواشي ويستطيع يلحق بجماعته عليها المهم ان حجرف مانام اليل قاعد يفكر وخرج في الصباح فرى حيه

    عمياء تقف على الرمضاء وياتي الطير فيقع على راسها فتاكله واستمرت على هذي الطريقه فعلم حجرف

    ان رب هذي الحيه لن يتركه فقال هذي القصيده

    وهي

    يقول بن عيّاد وان بات ليله
    رزقي على اللي ماتحاصى فعايله
    قال الذويبي والذويبي حجرف
    مثايلٍ من لبّة القلب قايله
    ماني بولد هدلاٍ ليا قلّ كيله
    جرف باهل بيته وضاقت محايله
    انا ليا ضاقت عليّه تفرجت
    ماني بهلباجٍ همومه تكايله
    يرزقني رزاق الهوايش بجحرها
    لاخايلت برقٍ ولاهي بحايله
    يارزق غيري ياملا مايجيني
    لاجم هيافا معتلينٍ رحايله
    ولاني على رزقي بخبلٍ لغيري
    ورزقي يجي لو كل حيٍ يحايله
    تشب نارٍ يجذب الضيف ضوها
    وان خبتت زدنا حطبها سقايله
    والله مانكره ضيوفٍ ليا لفوا
    صعلوك والا من معالي حمايله
    وحلّيت في داري خلاوي لحالي
    وترى الفرج مضمون والرب قايله
    وذبحت انا سبع الركايب لاهلها
    في حزةٍ عيّا على الزاد كايله
    ربعي قبايل حرب ياقل مالي
    لاركبت غبر السنين وشحايله
    اللي وقد بمراح تسعين عاقر
    وشكرت انا منها جزايل فعايله
    وربعي قبايل حرب حرابة الدول
    كم دولةٍ راحت فخرها فشايله
    طهمان ياشه يوم شاف الحرايب
    رماح وسيوف تلظى فتايله
    وياشة طيره قام تسعين ليله
    ثم انهزم للترك يشكي بلايله
    وهذي قبايل حرب ياجاهلٍ بها
    كم دولةٍ راحت توقّد غلايله
    وفضنا على نجدٍ وناسٍ ونيسه
    الى انتحى جنوب والا شمايله
    يشهد لنا وادي الرمه مع جوانبه
    هذي عدوده باقياتٍ مثايله
    نوبٍ نحدّ الغير ونوبٍ يحدّنا
    واللي خذوا منّا خذينا بدايله
    تسعين قريه ماخذيناه بالثمن
    كسبٍ بالايدي يوم الايدين طايله
    لي لابةٍ فرسان تدري بها العدا
    ندبها قومٍ على الدرب عايله
    ويومٍ بوادي الدوم لاعاد ماجرى
    اليوم يجري من معالي مسايله
    وعينيك يازادي الرمه علك الحيا
    حوراً ترّزم شربها من ثمايله
    ترعى بامان وكنّ ابازيد قدمها
    السيف باليمنى وبها الغيض شايله

    وعندما رجع لامراته وجد غنم و ابل فلحق بقومه فلما سمعو صوت نجره
    قالو هذا نجر حجرف وكان عنده نجره معروفه فسالوه عن سر هذي المواشي
    فاخبرهم بقصته فتلازمو الايعودو لما فعلوه به


    وللمعلوميه حجرف من قبيلة حرب العرييييقه وان كان هذا لايخفى على احد

    وتقبلو تحيااااااااااااااااااااااااااااااااتي
  • مرزوق حمدان العتيبي
    مشـرف عام
    • Nov 2003
    • 20403

    #2
    ...
    .
    بيض الله وجهك يالحربي
    قصه من القصص المشهوره التي تحكي مكارم الاخلاق ..
    رحم الله الشيخ حجرف اموات المسلمين .
    .....
    [align=center]
    [poem=font="Simplified Arabic,5,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
    فدوة ٍ للمصطفى روحي وماتملك يميني = كيف (لا) واللي خلقني حط حبه في كياني
    حط حبه في كياني ماتغيّره السنيني = وانثني من دون عرضه بالذراع وباللساني[/poem]







    @Marzouq_MHD
    [/align]

    تعليق

    • عمرالروقي
      مشرف سابق
      • Jul 2005
      • 2728

      #3
      مشكوووووووووووووووووووور
      اخوي على القصه الجميله
      ولاهنت
      ( اعتقد أن اسمك سبيع حرابة الدول)
      مو سبع ؟ والا انا غلطان

      تعليق

      • هواوي نجد
        عضو نشيط
        • Jan 2006
        • 51

        #4
        مشكور اخوي سبيع حرابة الدول
        على القصه والقصيده

        تعليق

        • سبع حرابة الدول
          عضو
          • Jul 2006
          • 13

          #5
          مالك لو يا عمر انا اسمي سبع حرابة الدول وشاكر لكم ردودكم
          بس صراحه استغربت يوم قريت قصص فرسان القبائل مثل شالح ابن هدلان
          وابن حميد وناسيييييييييييييييين حجرف الذويبي الي حتي الجنوووووووووون
          هجدها وتحداها

          تعليق

          • عالي مقامه
            عضو فعال
            • Apr 2006
            • 163

            #6
            قصيده رائعه ومشكور عالنقل

            تعليق

            • ابـن نـعـيـس
              مشرف سابق
              • May 2005
              • 5666

              #7
              لاهنت


              وبيض الله وجهك



              تحياااااااااااااااااااااااااااااتي
              [align=center][/align]

              تعليق

              • عالي مقامه
                عضو فعال
                • Apr 2006
                • 163

                #8
                ونعم قصه في غاية الروعه تشكراتي يالحربي

                تعليق

                • كاتب صحفي
                  عضو فعال
                  • Jul 2006
                  • 145

                  #9
                  مشكوراااااااااااااااااا

                  تعليق

                  • ذيب السبايا

                    رابطة محبي الهيلا

                    • Oct 2005
                    • 1794

                    #10
                    مشكور على الموضوع

                    تعليق

                    • راع العرف
                      عضو مميز
                      • Aug 2006
                      • 495

                      #11
                      مشكور على الموضوع وصراحه
                      حلوه حتى الجنون هجدها
                      يعني يوم هجدوا الانس راح يدور الجن
                      والله من الشجاعه ...
                      يعطيك العافيه يا سبع اوليث اوغضنفر حرب
                      يعني ســـــــــــــــــــــــــــــــــــــــــــــــبع بعين العدو ......

                      تعليق

                      • الحـــربــــــي
                        عضو
                        • Aug 2006
                        • 9

                        #12
                        اخوي سبع حرابة الدول قصه جميله ومشهوره

                        واشكرك على ايراد القصيده كامله




                        اخوي راعي العرف ماكنك تستهتر يوم تقول


                        حلوه حتى الجنون هجدها
                        يعني يوم هجدوا الانس راح يدور الجن
                        والله من الشجاعه ...


                        اخوي العزيز انت تعرف زي يوم الجميع يعرف ان الشيخ الفارس حجرف الذويبي

                        له قصص مع الجنون ومشهوره في كافة الخليج العربي مو بس في السعوديه


                        وانت تعرف انه يتحداها وينتصر عليها واذا ماتعرف اسال شيبانك عن الشيخ حجرف

                        ويعلمونك منهو حجرف







                        ولك اجمل تحيه

                        تعليق

                        • راع العرف
                          عضو مميز
                          • Aug 2006
                          • 495

                          #13
                          لاياخوي وبن عمي الحربي انا ماستهتر ولا شي
                          واسلوبي لو انه استهتار كان ماقلت سبع حرابت
                          الدول وحجرف شيخ وفارس ولااخذ نصيبه من الذكر
                          مثل الفرسان الاخرين انا ارفع راسي بحجرف الذويبي
                          مثل فرسان حرب الثانين ويكفيك ان ابوه الفارس الشيخ
                          عياد الذويبي هزم اهل القصيم وعنزه واهل الجبل مجتمعين
                          ونعم فيه وفي حجرف وفرسان حرب الباقين ولايهونون فرسان
                          عتيبه وحنا بمنتداهم منتدى الهيل والخيل وسلامتكم ............

                          تعليق

                          • غشام نجد
                            مشرف سابق
                            • Aug 2005
                            • 2631

                            #14
                            بسم الله الرحمن الرحيم
                            مشكور اخوي سبيع حرابة الدول
                            على القصه والقصيده

                            تعليق

                            • فهيد الايدا المورقي

                              مشرف منتدى الصحافة

                              • Oct 2006
                              • 14585

                              #15
                              اخوي سبع حرابت الدول مشكور على هذا الطرح

                              والفارس حجرف الذويبي غني عن التعريف ونعرف انه يرجع ساسه

                              ذيابي من الروقه من قبيلة عتيبه جلا ابوه لحرب وحالفهم واصبح ابنه

                              حجرف فارس وشيخ من شيوخ حرب وسال شياب حرب اذا لم تصدق

                              مار ردو عيال عمنا لنا يا حرب
                              حسابي في تويتر


                              faheed_1234

                              تعليق

                              العمل...